ومن الحب ما قتل

كان يا مكان فمدينة الرباط فتاة سميتها سارة عندا 24سنة كانت زوينة بزاف بيضاء وشعرها ديراه اكاجو وعنين كحلين كتلبس مزيان كتعيش مع دارهم ماماها وباباها واختها اليوم اول يوم عندا بالجامعة فاقت معطلة بزاف حيت ولفات الراحة نوضتها ماما شفت ساعة لقات راسها معطلا ناضت بالزربة لبسات حوايج جداد كانت خداتهم على ود اول دخول هبطت بزربا سلمت على ماماها وكملت طريقها للجامعة بدات كتسنا طاكسي والو مكاينش وكانت ديك الساعة الشتاء بدات تصب تعصبات حيت غتفزج شوية بان ليها تاكسي وقفاتو بمشقا كيف طلعت جا واحد الشاب تاهو طلع فنفس الوقت لداك طاكسي كان طويل وعامر وزوين وانيق وهي تقولو:اهيا اش كدير راه انا لوقفتو الاولى هو:لا انا لوقفتو وانا لي غنركب فيه هي:والله لا ركبتي انا مشا عليا الحال صافي نزل هو:واش انت مسطيا انا ما مزروب انت لغتنزلي .هو ينوض مول طاكسي دابا غي تفاهمو انا نوصلكم مزوج فين غادين قالو مجوج فدقا الجامعة .وهي تبقا تشوفيه وكتخنزر وحتا هو .قالهم مول طاكسي اوا صافي هانتوما مجوج غادين نفس بلاصة.انا نوصلكم مجوج.هو ينقز:اوا شغدير بنادم فايق خاسر على صباح.هي :الله يستر مبقواش كحترمو حق اسبقية للمرأة هو تجاوب على هدرتا بلا ميشوف فيها :دابا راه ولات المساوات اولا اشريف شوية كتقلب الساك باش تخلص تفكرات بلي نسات البزطام ديالها اويلي بقات تفكر شغدير وهي تقولها مول طاكسي:انا حشمانا منك اسيدي عرفتي قلبت ساك لقيت راسي نسيت البزطام وهو بلا ميحس طلق واحد الضحكة حتى بقات تخنزر فيه :تهجرو.هو :كضحك ويقولها سمحي لي بلا ما نحس . قالها مول طاكسي وانا شغنديرلك ابنتي انا باغي فلوسي قاتلو شغندير هو ينقز:صافي هاك اشريف تخلص فجوج.هي حشمات وهبطات الجامعة وحتى هو .قالت ليه بنفخة:شكرا.هو:شنو مسمعتش.هي تعصبات حساتو كستفزها:شوف انت اداك العايق انا وخا خلصتي عليا انا انرد ليك فلوسك متبقاش تجمل عليا.هو:وانت لعايقا ومهزا معاك تاريال النفخة على الخوة.انا داك فلوس غي خديهم كادو مني ومشا وخلاها معصبا ...

ولد الشطيان

سلام إخواني غادي نعود لكم قصتي و معاناة لقاصيتها طول هاد سنين بسبب غلطة غبية لمهم سميتى يونس 33 سنة موظف في بنك متزوج حمد الله الحالة المادية ميسورة مخصنا تخير انا و مرتي حرية مزوجين هادي 7 سنوات عيشين مزيان و مفاهمين لوحد درجة كبيرة رغو واحد مشكل لسبب لنا أرق في حياتنا أنها عاقر مكتولدش أنا مكان عندي تمشكل حيث هاد شي مكتبةا الله و لكن حرية كانت كتحس بنقص فاش كتشوف خوتتها و عيلات خوتها كولدوا لمهم حولت بكل طرق طبية و غير طبية و لكن مجابش الله اتا كانت حاس بها و بليل كنسمعها كتبكي بزاف و كتشكي أمرها لله و كدعي مرات سنين على هاد الحال و بدات علاقة ديلنا كتعرف نوع من فتور وحد مرة سولتها قلت ليها ملكي أحرية تبدلتي بزاف جاتني لصراحة قالت ليا انها كتحس برسها بحال خدامة في دار و لات كتحس بملل لمهم دكرنا داز واحد شهر شديت كونجي و قترحت عليها نسفروا لسوس عجبتها لفكرة لمهم وجدنا حوجينا و مشينا صراحة منظر كان جد رائع و دوزنا واحد ثلاث أيام روعة حتا ليلة رابعة كنت ناعس ونا...

ﻫﻮﺱ ﺍﻟﻘﺒﻮﺭ

ﺍﻟﺠﺰﺀ ﺍﻻﻭﻝ

ﺍﻟﻤﺸﻜﻠﺔ ﺩﻳﺎﻟﻲ ﺑﺎﺧﺘﺼﺎﺭ ﻏﺎﺩﻱ ﺗﺒﺪﺍ ﻣﺎﻟﻠﻲ ﻛﺎﻥ ﻓﻌﻤﺮﻱ 22 ﺳﻨﺔ ﺑﺎﻟﻀﺒﻂ 2011 ﺩﻳﻚ ﺍﻟﺴﺎﻋﺔ ﻛﻨﺖ ﺧﺪﺍﻡ ﻓﻮﺍﺣﺪ ﺍﻟﺸﺮﻛﺔ ﺩﻳﺎﻝ ﺍﺷﻐﺎﻝ ﺍﻻﺗﺼﺎﻻﺕ ﻛﺎﻧﺮﻛﺒﻮ ﺍﻟﺮﺍﺩﺍﺭﺍﺕ ﻓﺎﻟﺠﺒﺎﻝ ﻭﺍﻟﺪﻭﺍﻭﻳﺮ ﺭﺍﻛﻮﻡ ﻋﺎﺭﻓﻴﻦ ﺩﻳﻚ ﺍﻟﻤﻬﻨﺔ ﻛﺎﺗﺒﻐﻲ ﺍﻟﺘﻨﻘﻞ ﺑﺰﺍﻑ، ﺍﻟﻤﻬﻢ ﻛﻨﺖ ﺧﺪﺍﻡ ﻣﻨﻬﺎ ﻛﺎﻧﺼﻮﺭ ﺍﻟﻔﻠﻮﺱ ﻭﻣﻨﻬﺎ ﻛﺎﻧﺘﺴﺎﺭﺍ ﻓﺒﻼﺩﺍﺕ ﻋﺒﺎﺩ ﺍﺍﻟﻠﻪ ﻣﻊ ﺍﻟﺸﺮﻛﺔ، ﻓﺎﻷﻭﺍﺳﻂ ﺩﻳﺎﻝ 2011 ﻗﺎﻟﻮ ﻟﻴﻨﺎ ﻏﺎﺩﻱ ﻧﻤﺸﻴﻮ ﻟﻮﺍﺣﺪ ﺍﻟﻔﻴﻼﺝ ﺻﻐﻴﺮ ﻛﺎﻳﻦ ﻧﻮﺍﺣﻲ ﺩﻳﺎﻝ ﺍﻏﺎﺩﻳﺮ ﺑﺎﺵ ﻏﺎﺩﻱ ﻧﺮﻛﺒﻮﺍ ﺭﺍﺩﺍﺭ ﻓﻮﺍﺣﺪ ﺍﻟﺠﺒﻞ ﺗﻤﺎ، ﺍﻷﻣﻮﺭ ﻛﺎﻧﺖ ﻃﺒﻴﻌﻴﺔ ﻭﺻﻠﻨﺎ ﻛﺮﺍﺕ ﻟﻴﻨﺎ ﺷﺮﻛﺔ ﻭﺍﺍﺣﺪ ﺍﻟﺪﺍﺭ ﻭﺗﻮﻛﻠﻨﺎ ﻋﻠﻰ ﺍﻟﻠﻪ ﻭﺑﺪﻳﻨﺎ ﺍﻟﺨﺪﻣﺔ، ﺍﻟﺒﻼﺻﺔ ﻓﺎﺵ ﻛﻨﺎ ﺧﺪﺍﻣﻴﻦ ﻛﺎﻧﺖ ﺧﺎﺭﺟﺔ ﻋﻠﻰ ﺍﻟﺪﻭﺍﺭ ﺷﻮﻳﺔ ﻭﺟﻨﺐ ﻭﺍﺣﺪ ﺍﻟﻤﻘﺒﺮﺓ ﻗﺪﻳﻤﺔ ... ﻛﺎﻧﺨﺪﻣﻮﺍ ﻣﻦ 9 ﺗﺎﻝ 5 ﺩﻳﺎﻝ ﺍﻟﻌﺸﻴﺔ، ﺍﻟﻤﻬﻢ ﺑﺎﺵ ﻧﺨﺘﺎﺻﺮ ﺧﺪﺍﻣﻴﻦ ﻋﺎﺩﻱ ﺣﺘﻰ ﻟﻠﻴﻮﻡ ﺍﻟﺮﺍﺑﻊ ﺭﺟﻌﻨﺎ ﻣﻦ ﺍﻟﺨﺪﻣﺔ ﻋﺎﺩﻱ ﻭﺑﻘﻴﻨﺎ ﻗﺼﺎﺭﻳﻦ ﺍﻟﻠﻴﻞ ﻛﺎﻣﻞ ﺍﻟﻀﺤﻚ ﻭﺍﻟﻨﺸﺎﻁ ﺣﺘﻰ ﺩﺍﻧﺎ ﺍﻟﻨﻌﺎﺱ، ﻣﺎﻟﻠﻲ ﻧﻌﺴﺖ ﻛﺎﻧﺤﻠﻢ ﺷﻲ ﺃﺣﻼﻡ ﻓﺸﻲ ﺷﻜﻞ ﺃﻭﻝ ﻣﺮﺓ ﻛﺎﻧﺤﻠﻢ ﺑﺤﺎﻟﻬﻮﻡ، ﻛﺎﻧﺤﻠﻢ ﺑﺮﺍﺳﻲ ﻫﺎﺯ ﻓﺎﺱ ﻭﻛﺎﻧﺤﻔﺮ ﻓﺪﻳﻚ ﺍﻟﻤﻘﺒﺮﺓ ﻭﻛﺎﻧﺨﺮﺝ ﻣﻨﻬﺎ ﻭﺍﺣﺪ ﺍﻟﻤﺮﺃﺓ ﺻﻐﻴﺮﺓ ﻓﺎﻟﺴﻦ ﺩﻳﺎﻟﻬﺎ، ﺿﺮﺑﺎﺗﻨﻲ ﺍﻟﻔﻴﻘﺔ ﻭﻗﻠﺖ ﺃﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ، ﺭﺟﻌﺖ ﻧﻌﺲ ﻧﻔﺲ ﺍﻟﺤﻠﻢ ﻋﺎﻭﺗﺎﻧﻲ، ﻓﻘﺖ ﺑﺎﻟﺰﺭﺑﺔ ﻭﺍﻟﺨﻠﻌﺔ ﻓﻴﺎ ﻭﻣﺎ ﺭﺟﻌﺖ ﻧﻌﺴﺖ ﻏﻴﺮ ﺑﺰﺯ ... ﺍﻟﻐﺪ ﻟﻴﻪ ﻣﺸﻴﻨﺎ ﻟﻠﻠﺨﺪﻣﺔ ﻛﻲ ﺍﻟﻌﺎﺩﺓ ﻭﻟﻜﻦ ﻫﺎﺩ ﺍﻟﻤﺮﺓ ﻏﺎﺩﻱ ﻳﺘﺒﺪﻝ ﺍﻟﻮﺿﻊ ﺣﻴﺚ ﻓﺎﻟﻮﻗﺖ ﺍﻟﻠﻲ ﻋﺒﺎﺩ ﺍﻟﻠﻪ ﺍﻟﻠﻲ ﻣﻌﺎﻳﺎ ﻛﺎﻧﻮ ﺧﺪﺍﻣﻴﻦ ﺃﻧﺎ ﻛﻨﺖ ﻛﺎﻧﺸﻮﻑ ﻏﻴﺮ ﻓﺎﻟﻤﻘﺒﺮﺓ ﺑﺤﺎﻝ ﺷﻲ ﻭﺍﺣﺪ ﻛﺎﻳﺘﺴﻨﺎ ﻳﺒﺎﻥ ﻟﻴﻪ ﺷﻲ ﺣﺪ ﺷﺤﺎﻝ ﻫﺎﺩﻱ ﻣﺎ ﺷﺎﻓﻮ، ﻭﻟﻜﻦ ﺃﻧﺎ ﻣﺎﻛﻨﺘﺶ ﻛﺎﻧﺸﻮﻑ ﻓﻴﻬﺎ ﻟﺨﺎﻃﺮﻱ ﻭﺇﻧﻤﺎ ﺑﺤﺎﻝ ﺍﻟﻰ ﺷﻲ ﺣﺎﺟﺔ ﻛﺎﺗﺒﺰﺯ ﻋﻠﻴﺎ ﻧﺸﻮﻑ ﺟﻬﺘﻬﺎ ﺩﺍﺯﺕ ﻭﺍﺣﺪ ﺍﻟﺸﻮﻳﺔ ﺑﺪﻳﺖ ﻧﺴﻤﻊ ﺍﺻﻮﺍﺕ ﺟﺎﻳﺔ ﻣﻦ ﺍﻟﻤﻘﺒﺮﺓ ﺃﺻﻮﺍﺕ ﻏﺮﻳﺒﺔ ﺑﺤﺎﻝ ﺍﻟﻰ ﺷﻲ ﺣﺪ ﻛﺎﻳﻘﺮﺍ ﻃﻼﺳﻢ ﺃﻭ ﺷﻲﺀ ﻣﻦ ﻫﺎﺩ ﺍﻟﻘﺒﻴﻞ، ﺍﻟﻤﺸﻜﻠﺔ ﺍﻟﻤﻘﺒﺮﺓ ﻛﺎﻧﺖ ﺧﺎﻭﻳﺔ ﻭﻛﺎﻥ ﻫﺎﺩﺷﻲ ﻭﺍﺍﺿﺢ ﺣﻴﺚ ﻣﺎ ﻋﻨﺪﻫﺎ ﺣﻴﻮﻁ ﺍﻭ ﺑﻴﺒﺎﻥ ﻷﻧﻬﺎ ﻗﺪﻳﻤﺔ ﻛﻴﻤﺎ ﻗﻠﺖ ..يتبع

#‏ذاكرة‬ كاملة

غرفة رقم 401 مصحة الأمل لأمراض السرطان

اسمي عائشة فعمري 21 سنة كنقرا فالجامعة،السنة الثالثة، هاد العام كنت غنشد الاجازة ديالي ولكن مع المرض محال،

فهاد الفترة كنحس بلي القدر كيتفلى عليا، أشمن عائشة وانا فالمصحة ديال السرطان، عندي ورم فشي بلاصة من ذاتي، صراحة عندي فالرحم، أنا اللي درتها لراسي، كنت كنتعطل مكنبدلش الفوطة الصحية حيت كنكونt مشغولة فالقراية، ومكنتش عارفة المخاطر ديال الاهمال، ايوا هذا هو السبب، وحتى ملي كنت كنحس بالم كيخليني مكوفرة وسط الطريق بحال الصنم مديتهاش فيه ومعمرني مشيت عند الطبيبة ديالي، كان التهاب من بعد ولا ورم وانتشر فأنحاء ثانية من الجسم ديالي،

البايرة

الجزء 1 : غادي نعاود ليكم قصتي ... ومعاناتي مع العنوسة... او كيف كنقولو بدارجة ديالنا البايرة.... انا اسمي نزهة في عمري حاليا 63 سنة نبدا ليكم من طفولتي كنت ساكنة في فيلاج صغير انا وسطانية في خوتي احنا 6 خوت 4 دراري و 2 بنات دوزت طفولة ديالي عادي الحمد الله احنا ناس ما عندناش وما خصناش عزيز عليا النشاط والضحك بزااف وصلت سادسة ابتدائي وجلسوني من مدرسة حيت قالك عيب البنت تكمل قراية خاصة وكوليج بعيدة علينا منين نجحت وشحال وانا نبكي بغيت نكمل قرايتي كنت كنتمنى نولي شي حاجة في مستقبل ولكن الاسف عندنا نظام ديكتاتوري وليت غير في تمارة شقا ديال دار كلو ولى عليا واختي صغيرة فين وفين فاش كتعاون كلشي ولى مني وليت الخدامة ديالهم حرموني من دراسة كويتها في قلبي وسكت ولكن لي زاد فقصني كيجوني خطاب وكيردوهم كيقولهم راها باقية صغيرة منعرف صغيرة علاياش يمكن على فم الضبع مننين جلست من مدرسة وانا هازة دارنا فوق كتافي المهم هذا مكتاب ومكاينش لي يرد الوالد الكلمة لي قالها هي لتكون قالك بيض قولي بيض خوتي دراري تزوجوا جوج فيهم بعاد علينا في مدينة اخرى خدامين واخرين سكنو معانا في دار وهنا غادي يبدا تكرفيس مكاينش العوين نظرا هادو لي خداو خوتي تزوجو بجوج خواتات وكانو خدامين في واحد معمل كيفيقو من 6 صباح حتى 5 العشية كيجو مساليين وانا كلشي مني منقدرش نهز العين دايريني خدامة ديالهم ...

أحببت متكبرا

يوم غادي نحكي ليكم على قصة حياة واحد لبنت لي عايشه علا قد لحال و مرتاحا معا ميمتها ولاكين لحياة مخلاتهاش مرتاحا و عدباتها بزاف و لكن ربي كبير و كايفرجها من عندواالام : انوضي يا وجه لويل راه لالياتك مزوجين و بولادهم و ديورهم وتي باقة مكونة حدايا كيشي لصقه ماعرت وقتاش نتهنى منك يا سيدي يا ربي واش انا دايرا شي موصيبة لي مصلط عليا هاد لقدرة ما تنفع بنفع غي صريط و نعاسانا : وا مي غا كاتصدعي راسك ياك غي انا ولاه لا تهنيتي مني مالي يانا حمقة لي نخلي مي لحبيبة بوحدهاالام: ليعطيك حبة فضراس شتك تحليك داك دلقوش ياكما توحشتي شي طريحة فهاد صباح ادويانا : الا امي اناري واش تي ماتاتعيايش من لعنف خصني نشكي بيك لجمعية محاربة لعنف ضد الاطفال خخخالام : علاه بسلامه تي حاسبة راسك طفلة نتي قدك قد لبغلة نودي حيدي من قدامي قبل من بدا بيك اخخ تفو تريكة ناقصة كيفك كيف باك

قصة كتاب شمس المعارف الكبرى

الجزء الأول

قبل ما أبدأ قصتي الخوت كنطلب منكم حتا واحد ميقلب على هدا الكتاب حيت هو

كتاب سحر وتحضير للجن اللهم اني بلغت اللهم إشهد 

قصتي بدات لعام لفايت في شهر 8 كنت مخيم أنا و واحد صاحبي بحال أي واحد فيعطلة صيف كنا فرحانين ناشطين وكلين شاربين

الحسناء والجن العاشق

سميتي حسناء فعمري 19 عام الوليد ديالي تاجر مشهور فالمنطقة مسك عليه الله وخى عمرو دخل المدرسة ولا داز جهتها تزوج الأم ديالي وهي باقية قاصر 14 عام حتى هي ما قرات ما درات كانت كتلعب فالدوار حتى قالو ليها أجي تزوجي بولد عمك .. الوليد ديالي كان كبر منها ب 20 عام مسكينة فرحت كيصحاب ليها غيتبناها حيت يتيمة الأب ، المهم تزوج أحمد بميلودة ودارو عراسية مضخمة ومن بعد عامينتزاديت أنا البنت الوحيدة عندهم حيت ماما عقرت من بعد ما ولداتني، كنت مفششة بزاف اللي بغيتها كيحضرها ليا الوليد .. ما نكدبش عليكم كنت مغرورة وعاجبني زيني فواحد نهار قررت ندخل لمدرسة ديال الرقص بالموازاة مع الدراسة ديالي أو لي حتى هي كنت متفوقة فيها باستثناء مادة التربية الإسلامية كنت كنكره الأستاذ ديالها فينما كنشوفو كيتقبط عليا خاطري ما عرفتش علاش المهم هو أنني ديما كنغيب ديك الحصة أو ملي خديت الباك ديالي فرحت بزاف حيت تهنيت من هاد المادة أو ختاريت نقرأ المسرح فالمعهد .. حتى لدبا كيبان كلشي عادي (نسبيا) ولكن مع الوقت بديت كنميل للعزلة كنمشي للمعهد كنسالي الحصة ديالي وكنرجع للدار مابقيتش كنجمع مع صحاباتي كيف الأول أو حتى الدراري لي كان عزيز عليا نتفلى عليهم وليت كنتهرب منهم ويلا قرب مني شي واحد كنثور فوجهو قبل ما ينطق بشي كلمة، كلشي لاحظ التغير لي وقع ليا إلا الوالدين ديالي وخى كنت كنبقى سادة عليا فالبيت لساعات طويلة هما كيسمعو غير صوت الموسيقى كيقولو راها كتشطح كيف العادة، حتى واحد ما كان عارف آش كيوقع فهاد البيت ماكانوش عارفين بلي كنت كنعيش معاناة حقيقية أو لي سبابها "الجن العاشق" . إلا شفنا القصة ديالي من زاوية أخرى غنلاحظو بلي الأسرة ديالي عطاوني كلشي ماعدا الاهتمام بالجانب الديني، حيث حنا كنا مسلمين غير بالسمية

انتقام الجن

سلام خوتي جيت نحكي ليكم قصتي انا سميتي ايوب عندي19 سنة وحنا عايشين ب 5 بينا فدار،انا والواليد والواليدا وختي صغيرة اوجدتي قصتي بدات مني سافرنا فالصيف للعروبية عند عمي دوزنا تما اجمل الاوقات مع العائلة والاصدقاء كنت تعرفت على واحد بنت جيران تما سميتها عتيقة كانت زوينة وضريفة مع الوقت ولينا كنتلاقاو بزاف او تا واحد ماكان عارف هد العلاقة لي بيناتنا كنت كانبغيها او مانويش نتفلا عليها بحكم انها هي بنت البلاد ماعرفاش القوالب والتحراميات اومكاين لا فيس لا تيليفون غي الحداgا وشغل دار اوكنت مواعدها بالزواج منبعد مانشد الباك ونخدم غا نتزوج بيها اوهيا كانت موافقا على هد القرار كان باقي لينا نهار واحد فالعروبية ونرجعو لدارنا فقت على النبوري ومشيت نتسناها فالبلاصة لي كنتلاقاو فيها لقيتها سبقاتني لتما بقينا مجمعين اوكنهدرو فشلا اومور او كان الاحترام بيناتنا كل واحد عارف الحدود ديالو او انا كنت باغيها فالحلال. وحنا gالسين بان ليها واحد المش صغير قالت لي شوف داك المش كي كيشوف فينا وبديت كانضحك قلت ليها واقيلا حاسدني حيت gالس معاك اوهو كاين غي بوحدو ههه مشات هزاتو بقات شاداه فيديها كان لونو كحل او عينيه زرقين بزاف كيبان صغير قالت لي عتيقة شتي كون ماكنوش عندي المشاش فالدار كون ديتو معايا نربيه قلت ليها انا ماعنديش معاهم ولكن منين بقا فيك غا نديه معيا لمدينة اوغنتهلا فيه مزيان. صافي اومشات ديك الساعة بقيت حاضيها تا وصلات لباب اوشيرات ليا بيديها اودخلات عاد مشيت انا لدار درت داك المش فواحد الكارطونة اوعطيتو الماكلة. ابقيت كالس معا موالين دار تا تغدينا اوهبطنا لواد انا اوعمي اوالواليد داز نهار زوين اوفاش رجعنا...

المقبرة

السلام عليكم الإسم ديالي يوسف السن 23 غي مريح فالدار حنت الواليدين عندي كيحساب ليهوم راني مسطي تبعو معانا لا بغيتو تعرفو قصتي كفاش بدات . هادشي بدا عام 2010 كان عندي الباك لي شديتو الحمد لله و لي مدوز الباك غادي عرف أن هاد العام كيعيا فيه بنادم بزاف و كيبغي يتسراح من إكمل و هادشي علاش فكرت ندير شي رحلة أنا و عشراني لا خوتي هههه أشرف و سيمو كنا معروفين بالتسطيا ديالنا و غاع الصائب درناها ب 3 و عشرتنا بدات من الطفولة الخلاصة كنا توام ولكن كل واحد من أم. كان عزيز علينا التخيام و الصفر و شنو أحسن مناسبة تقدر تجي حسن من هادي باش نصافرو ولكن حرنا فين غادي نمشيو حنت معدناش مع البلايص العامرة بحال المدن الكبار كنبغيو الغابات الجبال يعني البلايص لي معامرينش بكحل الرأس كل واحد و أش كقتارح ولكن فاللخر قررنا نخيمو فغابة معمورة ل حدا الرباط ، درابنا حسابنا شخال غادي خصنا ديال الفلوس داخلا فيها فلوس المازوط و القص ، معندناش مشكل فالطرونسبور حنت أشرف باه أيخليها ليه ههه شكون إقدر إقول لينا لا ههه ناجحين فالباك ، مهم كل واحد جاب حقو فالفلوس هبطنا تقدينا الخضرة العطرية اللحم غاع داكشي لي غادي إخصنا فهاد السيمانة خديناه و تافقنا باش الغد ليه أنتحركو بكري أشرف أيدوز عندنا إهزنا من ديورنا و داكشي لكان وصل الصباح لقيت مي مسكينة فايقة كتسنا فيا عنقاتني و قاتلية ردو البال لريوسكوم و قول لأشرف إصوغ بشوية قلتليها متخافيش أ ميمتي بست ليها على راسها و خرجت عندو و دزنا عند السيمو و هزيناه تا هو ، كانت شي 6 ديال الصباح ديك الساعة و راكوم عارفين العشران من كيتلاقاو شي شاد ف شي و بقينا كنخطو كفاش أندوزو هاد السيمانة و كل واحد و شنو قال و لكن ف الاخر تافقنا باش نحطو الطونوبيل فشي أوطيل من ليكيكونو تماك و حنا نهزو لي صاكادو ديالنا و نشوفو شي حد ولد المنطقة لي ورينا البلايص الزوينين فالغابة و نخيمو تماك إيه كلشي قبل ، خلينا أشرف كيصوغ و نعسنا حنا. من فقنا كنا تماك مع شي 8 و نص حينت بين الجديدة و الرباط ماشي بزاف ديال الطريق هبطنا فطرنا فواحد الكافي و من تماك مشينا للواحد البلاصة كيكون فيها المخيم ديا الدراري فالصيف صافي دوينا مع واحد السيد باش الطونوبيل تبقى تماك و وصينا العساس و هو نيت سولناه على شي حد إكون حافض الغابة مزيان ، قالينا واحد هو لي حافضها بحال صباع إديه سعد خدينا النمرة و عيطنا ليه ...