هادا واحد الكيليميني سميتو ريان ..منين كان صغير وهو فاقص باه ..خواف ومبرهاش كيخاف من خيالو .دخل للمدرسة وكانوا ديما مفرشخينو ديما مبوط ..بسباب لبلادة ديالو وهو نيا لي قالوهالو كايتيق ..
والسيد كبر ولا قد الشحط عندو 25 عام وباقي ساكن مع دارهوم وكايخاف من الظلام ..
واحد نهار فالشتا كان الرعد
ومو وباه ناعسين ماعليهوم مابيهوم ..حتى كيسمعو الطاق دركدرك صطاااق ... وهو دخل عليهوم ريان وبدا ماماااا ناري الرعد خبيني ...
مو كعات ودارت فيه : امالك البغل شو قداش وليتي وكاتخاف الله اخليها سلعا نوض ضرق عليا كمارتك. . وهو يبدأ يبكي وبقا كيقول : عافاك اماما سمحيلي ياك انا وليدك عافاك خليني حداك غير شوية. ..
صافي لغد ليه باه ومو دارو إجتماع والو خاصهوم يلقاو حل لهاد البسالات وصافي ققررو اش غايديرو ؟
صافي باه ومو قررو يزوجوه ! راه كبر خاصو يجمع راسو إلى تزوج ايتعلم المسؤولية. . صافي الصباح فاقو ووجدو. . ايبداو بجيرانهوم .. المقربين أولى. . وصلو عند جارتهوم السعدية .. داق داق ! شكون هادو حنا جيرانهم. .المهم مرحبا وداكشي ديال لبروطوكول ...اش كاين ياك لاباس .. ااحنا جايين طالبين راغبين فيد بنتكوم لولدنا ريان ... الجارة صفارت اويلي ريان .. بالاتي واحد الدقيقة المسخوطة ما عندك زهر بقيتي ماباغاش تزوجي ماقبلتي علا اسماعيل ولد خالتك ما قبلي بمعاد لي فالطاليان ..! وهاك مك هانتي اتزوجي بيان. . لبنت ماعجبهاش لحال ولا اماما مابغيتوش. . وهي تقوليها مها وصافي هادي لخرا ليك اتاخدي ريان يا لاه لبسي وخرجي باش اشوفوك !! البنت بغات تنتاقم وهي تشعكك شعرها والحالة حالة وخرجات. . وغير شافوها تصدمو اش هاد التبهديلة ... يالاه هما حايرين ومها اتاكولها بعينها و دقدقدق. . شكون انا ريان ..حلو ليه وهو يقول : سلام خالتي ماشفتيش ماما وهي تقولو مو هاحنا جينا نخطبو ليك. .. غير هو سمع ايخطبو ليه تقلشولو لودنين وبدأ كيقاد لقاميجة .. ااه علاش لا نيت راني كبرت. . ااه! فين لعروسة وهي تنقز هانا هانا ! زعما باش يشوفها هاكاك وماتعجبوش ولكن هو شافها سهاااا فيها وهما مافهمو والو اويلي ديك لمصيبة تكونعجباتو !!
بقا كايشوف فيها وكايقول تبارك الله .. تبارك الله .. تبارك الله والصلى على النبي. . واو هادي خاطيبتي. .يا لا مو بغات تهضر وهي تنقز مها وضرباتها بواحد مولاتي تزغريتة لولولولولولولي !!! وقالت بسم الله نقراو لفاتحا .. مالقاو مايقولو وهي تقوليه مو واش عجباتك اوليدي قالها ااه حمقاتني وينو عليها غزالة بحل طوفيطة !! البنت ما عجبهاش لحال ومات كتبكي لبيتها وهو يقول الله حشماات !! باه قال اويلي وحدي قراو لفاتحا عاواضي علا الله. .. شوية نقزات مها ايوا سير اوليدي ريان هضر معا خطيبتك. .. هو بدا كيفرنس هيهيهي . ومشا كايحنقز .. دخل عندها وقالها سلام انا ريان وانتي. .. قاتلو انا الجنية الكحلة لي اضربك إلى متقلعتيش من قدام خليقتي قالها .. اويلي علاش ماماك سماتك جنية. . وهي تبدا تحرنط وتبكي اييييه ميمتي وا سميتي زينب وهو يقوليها. . *o* وااااااو سميتك واعرة ياحليلي كتفكرني بالزبيب. . منين نتزوجو انبقا نجيبو ليك هههه. . دارت ليها هاد للقضية فراسها وقالت ممم مزيان ها همزة وجات بيديها دمدومة مزعوط عليا إلى تزوجت بيه نعيش أميرة هههه
صافي زينب عجبها لحال وقبلات وكلا نهارخيطي بيطي عندها و الكادوات وهي حسات براسها. . والعرس نهار لخميس. . بعدا مو وباه رتاحو منو منين كايخاف بليل كيعيط علا زينب. . الو زينب ناري شي حاجة كحلا حدا الماريو ويلي انا خايف. .وهي كاتقولو ماتخافش تخيلني انا هي ديك لحاجة لكلا. .وهاهو بقا كايضحك وكاليها ههه با بقاتش كاتخلع هاني تخيلتك لابسا الشيبي وتقيشرات فالفانيدي جيتي كاتحمقي. . وهي كاضحاك علا الطرطور لي طاحت فيه .. جا الخميس نهار لعرس ..هو مخلوع وباه كايوصي فيه ومو كاتوصي .. فلخر قاليهوم ماتخافوش و الله ماندير لبسالة. . مو تفقصات هي كاتوصيه علا كيفاش يعامل مرتو هو كايدير بحالا غادي يبات عند الجيران. . أما لعروسة جالسا كتفوح علا سحاباتها:: ويلي كون تشوفو سيدي ريان كيداير تبارك الله عليه الطولة والزين والتبوكيصة. . غادي يشريلي داري بوحدي فجنب لبحر و.. قبل ماتسالي هضرتها بقاو كايضحكو هههههههه وقاتلها واحدة: سكتي سكتي واش سحابك طايحين من سما نتي دايا عنيبة وكتهضري. شحال شرالي من بوكاضيوس كنعرفو حسن من نمرت صباطي. . حشمااات وتزنكات ويلي ويلي علا شوها وهي تنوض .. دابا جا جلس حداها فلجلسة وطبالة غياطة والركزة والشطيح نابضة. . هو جالس وكيهزهز فرجليه. . دارت زينب تشوف فيه لقاتو نافخ حناكو وايطرطق. . وهي تقول ااييييه اويلي وحدي مالك حشمتينا .. وهو يقوليها بغيت ناكل جاني الجوع وداك لبرهوش كيضرب فكعب غزال قدامي. . المهم داز لعرس وزينب كانت اتحماق. .
غير هما دخلو وهو يبدا ريان كيجري غادي للناموسية وقاليها انا لي انعس فالجنب لي حدا الحيط. . وهي تقولو علاش زعما؟ ؟ وهو قاليها .:: ومالك بغيتيني نطيح !! راني كندردب بليل. . بقات كاتشوف فيه وكتقول ميمتي علا طلية طحت فيها. . فالصباح ... خرجو يفطرو وهو خارج نافخ صدرو وعاجبو راسو جات عندو مو .. قولي اوليدي امضرا داكشي لي وصيتك. . قالها ماتخافيش كلشي هو هاداك. . وهي تبدا تزغرت. . جات عندها زينب وقالت ليها بلا ماتفرحي رآه انا لي درت كلشي. . جالسين كيفطرو. . و ريان كل شوية كيشوف فمو ويخرج عينيه. .حتى تعصبات. . ياك لاباس !! من الصباح ونتا تحنزز فيا !! ما خليتنيش حتا نحنجر فخاطري تفوو! ! وهو يقوليها لا مافهمتينيش غير بغيتك تكبيلي اتاي إنتي قلتيلي منين ايكونو الضياف ونبغي شي حاجة نشوف فيك. . وهي تغوت عليه: وااا بنادم راه هادي غير مرتك ماكاين دياف. . جمعو لفطور ومشا ريان اخدم. . شوية ترنترررررن ! تلفون ديال زينب كايصوني. . الو شكون معايا. . المتصل: صافي دغيا نسيتيني,
زينب : مافهمتش شكون نتا المتصل
ايوا الله أعطينا وجهك انا مراد
زينب: ااااه !! بلاتي بلاتي! !.وهي تمشي للبيت كتجري باش مايسمعنا حد. .
زينب: علاش كنتعيط عليا راني تزوجت دابا !!! اوااه شكون هاد مراد وشنو عالاقتو بزينب ؟؟
مراد:وي عارف ! ولكن كنشوف بلي نسيتي كولشي لي. ... قاطعاتو زينب: صافي حماتي جايا! ! وقطعات عليه. . ناريي اش بغا هدا بغايخصر لي داري ويخلي عشتي. . بقات زينب مخلوعة وكتقول معا راسها ناري كون اعرف ريان وخا هو دمدومة ولكن مانعرف شنو تحت راسو! ! جا ريان وجاب معاه الزبيب ومن لباب. . زينااااب وزينب !! شوفي شنو جبت ليك. . جات عندو وقاليها هاهو زبيب لي واعدتك بيه. وديما ديما منين نجي نجيب ليك منو. . قالتلو شكرا وهي باقا مخلوعة. . ريان شاف فيها وبانت ليه ماشي حتا لهيه وهو يقوليها مالك؟ ؟ بدات كتفتف وقالتلو والو! ! اش ايكون !! ما مالي والو! ! وهو يقولها صافي عرفتك مالك! !.وهي تصفااار .. قالها صافي غير كوليه عرفتك ماباغاش دوقيني من الزبيب. .. هووووف رتاحت قلبها كان ايسكت. . بليل وهما متكين فلفراش و زينب كتحك لريان راسو. . وهو يقوليها. . زينب. .. نعام .. عقلتي نهار جيت نخطبك. . إيه أو من بعد. . بغيت تقادي حالتك لحال لي شفتك ديك نهار. . راك جيتي فنيونا بحال شي قطيطة وينو وينو. .. ديك ساعة زينب تفقصات وهي تقول نوض عليا ونعس باراكا من لفشوش لبرهوش لاخور. .. لغد ليه مشا ريان اخدم ومو وباه خرجو. . وبقات زينب بوحدها فالدار .. وكانت كتجمع الدار. . شوية داق داق داق! شكون ايكون كيدق واش ريان رجع بكري من لخدمة. .وهي تحل .. وشكون لي لقات واحد الشخص غير مرغوب فيه. . إنه مراااد !! هي شافتو تخلعات هو دفعها ودخل بزربة وسد لباب. . وهي تقولو خرج خرج !! ماخاصهش تكون هنا. . وهو جرا لصالون وجلسو وقاليها: دوي فضلتي عليا داك شماتا دريان .. هاه شنو عجبك فيه لا رجلة لا زين لا مجي بكري. . ودمدومة وعنيبة و المصايب كلها فيه! ! دوييي !! وهي تقوليه وراني كنت مجبورة هااا لعار لما سير فحالك ماديرش ليا المشاكيل. ...!!!! وفي هذه الأثناء ريان خارج بكري من الخدمة وجاي فطوموبيل كمفاجاة لمراتو ، كان ريان جاي فطريق وكيحس بشعور غريب فشكل ولكن معرفش علاش .. وفدار مراد: جاوبيني علاش !! علاش فضلتيه عليا باش حسن مني !! ضحيتي بحبنا وبكولشي !! وتخليتي عليا انا !! علاش زعما على ود هو لاباس عليه وانا متوسط. . ما كنتش كنضن بلي كيهموك المظاهر !!
زينب: وعباد الله هاد لهضرة ما عندها باش تنفع دابا انا مزاوكا لما سير فحالك .. ريان وصل للباب وكيقول: مممم نسيت شي حاجة ولكن شنو هي ..اااه! زبيب .. ههه وهو يهبط كيدردك للقلاي وشراه وطلع. . حل لباب ومع هو مبرهاش دخل كيتسحت زعما باش اخلعها. . وغير دخل احنيني نتا لي اتخلع منين ادخل وتشوف طوفيطة ديالك معامن. . قلب عليها فالبيوت لخرين مالقاهاش وهو يحل لباب ديال بيت نعاس. . *o* زينب! !!! هي غير شافتو ولات كتفيبري وصفارت وتلونات هي وداك مراد لي حداها شتووو داك دمدومة كي خفتو منو. .
ريان : كيفاش قديتي قاليها ريان: كيفاش قديتي ديري هاكا .. هادا هو الصواب يجيو الضياف وتجلسيهوم فبيت نعاس. .!! وما تصلتيش بيا حتا باش نجيب نعايا شي ديسير. .باز الالة صدمتيني ! !
وهنا تأكدت زينب بلي راها تزوجات ببعلوك وتستحق الوسام الملكي للغباء من درجة إمبراطور ...
مافهمات تا لعبة واش هادا كيضحك عليا. .المهم مراد قالو ماشي موشكيل لقيتيني غادي راه غير جيت نبارك ليكوم ونمشي. . .
المهم خرج وريان بدا كيفرنس وقال ليها هاد راجل دريف هاكي زبيب انمشي ندوش ونجي. ..
بقات زينب جالسا وكتفكر فالهضرة ديال مراد. .أودي مراد عندو لحق هادا لي خديت غير شماتة مايصلاح لوالو إلى كنت خايفة ميقدش يحميني وإلى كنت حزينة ما غاديش يفهمني. . ولكن انا خسرت راجل لي كان ايبقى فجنبي ويتهلا فيا ويحميني. .
أودي غير خرجت على حياتي ضاعت. ..
دازت 4شهور
واحد الصباح وريان خارج كيزغرت وينقز
جات عندو مو ياك لاباس اوليدي مالك !! قليها ماما غادي نولي أم زينب حاملة. . وهي نجمعها معاه بصقلا وا الحيوان راه زينب لي اتولي أم نتا آب. .
قاليها آب وااااااو انولي سميتي بابا ياحليلي وخرج كيحنقز .. دخلات مو عند زينب وسولاتها واش بصح قاتليها اييه وهي تقوليها نوصيك ابنيتي إلى كان ولد ربيه أكون راجل ماشي بحال باه.
قالت زينب نحاول منين نولد ربي ولدي اكون راجل أما إلى خرج دمدومة بحال باه انتسطى ونحماق. . ومن تما الفترة ديال الحمولية كولها وهي مفششا ومبرعا مزيان. . اشمن شهوات وحلاوي والمحمر والمجمر ..لي بغاتها تلقاها عند رجليها. .وذاك لمدمدم ديال ريان كايخرجها الدير الرياضة باش ماتعدبش فالولادة زعما. .وشد كونجي تقول هو لي حامل ..عطاها كل وقتو ولكن هيا ديما كدور فيه كتقولو سير التعلم تولي راجل عاد اجي تهضر معايا ديما مشوهني قدام لعيالات ..
وهو مسكين كان كايطلع للسطح ويبكي ويمشي يقلب على لكتوبة لي فيهوم كيف تصبح رجلا. .المهم مسكين حاول ولا كايلبس بحال رجال وكايبان راجل
ولكن لعقل ديال الدريات
مهما حاول كيلقا راسو كيزيد يتعنب واصلا ملي مضارش فمراتو علا السبان وغادي على نيتو باغي يولي راجل راه هادي نيت ماشي رجلة
جا نهار اتولد مرتو ..عادة رجال كيمشيو معا عيالاتهوم اما هو كان مخبي بحال شي مش فالدار وكيبكي. . علاش حيت قاتلو مو بلي لولادة كتقصح ومومكين تموت
هو جالس مخلوع وكايقول ميمتي اشداها تحمل هي راسها قاصح ويلي طوفيطة ديالي اتمشي. .
خرجات هي من بيت لولادة وولدات ولد .. سولاتهوم فين رايان قالوليها مكاينش ... قالت اويلي انا حمقا كنسول طبعا مايكونش هنا
الحصول والعبرة لفلوس ماعمرها كتصنع راجل والدمدومة كيبقا دمدومة وخا يديوه لمريخ راه معمر الكتان كيولي حرير. .والراجل من كرش مو راجل .. ولكم حرية لإختيار يا أما راجل يعاونك فالدنيا واخا يكون فقير ولا لفلوس ويكون معاك شبه رجل.
لا يوجد تعليقات
أضف تعليق