ﻫﻮﺱ ﺍﻟﻘﺒﻮﺭ

ﺍﻟﺠﺰﺀ ﺍﻻﻭﻝ

ﺍﻟﻤﺸﻜﻠﺔ ﺩﻳﺎﻟﻲ ﺑﺎﺧﺘﺼﺎﺭ ﻏﺎﺩﻱ ﺗﺒﺪﺍ ﻣﺎﻟﻠﻲ ﻛﺎﻥ ﻓﻌﻤﺮﻱ 22 ﺳﻨﺔ ﺑﺎﻟﻀﺒﻂ 2011 ﺩﻳﻚ ﺍﻟﺴﺎﻋﺔ ﻛﻨﺖ ﺧﺪﺍﻡ ﻓﻮﺍﺣﺪ ﺍﻟﺸﺮﻛﺔ ﺩﻳﺎﻝ ﺍﺷﻐﺎﻝ ﺍﻻﺗﺼﺎﻻﺕ ﻛﺎﻧﺮﻛﺒﻮ ﺍﻟﺮﺍﺩﺍﺭﺍﺕ ﻓﺎﻟﺠﺒﺎﻝ ﻭﺍﻟﺪﻭﺍﻭﻳﺮ ﺭﺍﻛﻮﻡ ﻋﺎﺭﻓﻴﻦ ﺩﻳﻚ ﺍﻟﻤﻬﻨﺔ ﻛﺎﺗﺒﻐﻲ ﺍﻟﺘﻨﻘﻞ ﺑﺰﺍﻑ، ﺍﻟﻤﻬﻢ ﻛﻨﺖ ﺧﺪﺍﻡ ﻣﻨﻬﺎ ﻛﺎﻧﺼﻮﺭ ﺍﻟﻔﻠﻮﺱ ﻭﻣﻨﻬﺎ ﻛﺎﻧﺘﺴﺎﺭﺍ ﻓﺒﻼﺩﺍﺕ ﻋﺒﺎﺩ ﺍﺍﻟﻠﻪ ﻣﻊ ﺍﻟﺸﺮﻛﺔ، ﻓﺎﻷﻭﺍﺳﻂ ﺩﻳﺎﻝ 2011 ﻗﺎﻟﻮ ﻟﻴﻨﺎ ﻏﺎﺩﻱ ﻧﻤﺸﻴﻮ ﻟﻮﺍﺣﺪ ﺍﻟﻔﻴﻼﺝ ﺻﻐﻴﺮ ﻛﺎﻳﻦ ﻧﻮﺍﺣﻲ ﺩﻳﺎﻝ ﺍﻏﺎﺩﻳﺮ ﺑﺎﺵ ﻏﺎﺩﻱ ﻧﺮﻛﺒﻮﺍ ﺭﺍﺩﺍﺭ ﻓﻮﺍﺣﺪ ﺍﻟﺠﺒﻞ ﺗﻤﺎ، ﺍﻷﻣﻮﺭ ﻛﺎﻧﺖ ﻃﺒﻴﻌﻴﺔ ﻭﺻﻠﻨﺎ ﻛﺮﺍﺕ ﻟﻴﻨﺎ ﺷﺮﻛﺔ ﻭﺍﺍﺣﺪ ﺍﻟﺪﺍﺭ ﻭﺗﻮﻛﻠﻨﺎ ﻋﻠﻰ ﺍﻟﻠﻪ ﻭﺑﺪﻳﻨﺎ ﺍﻟﺨﺪﻣﺔ، ﺍﻟﺒﻼﺻﺔ ﻓﺎﺵ ﻛﻨﺎ ﺧﺪﺍﻣﻴﻦ ﻛﺎﻧﺖ ﺧﺎﺭﺟﺔ ﻋﻠﻰ ﺍﻟﺪﻭﺍﺭ ﺷﻮﻳﺔ ﻭﺟﻨﺐ ﻭﺍﺣﺪ ﺍﻟﻤﻘﺒﺮﺓ ﻗﺪﻳﻤﺔ ... ﻛﺎﻧﺨﺪﻣﻮﺍ ﻣﻦ 9 ﺗﺎﻝ 5 ﺩﻳﺎﻝ ﺍﻟﻌﺸﻴﺔ، ﺍﻟﻤﻬﻢ ﺑﺎﺵ ﻧﺨﺘﺎﺻﺮ ﺧﺪﺍﻣﻴﻦ ﻋﺎﺩﻱ ﺣﺘﻰ ﻟﻠﻴﻮﻡ ﺍﻟﺮﺍﺑﻊ ﺭﺟﻌﻨﺎ ﻣﻦ ﺍﻟﺨﺪﻣﺔ ﻋﺎﺩﻱ ﻭﺑﻘﻴﻨﺎ ﻗﺼﺎﺭﻳﻦ ﺍﻟﻠﻴﻞ ﻛﺎﻣﻞ ﺍﻟﻀﺤﻚ ﻭﺍﻟﻨﺸﺎﻁ ﺣﺘﻰ ﺩﺍﻧﺎ ﺍﻟﻨﻌﺎﺱ، ﻣﺎﻟﻠﻲ ﻧﻌﺴﺖ ﻛﺎﻧﺤﻠﻢ ﺷﻲ ﺃﺣﻼﻡ ﻓﺸﻲ ﺷﻜﻞ ﺃﻭﻝ ﻣﺮﺓ ﻛﺎﻧﺤﻠﻢ ﺑﺤﺎﻟﻬﻮﻡ، ﻛﺎﻧﺤﻠﻢ ﺑﺮﺍﺳﻲ ﻫﺎﺯ ﻓﺎﺱ ﻭﻛﺎﻧﺤﻔﺮ ﻓﺪﻳﻚ ﺍﻟﻤﻘﺒﺮﺓ ﻭﻛﺎﻧﺨﺮﺝ ﻣﻨﻬﺎ ﻭﺍﺣﺪ ﺍﻟﻤﺮﺃﺓ ﺻﻐﻴﺮﺓ ﻓﺎﻟﺴﻦ ﺩﻳﺎﻟﻬﺎ، ﺿﺮﺑﺎﺗﻨﻲ ﺍﻟﻔﻴﻘﺔ ﻭﻗﻠﺖ ﺃﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ، ﺭﺟﻌﺖ ﻧﻌﺲ ﻧﻔﺲ ﺍﻟﺤﻠﻢ ﻋﺎﻭﺗﺎﻧﻲ، ﻓﻘﺖ ﺑﺎﻟﺰﺭﺑﺔ ﻭﺍﻟﺨﻠﻌﺔ ﻓﻴﺎ ﻭﻣﺎ ﺭﺟﻌﺖ ﻧﻌﺴﺖ ﻏﻴﺮ ﺑﺰﺯ ... ﺍﻟﻐﺪ ﻟﻴﻪ ﻣﺸﻴﻨﺎ ﻟﻠﻠﺨﺪﻣﺔ ﻛﻲ ﺍﻟﻌﺎﺩﺓ ﻭﻟﻜﻦ ﻫﺎﺩ ﺍﻟﻤﺮﺓ ﻏﺎﺩﻱ ﻳﺘﺒﺪﻝ ﺍﻟﻮﺿﻊ ﺣﻴﺚ ﻓﺎﻟﻮﻗﺖ ﺍﻟﻠﻲ ﻋﺒﺎﺩ ﺍﻟﻠﻪ ﺍﻟﻠﻲ ﻣﻌﺎﻳﺎ ﻛﺎﻧﻮ ﺧﺪﺍﻣﻴﻦ ﺃﻧﺎ ﻛﻨﺖ ﻛﺎﻧﺸﻮﻑ ﻏﻴﺮ ﻓﺎﻟﻤﻘﺒﺮﺓ ﺑﺤﺎﻝ ﺷﻲ ﻭﺍﺣﺪ ﻛﺎﻳﺘﺴﻨﺎ ﻳﺒﺎﻥ ﻟﻴﻪ ﺷﻲ ﺣﺪ ﺷﺤﺎﻝ ﻫﺎﺩﻱ ﻣﺎ ﺷﺎﻓﻮ، ﻭﻟﻜﻦ ﺃﻧﺎ ﻣﺎﻛﻨﺘﺶ ﻛﺎﻧﺸﻮﻑ ﻓﻴﻬﺎ ﻟﺨﺎﻃﺮﻱ ﻭﺇﻧﻤﺎ ﺑﺤﺎﻝ ﺍﻟﻰ ﺷﻲ ﺣﺎﺟﺔ ﻛﺎﺗﺒﺰﺯ ﻋﻠﻴﺎ ﻧﺸﻮﻑ ﺟﻬﺘﻬﺎ ﺩﺍﺯﺕ ﻭﺍﺣﺪ ﺍﻟﺸﻮﻳﺔ ﺑﺪﻳﺖ ﻧﺴﻤﻊ ﺍﺻﻮﺍﺕ ﺟﺎﻳﺔ ﻣﻦ ﺍﻟﻤﻘﺒﺮﺓ ﺃﺻﻮﺍﺕ ﻏﺮﻳﺒﺔ ﺑﺤﺎﻝ ﺍﻟﻰ ﺷﻲ ﺣﺪ ﻛﺎﻳﻘﺮﺍ ﻃﻼﺳﻢ ﺃﻭ ﺷﻲﺀ ﻣﻦ ﻫﺎﺩ ﺍﻟﻘﺒﻴﻞ، ﺍﻟﻤﺸﻜﻠﺔ ﺍﻟﻤﻘﺒﺮﺓ ﻛﺎﻧﺖ ﺧﺎﻭﻳﺔ ﻭﻛﺎﻥ ﻫﺎﺩﺷﻲ ﻭﺍﺍﺿﺢ ﺣﻴﺚ ﻣﺎ ﻋﻨﺪﻫﺎ ﺣﻴﻮﻁ ﺍﻭ ﺑﻴﺒﺎﻥ ﻷﻧﻬﺎ ﻗﺪﻳﻤﺔ ﻛﻴﻤﺎ ﻗﻠﺖ ..يتبع

ﺍﻟﺠﺰﺀ 2 

ﺷﺪﻳﺖ ﻭﺍﺣﺪ ﺍﻟﺴﻴﺪ ﻣﻌﺎﻳﺎ ﻗﻠﺖ ﻟﻴﻪ ﻭﺍﺵ ﻛﺎﺗﺴﻤﻊ ﺷﻲ ﺣﺎﺟﺔ ﺟﺎﻳﺔ ﻣﻦ ﺍﻟﻤﻘﺒﺮﺓ ﻛﺎﻳﻘﻮﻝ ﻟﻴﺎ ﻻ ﺍﺧﻮﻳﺎ ﻣﺎ ﺳﻤﻌﺖ ﻭﺍﻟﻮ ﻭﻣﺎ ﻃﻠﻘﺘﻮ ﺣﺘﺎ ﺣﻠﻒ، ﺑﻘﻴﺖ ﺧﺪﺍﻡ ﻭﻛﺎﻧﺴﻤﻊ ﺩﺍﻙ ﺍﻟﺼﻮﺕ ﺑﺤﺎﻝ ﺍﻟﻰ ﻛﺎﻳﻌﻴﻂ ﻟﻴﺎ ﻃﻠﻊ ﻟﻴﺎ ﺩﻡ ﻃﻠﺒﺖ ﻣﻦ ﺍﻟﺸﺎﻑ ﻳﺨﻠﻴﻨﺎ ﻧﻤﺸﻲ ﻟﻠﺪﺍﺭ ﻭﻗﻠﺖ ﻟﻴﻬﻮﻡ ﺭﺍﺳﻲ ﺩﺍﺭﻧﻲ ﺑﺰﺍﻑ، ﺭﺟﻌﺖ ﻟﻠﺪﺍﺭ ﻣﻊ 2 ﺩﻳﺎﻝ ﺍﻟﻨﻬﺎﺭ ﻭﺩﺧﻠﺖ ﺑﺎﺵ ﻧﺪﻭﺵ ﻭﻣﺎ ﺣﺴﻴﺖ ﺑﺮﺍﺳﻲ ﺣﺘﻰ ﻏﻴﺒﺖ ﻭﻣﺎﻟﻠﻲ ﺿﺮﺑﺎﺗﻨﻲ ﻟﻔﻴﻘﺔ ﻟﻘﻴﺖ ﺭﺍﺳﻲ ﻓﺎﻟﺴﻄﺢ ﺩﻳﺎﻝ ﺍﻟﺪﺍﺭ ﻭﻣﺎ ﻛﺎﻳﻦ ﺣﺘﺎ ﻭﺍﺣﺪ ﻛﻲ ﺩﺭﺕ ﺣﺘﻰ ﻭﺻﻠﺖ ﻟﻴﻪ ﺍﻟﻠﻪ ﺃﻋﻠﻢ ﻭﺍﻟﻤﺸﻜﻠﺔ ﻛﻨﺖ ﻋﺮﻳﺎﻥ ﻛﻴﻤﺎ ﻭﻟﺪﺍﺗﻨﻲ ﺃﻣﻲ .. ﺷﺪﺍﺗﻨﻲ ﺍﻟﺨﻠﻌﺔ ﻭﺑﺪﻳﺖ ﻧﺘﺨﻴﻞ ﺷﻲ ﺃﻣﻮﺭ ﻣﺎ ﻋﻤﺮﻫﻮﻡ ﻃﺎﺣﻮﺍ ﻋﻠﻰ ﺑﺎﻟﻲ ﺧﺎﺻﺔ ﺍﻧﻲ ﻣﺎ ﻛﻨﺘﺶ ﻛﺎﻧﺂﻣﻦ ﺑﺎﻟﺠﻦ ﻭﺩﺍﻛﺸﻲ، ﻧﺰﻟﺖ ﻟﺒﺴﺖ ﺣﻮﺍﻳﺠﻲ ﻭﺗﻜﻴﺖ ﻛﺎﻧﺘﻔﺮﺝ ﺣﺘﻰ ﻏﻴﺒﺖ ﻭﺩﺍﻧﻲ ﻧﻌﺎﺱ ﻭﺍﻧﺎ ﻧﺤﻠﻢ ﻋﺎﻭﺗﺎﻧﻲ ﺑﻨﻔﺲ ﺩﻳﻚ ﺍﻟﻤﺮﺃﺓ ﺍﻟﻠﻲ ﻓﺎﻟﻤﻘﺒﺮﺓ ﻫﺎﺩ ﺍﻟﻤﺮﺓ ﻻﺑﺴﺔ ﻣﺰﻳﺎﻥ ﻭﻛﺎﺗﺸﻴﺮ ﻟﻴﺎ ﻣﻦ ﺍﻟﻤﻘﺒﺮﺓ ﻭﺗﻘﻮﻝ ﻟﻲ ﺃﺟﻲ ﺃﻣﻨﻴﺮ ﺃﺟﻲ ﻣﺎ ﺗﺨﺎﻓﺶ، ﺿﺮﺑﺎﺗﻨﻲ ﺍﻟﻔﻴﻘﺔ ﻭﻟﻘﻴﺖ ﻭﺟﻬﻲ ﻛﻮﻟﻮ ﻛﺎﻳﻘﻄﺮ ﺑﺎﻟﻌﺮﻕ ﻧﻌﻠﺖ ﺷﻴﻄﺎﻥ ﻭﻧﻀﺖ ﺑﺎﺵ ﻧﺨﺮﺝ ﻭﻟﻜﻦ ﻣﺎ ﻗﺪﻳﺘﺶ ﻛﺎﻧﺤﺲ ﺑﺤﺎﻝ ﺍﻟﻰ ﺩﻛﻴﺘﻲ ﻟﻴﺎ ﺍﻟﻮﺗﺎﺩ ﻓﺎﻻﺭﺽ ﺣﺴﻴﺖ ﺑﻘﻠﺒﻲ ﺑﺪﺍ ﻳﻀﺮﺏ ﻭﺑﺪﻳﺖ ﻧﻔﺸﻞ ﻗﻠﺖ ﻭﺍﻗﻴﻼ ﺗﺸﻠﻠﺖ ﻭﺍﻟﻠﻪ ﺍﻟﻌﻈﻴﻢ ﺗﺨﻴﻞ ﺗﺸﻮﻑ ﺭﺍﺳﻚ ﻣﺎ ﻗﺎﺩﺭ ﺣﺘﺎ ﺗﺤﺮﻙ ﻭﺍﻟﺸﻮﻑ ﻋﻨﺪﻱ ﻣﺸﻮﺵ ﻣﺎ ﺑﻘﻴﺖ ﻛﺎﻧﺸﻮﻑ ﻣﺰﻳﺎﻥ .. ﺑﻘﻴﺖ ﻋﻠﻰ ﺩﻳﻚ ﺍﻟﺤﺎﻟﺔ ﺷﻲ 10 ﺩﻗﺎﻳﻖ ﻋﺎﺩ ﻃﻠﻘﻨﻲ ﺍﻟﺤﺎﻝ ﻧﻀﺖ ﺑﺎﻟﺰﺭﺑﺔ ﺧﺮﺟﺖ ﻭﺟﻠﺴﺖ ﺣﺪﺍ ﺑﺎﺏ ﺍﻟﺪﺍﺭ ﺣﺘﻰ ﺟﺎﻭ ﺍﻟﺪﺭﺍﺭﻱ ﻣﻦ ﺍﻟﺨﺪﻣﺔ، ﻓﺪﻳﻚ ﺍﻟﻠﻴﻠﺔ ﻣﺎ ﺗﻜﻠﻤﺖ ﻣﻊ ﺣﺘﺎ ﻭﺍﺣﺪ ﻛﻨﺖ ﻣﺸﻄﻮﻥ ﻭﻣﺨﻠﻮﻉ ﺗﻌﺸﻴﺖ ﺑﺰﺭﺑﺔ ﻭﻧﻌﺴﺖ ﻭﻓﻮﺍﺣﺪ ﺍﻟﻮﻗﻴﺘﺔ ﻛﺎﻧﺤﻠﻢ ﻋﺎﻭﺗﺎﻧﻲ ﺑﺪﻳﻚ ﺑﻨﺎﺩﻣﺔ ﻫﺎﺩ ﺍﻟﻤﺮﺓ ﺷﺎﺩﺍﻧﻲ ﻣﻦ ﻳﺪﻱ ﻭﺍﻧﺎ ﺗﺎﺑﻌﻬﺎ ﻛﻲ ﺍﻟﻜﻠﺐ ﺣﺎﺷﺎﻛﻮﻡ ﻭﻫﻲ ﻛﺎﺗﻀﺤﻚ ﻭﺗﻐﻤﺰﻧﻲ، ﺑﻘﻴﺖ ﻛﺎﻧﻐﻮﺕ ﺑﺎﺵ ﻧﻔﻴﻖ ﻭﺍﻟﻮ ﻣﺎ ﻗﺪﺭﺗﺶ ﺑﺰﺯ ﺑﺎﺵ ﻓﻘﺖ ﻭﻣﺎﻟﻠﻲ ﻓﻘﺖ ﻟﻘﻴﺖ ﺍﻟﺤﺎﻝ ﺑﺪﺍ ﻳﺼﺒﺢ ﻭﻟﻜﻦ ﻣﺎ ﻛﻨﺘﺶ ﻧﺎﻋﺲ ﻓﺪﺍﺭ، ﻟﻘﻴﺖ ﺭﺍﺳﻲ ﻓﻮﺳﻂ ﺍﻟﻤﻘﺒﺮﺓ ﻧﺎﻋﺲ ﺑﻴﻦ 2 ﻗﺒﻮﺭﺍ ﻭﺍﻟﺠﺰﺀ ﺍﻟﻌﻠﻮﻱ ﺩﻳﺎﻟﻲ ﻋﺮﻳﺎﻥ، ﻭﻻﺑﺲ ﺷﻮﺭﻁ ﻣﻊ ﺍﻟﻌﻠﻢ ﺍﻧﻲ ﻛﻨﺖ ﻻﺑﺲ ﺳﺮﻭﺍﻝ ﻣﺎﻟﻠﻲ ﻧﻌﺴﺖ....يتبع

ﺍﻟﺠﺰﺀ 3 ﺗﻴﻘﻮ ﺑﻴﺎ ﻓﺪﻳﻚ ﺍﻟﺴﺎﻋﺔ ﺩﺍﺭﺕ ﺑﻴﺎ ﺍﻟﺪﻧﻴﺎ ﻭﺍﻟﻠﻪ ﺍﻟﻌﻈﻴﻢ ﻣﺎ ﻋﺮﻓﺖ ﺑﺎﺵ ﺗﺒﻠﻴﺖ ﺑﺎﻟﻠﻴﻞ ﻛﻨﺖ ﻧﺎﻋﺲ ﻓﺪﺍﺭ ﻭﺩﺍﺑﺎ ﻛﺎﻧﻠﻘﺎ ﺭﺍﺳﻲ ﻋﺮﻳﺎﻥ ﻧﺎﻋﺲ ﺑﻴﻦ 2 ﻗﺒﻮﺭﺍ، ﻧﻀﺖ ﺑﺰﺭﺑﺔ ﺑﺎﺵ ﻧﺨﺮﺝ ﻣﻦ ﺍﻟﻤﻘﺒﺮﺓ ﻭﻣﺎ ﺟﻴﻴﺖ ﻓﻴﻦ ﻧﺘﺤﺮﻙ ﺣﺘﻰ ﻛﺎﻳﺒﺎﻥ ﻟﻴﺎ ﺷﻲ ﺣﺎﺟﺔ ﺑﻴﻀﺔ ﺑﺪﺍﺕ ﺗﺨﺮﺝ ﻣﻦ ﻭﺍﺣﺪ ﺍﻟﻘﺒﺮ، ﺃﻧﺎ ﺻﺎﻓﻲ ﻓﺸﻠﺖ ﻣﺎ ﻗﺪﻳﺖ ﻧﺘﺤﺮﻙ ﻭﺩﻣﻮﻉ ﻛﺎﻳﻨﺰﻟﻮ ﻣﻦ ﻋﻴﻨﻴﺎ ﺑﻼ ﻣﺎ ﻧﺤﺲ، ﺑﻘﻴﺖ ﻛﺎﻧﺸﻮﻑ ﺩﺍﻙ ﺍﻟﻤﻨﻀﺮ ﻭﺩﺍﻛﺸﻲ ﻛﺎﻳﺨﺮﺝ ﻣﻦ ﺍﻟﻘﺒﺮ ﺑﺸﻮﻳﺔ ﺣﺘﺎ ﻃﻠﻊ ﻛﺎﻥ ﺷﻲ ﻭﺍﺣﺪﺓ ﻭﻻ ﺷﻲ ﻭﺣﺪﺓ ﻻﺑﺴﺔ ﺍﻟﺒﻴﺾ، ﻣﺎ ﺷﺎﻓﺶ ﺟﻴﻬﺘﻲ ﻛﻤﻞ ﻃﺮﻳﻘﻮ ﻭﻣﺸﺎ ﻟﻮﺍﺣﺪ ﺍﻟﻘﺒﺮ ﺍﺧﻮﺭ ﻭﺩﺧﻞ ﻓﻴﻪ .. ﻭﺍﻟﻠﻪ ﺍﻟﻌﻈﻴﻢ ﺍﻟﻰ ﻏﻴﺮ ﺩﺧﻞ ﻟﺪﺍﻙ ﺍﻟﻘﺒﺮ ﻧﻘﺰﺕ ﻣﻦ ﺑﻼﺻﺘﻲ ﻭﺑﺪﻳﺖ ﻧﺠﺮﻱ ﻓﻮﺳﻂ ﺍﻟﻤﻘﺒﺮﺓ ﺑﺤﺎﻝ ﺍﻟﻬﺒﻴﻞ ﻣﺎ ﺑﻘﻴﺖ ﻋﺎﺭﻑ ﺣﺘﻰ ﻣﻨﻴﻦ ﻏﺎﻧﺨﺮﺝ ﻓﻴﻨﻤﺎ ﻛﺎﻧﺠﺮﻱ ﻛﺎﻧﻠﻘﺎ ﺍﻟﻘﺒﻮﺭﺍ ﺑﺪﻳﺖ ﻧﻐﻮﺕ ﺑﺎﻟﺠﻬﺪ ﻭﻧﻀﺮﺏ ﺭﺍﺳﻲ ﻓﻮﺍﺣﺪ ﺍﻟﻤﻮﻗﻒ ﻛﺎﻧﺘﺨﻴﻠﻮ ﺩﺍﺑﺎ ﻭﺩﻣﻮﻋﻲ ﻓﻌﻴﻨﻲ ﻭﻛﺎﻧﺘﻤﻨﺎ ﻣﻦ ﺍﻟﻠﻪ ﻣﺎ ﻳﻌﻴﺶ ﺷﻲ ﻭﺍﺣﺪ ﻓﻴﻜﻮﻡ ﻓﺒﺤﺎﻝ ﺩﺍﻛﺸﻲ .. ﺑﻘﻴﺖ ﻛﺎﻧﻀﺮﺏ ﺭﺍﺳﻲ ﻭﻧﻐﻮﺕ ﺣﺘﻰ ﻛﺎﻧﺤﺲ ﺑﻮﺍﺣﺪ ﺍﻟﻴﺪ ﺷﺪﺍﺗﻨﻲ ﻣﻦ ﻛﺘﻔﻲ ﺿﺮﺕ ﺑﺎﻟﺠﻬﺪ ﻭﺍﻧﺎ ﻧﻠﻘﺎ ﺩﻳﻚ ﺍﻟﻠﻲ ﺟﺎﺗﻨﻲ ﻓﺎﻟﺤﻠﻢ، ﻗﺎﻟﺖ ﻟﻴﺎ ﺳﻜﺖ، ﺳﻜﺖ ﺭﺍﻙ ﺻﺪﻋﻨﻲ ﻋﺒﺎﺩ ﺍﻟﻠﻪ، ﻗﻠﺖ ﻟﻴﻬﺎ ﺷﻜﻮﻥ ﻧﺘﻲ ﻭﺍﺷﻨﻮ ﻛﺎﻧﺪﻳﺮ ﻫﻨﺎ ﻗﺎﻟﺖ ﻟﻴﺎ ﻣﺎﺷﻲ ﻣﻬﻢ ﺗﻌﺮﻑ ﺷﻜﻮﻥ ﺍﻧﺎ ﺩﺍﺑﺎ ﺳﻴﺮ ﻓﺤﺎﻟﻚ، ﻣﺎﻟﻠﻲ ﻗﺎﻟﺘﻬﺎ ﺑﺤﺎﻝ ﺍﻟﻰ ﻃﻠﻘﺘﻴﻨﻲ ﻣﻦ ﺷﻲ ﺣﺒﺲ ﺿﺮﺑﺘﻬﺎ ﺑﺠﺮﻳﺔ ﻣﺎ ﻭﻗﻔﺖ ﺣﺘﻰ ﻟﺒﺎﺏ ﺍﻟﺪﺍﺭ ﺑﺪﻳﺖ ﻧﻨﺪﻕ ﺑﺎﻟﺠﻬﺪ ﺣﻠﻮﺍ ﻟﻴﺎ ﻭﺍﻧﺎ ﻛﺎﻧﻐﻮﺕ ﻭﻣﺎﻟﻠﻲ ﺷﺎﻓﻮﻧﻲ ﻓﺪﻳﻚ ﺍﻟﺤﺎﻟﺔ ﺗﺼﺪﻣﻮ ﻭﺍﻟﻠﻪ ﺍﻟﻌﻈﻴﻢ...يتبع

.... ﺍﻟﺠﺰﺀ 4 ماقبل الاخير

ﺑﻘﻴﺖ ﻛﺎﻧﻐﻮﺕ ﻭﻛﺎﻧﻘﻮﻝ ﺑﻌﺪﻱ ﻣﻨﻲ ﺑﻌﺪﻱ ﻣﻨﻲ، ﺟﺎ ﻋﻨﺪﻱ ﺷﺎﻑ ﻗﺎﻝ ﻟﻲ ﺍﻟﺮﺟﻮﻉ ﺍﻟﻠﻪ ﻭﺍﻟﻠﻪ ﻳﺴﻤﺢ ﻟﻴﺎ ﺿﺮﺑﺘﻮ ﺑﻼ ﻣﺎ ﻧﺸﻌﺮ ﺷﺪﻭﻧﻲ ﺯﻳﺮﻭﻧﻲ ﺣﺘﺎ ﺗﻜﺎﻟﻤﻴﺖ ﻭﺑﺪﻳﺖ ﻧﺮﺟﻊ ﻟﻠﻮﻋﻲ ﺩﻳﺎﻟﻲ، ﻣﺎﻟﻠﻲ ﻫﺪﻳﺖ ﺣﻠﻔﺖ ﻣﺎ ﻧﺒﻘﺎ ﻓﺪﻳﻚ ﺍﻟﺒﻼﺻﺔ ﺧﺮﺟﺖ ﺑﻼ ﻣﺎ ﻧﺠﻤﻊ ﺣﻮﺍﻳﺠﻲ ﻭﺭﺟﻌﺖ ﻟﻤﺪﻳﻨﺘﻲ .. ﺩﺧﻠﺖ ﻟﻠﺪﺍﺭ ﺳﻠﻤﺖ ﻋﻠﻴﻬﻮﻡ ﻭﻫﻮﻣﺎ ﻣﺴﺘﻐﺮﺑﻴﻦ ﺍﺵ ﻛﺎﻧﺪﻳﺮ ﺗﻤﺎ ﻭﺍﻧﺎ ﻳﻼﻩ ﺳﺎﻓﺮﺕ ﻭﻣﻮﺍﻟﻒ ﻛﺎﻧﺪﻭﺯ ﺷﻬﺮﻳﻦ ﺣﺘﻰ 3 ﻓﻜﻞ ﺗﺴﺎﻓﻴﺮﺓ، ﺩﺧﻠﺖ ﻟﺒﻴﺘﻲ ﻭﺑﻘﻴﺖ ﺳﺎﺩ ﻋﻠﻴﺎ ﻳﻮﻣﻴﻦ ﻣﻜﺎﻧﻜﻞ ﻣﻜﺎﻧﺸﺮﺏ ﻭﻓﻴﻨﻤﺎ ﺿﻮﺭﺕ ﻭﺟﻬﻲ ﻛﺎﻳﺒﺎﻥ ﻟﻴﺎ ﺷﻲ ﺧﻴﺎﻝ ﻗﺪﺍﻣﻲ ﻭﻓﺎﻟﻠﻴﻞ ﻛﺎﻧﺒﻘﺎ ﻧﻔﻴﻖ ﻭﻧﻐﻮﺕ ﺣﺘﻰ ﻛﺎﺗﺠﻲ ﺍﻟﻮﺍﻟﺪﺓ ﻣﺴﻜﻴﻨﺔ ﺗﻜﺎﻟﻤﻴﻨﻲ، ﺍﻟﺤﺎﺻﻮﻝ ﺃﺧﻮﻳﺎ ﻣﺎﻟﻴﻦ ﺩﺍﺭ ﺑﺪﺍﻭ ﻳﺘﺨﻠﻌﻮﺍ ﻋﻠﻴﺎ ﻭﺗﺎﺻﻠﻮ ﺑﺪﺍﻙ ﺍﻟﺴﻴﺪ ﺍﻟﻠﻲ ﺷﺎﻑ ﻋﻠﻴﺎ ﻭﻋﺎﻭﺩ ﻟﻴﻬﻮﻡ ﺍﺵ ﻭﻗﻊ ﻟﻴﺎ .. ﺟﺎ ﻋﻨﺪﻱ ﺍﻟﻮﺍﻟﺪ ﻗﺎﻝ ﻟﻴﺎ ﻣﺎﻟﻚ ﺃﻭﻟﺪﻱ، ﺗﺨﻴﻞ ﻣﻌﺎﻳﺎ ﺍﺧﻮﻳﺎ ﺍﻟﻮﺍﻟﺪ ﻛﺎﻳﻬﻀﺮ ﻣﻌﺎﻳﺎ ﻭﺍﻧﺎ ﻛﺎﻧﺸﻮﻑ ﻓﻴﻪ ﺑﺤﺎﻝ ﻋﺪﻭﻳﺎ ﺑﻐﻴﺖ ﻧﺸﺪﻭ ﻧﻘﺘﻠﻮ ﺑﻘﺎ ﻛﺎﻳﻬﻀﺮ ﻭﺍﻧﺎ ﻣﺎ ﺩﻳﺘﻬﺎ ﻓﻴﻪ ﺣﺘﻰ ﺧﺮﺝ ﻏﻴﺮ ﻫﻮ ﺧﺮﺝ ﻭﺍﻧﺎ ﻧﺤﺲ ﺑﺮﺍﺳﻲ ﺗﺮﻓﻌﺖ ﻟﻠﺴﻤﺎﺀ ﻭﺍﻟﻠﻪ ﺍﻟﻌﻈﻴﻢ ﻭﻓﻐﻤﺮﺓ ﺍﻟﺨﻠﻌﺔ ﻛﺎﺗﺨﺮﺝ ﻟﻴﺎ ﻋﺎﻭﺗﺎﻧﻲ ﺩﻳﻚ ﺑﻨﺎﺩﻣﺔ ﻣﻨﻴﻦ ﺍﻟﻠﻪ ﺍﻋﻠﻢ .. ﺑﻘﻴﺖ ﻛﺎﻧﻐﻮﺕ ﻭﻧﺤﺎﻭﻝ ﻧﻬﺮﺏ ﻣﻨﻬﺎ ﻭﻫﻲ ﻛﺎﺗﻀﺤﻚ ﻭﺗﻘﻮﻝ ﺑﻼ ﻣﺎ ﺗﻐﻮﺗﺖ ﺭﺍﻩ ﻣﻜﺎﻳﻦ ﺍﻟﻠﻲ ﻛﺎﻳﺴﻤﻌﻚ، ﻛﺎﻧﺪﻋﻲ ﻋﻠﻴﻬﺎ ﻭﻧﻄﻠﺐ ﺍﻟﺸﺮﻉ ﻭﺍﻟﻮ ﻗﻠﺖ ﻟﻴﻬﺎ ﻭﺍﺵ ﻧﺘﻲ ﺟﻦ ﻭﻻ ﺍﻧﺲ؟ ﻭﻫﻲ ﺗﺸﺪﻧﻲ ﻣﻦ ﺭﺍﺳﻲ ﻭﻗﺎﻟﺖ ﻟﻴﺎ ﻭﺍﺵ ﻛﺎﻳﻦ ﺷﻲ ﺇﻧﺲ ﻳﺨﻠﻴﻚ ﺗﻮﺻﻞ ﻟﻬﺎﺩﺷﻲ , ؟ ﻗﻠﺖ ﻟﻴﻬﺎ ﺍﺵ ﺩﺭﺕ ﻟﻴﻚ ﻗﺎﻟﺖ ﻟﻲ ﻭﺍﻟﻮ ﻋﺠﺒﺘﻴﻨﻲ ﻭﺑﻐﻴﺘﻚ ﻣﺎ ﺟﺎﺕ ﻓﻴﻦ ﺗﻜﻤﻠﻬﺎ ﺣﺘﺘﻰ ﻏﻴﺒﺖ ﻭﻣﺎ ﻋﻘﻠﺖ ﻋﻠﻰ ﺭﺍﺳﺴﻲ...يتبع

#الجزء_الاخير :

أو ملي فقت ﻣﺎ ﺑﻘﻴﺘﺶ ﻗﺎﺩﺭ ﻧﺘﺤﻤﻞ ﺩﺍﻙ ﺍﻟﻮﺿﻊ ﺍﺧﻮﻳﺎ ﻭﻭﺑﻘﻴﺖ ﻛﺎﻧﻐﻮﺕ ﺑﺮﺑﻲ ﺍﻟﻠﻲ ﺧﻠﻘﻨﻲ ﺣﺘﻰ ﺩﺧﻞ ﺍﻟﻮﺍﻟﺪ ﻭﻟﻘﺎﻧﻲ ﻋﺮﻳﺎﻥ ﻭﻓﺪﻳﻚ ﺍﻟﺤﺎﻟﺔ، ﺍﻭﻝ ﻣﺮﺓ ﻳﺸﻮﻓﻨﻲ ﺍﻟﻮﺍﻟﺪ ﻋﺮﻳﺎﻥ ﻛﻴﻤﺎ ﻭﻟﺪﺍﺗﻨﻲ ﺍﻣﻲ ﻻ ﺣﻮﻭﻝ ﻭﻻ ﻗﻮﺓ ﺍﻻ ﺑﺎﻟﻠﻪ، ﺑﻘﻴﻴﺖ ﻛﺎﻧﻐﻮﺕ ﻭﻛﺎﻧﻘﻮﻝ ﺑﻌﺪﻱ ﻣﻨﻲ ﺑﻌﺪﻱ ﻣﻨﻲ ﻭﺍﻟﻮﺍﻟﺪ ﻛﺎﻳﻘﺮﺍ ﺍﻟﻘﺮﺁﻥ ﻭﺧﺮﺝ ﺑﺰﺭﺑﺔ ﻭﻭﺳﺪ ﻋﻠﻴﺎ ﺍﻟﺒﻴﺖ ﺑﺎﻟﺴﺎﺭﻭﺕ ﻭﺍﻧﺎ ﺑﻘﻴﺖ ﻛﺎﻧﻀﺮﺏ ﻓﺎﻟﺒﺎﺏ ﻭﻧﻐﻮﺕ ﺣﺘﻰ ﺩﺧﻞ ﻫﻮ ﻭ ﻭﺍﺣﺪ ﺍﻟﺴﻴﺪ ﺑﺎﻗﻲ ﻟﺪﺍﺑﺎ ﻣﺎ ﻋﺮﻓﺖ ﺷﻜﻮﻭﻥ ﻭﻫﻮ ﺳﺒﺎﺑﻲ ﻓﻲ ﺍﻟﺸﻔﺎﺀ ﺍﻟﻠﻪ ﻳﺮﺣﻢ ﻟﻴﻪ ﺍﻟﻮﺍﻟﺪﻳﻦ، ﻛﻴﻔﺎﺵ ﺩﺍﻭﺍﻧﻲ ﻣﺎ ﻋﺮﻓﺖ ﻭﻟﻜﻦ ﺍﻟﻠﻲ ﻋﺎﺭﻓﻮ ﺍﻧﻮ ﺑﻌﺪﻣﺎ ﺭﻗﺎﻧﻲ ﻣﺎ ﺑﻘﻴﺘﺶ ﻛﺎﻧﺸﻮﻑ ﺩﺍﻛﺸﻲ ﻣﺎ ﻋﺪﺍ ﻓﺎﻟﻠﻴﻠﺔ ﺍﻟﻠﻲ ﻣﻮﺭﺍﻫﺎ ﺟﺎﺗﺖ ﻋﻨﺪﻱ ﻫﺎﺩﻳﻚ ﻓﺎﻟﻤﻨﺎﻡ ﻭﻗﺎﻟﺖ ﻟﻴﺎ ﻋﻘﻞ ﻋﻼ ﺍﺷﻨﻮﻭ ﺩﺭﺗﻲ،، ﻭﻣﻦ ﺩﻳﻚ ﺍﻟﺴﺎﻋﺔ ﻣﺎ ﺑﻘﻴﺖ ﻛﺎﻧﺸﻮﻓﻬﺎ، ﻭﻟﻜﻦ ﺑﺎﻗﻲ ﻟﺪﺍﺑﺎ ﺍﺧﻮﻳﺎ ﻛﺎﻧﺴﻤﻊ ﺩﺍﻙ ﺍﻟﺼﻮﺕ ﻛﺎﻳﻘﻮﻝ ﻟﻴﺎ ﻋﻘﻞ ﻋﻼ ﻣﺎ ﺩﺭﺕ .. ﺍﻟﺤﻤﺪ ﻟﻠﻪ ﺃﻧﺎ ﺩﺍﺑﺎ ﻛﺎﻧﺼﻠﻲ ﻭﻣﺘﺒﻊ ﺍﻷﺫﻛﺎﺭ ﻭﻛﺎﻧﺤﺎﻭﻝ ﻣﺎ ﺍﻣﻜﻦ ﻧﺒﻌﺪ ﻋﻠﻰ ﺍﻷﻣﺎﻛﻦ ﺍﻟﻤﺸﺒﻮﻫﺔ .. ﺣﺘﺎ ﻭﺍﺣﺪ ﻣﺎ ﻋﺎﺭﻑ ﺍﻟﺴﺒﺐ ﺩﻳﺎﻝ ﺩﺍﻛﺸﻲ ﺍﻟﻠﻲ ﻭﻗﻊ ﻟﻴﺎ ﻭﻋﻼﺵ ﻭﺍﻧﺎ ﺑﺮﺍﺳﻲ ﻣﺎ ﻋﺎﺭﻑ ﻭﻟﻜﻦ ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ، ﺑﺎﻗﻲ ﻟﺪﺍﺑﺎ ﻛﺎﻧﺤﻠﻢ ﺍﺣﻼﻡ ﺧﺎﻳﺒﻴﻦ ﺑﺤﺎﻝ ﺍﻟﻤﻮﺕ ﻭﺩﺍﻛﺸﻲ ﻭﻟﻜﻦ ﺍﻟﻠﻪ ﻳﺪﻳﺮ ﺗﺎﻭﻳﻞ ﺍﻟﺨﻴﺮ،، ﺭﺑﻲ ﻳﻔﺎﺟﻴﻬﺎ ﺧﺎﺻﺔ ﺍﻧﻨﻲ ﻣﺎ ﺑﻘﻴﺘﺶ ﻛﺎﻧﻘﺪﺭ ﻧﻤﺸﻲ ﻓﻀﻼﻡ ﻭﻻ ﻧﺒﻘﺎ ﻓﺪﺍﺭ ﺑﻮﺣﺪﻱ ﻭﺍﻱ ﺧﺪﻣﺔ ﻛﺎﻧﺨﺪﻡ ﻓﻴﻬﺎ ﻛﺎﻧﺴﻤﺢ ﻓﻴﻬﺎ ﺑﻌﺪ ﺳﻴﻤﺎﻧﺔ ﻭﻻ 2 ﻣﻦ ﺍﻟﺘﺒﻌﺎﺕ ﺩﻳﺎﻝ ﺩﺍﻛﺸﻲ .. ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﻭﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ.