كان يا مكان فمدينة الرباط فتاة سميتها سارة عندا 24سنة كانت زوينة بزاف بيضاء وشعرها ديراه اكاجو وعنين كحلين كتلبس مزيان كتعيش مع دارهم ماماها وباباها واختها اليوم اول يوم عندا بالجامعة فاقت معطلة بزاف حيت ولفات الراحة نوضتها ماما شفت ساعة لقات راسها معطلا ناضت بالزربة لبسات حوايج جداد كانت خداتهم على ود اول دخول هبطت بزربا سلمت على ماماها وكملت طريقها للجامعة بدات كتسنا طاكسي والو مكاينش وكانت ديك الساعة الشتاء بدات تصب تعصبات حيت غتفزج شوية بان ليها تاكسي وقفاتو بمشقا كيف طلعت جا واحد الشاب تاهو طلع فنفس الوقت لداك طاكسي كان طويل وعامر وزوين وانيق وهي تقولو:اهيا اش كدير راه انا لوقفتو الاولى هو:لا انا لوقفتو وانا لي غنركب فيه هي:والله لا ركبتي انا مشا عليا الحال صافي نزل هو:واش انت مسطيا انا ما مزروب انت لغتنزلي .هو ينوض مول طاكسي دابا غي تفاهمو انا نوصلكم مزوج فين غادين قالو مجوج فدقا الجامعة .وهي تبقا تشوفيه وكتخنزر وحتا هو .قالهم مول طاكسي اوا صافي هانتوما مجوج غادين نفس بلاصة.انا نوصلكم مجوج.هو ينقز:اوا شغدير بنادم فايق خاسر على صباح.هي :الله يستر مبقواش كحترمو حق اسبقية للمرأة هو تجاوب على هدرتا بلا ميشوف فيها :دابا راه ولات المساوات اولا اشريف شوية كتقلب الساك باش تخلص تفكرات بلي نسات البزطام ديالها اويلي بقات تفكر شغدير وهي تقولها مول طاكسي:انا حشمانا منك اسيدي عرفتي قلبت ساك لقيت راسي نسيت البزطام وهو بلا ميحس طلق واحد الضحكة حتى بقات تخنزر فيه :تهجرو.هو :كضحك ويقولها سمحي لي بلا ما نحس . قالها مول طاكسي وانا شغنديرلك ابنتي انا باغي فلوسي قاتلو شغندير هو ينقز:صافي هاك اشريف تخلص فجوج.هي حشمات وهبطات الجامعة وحتى هو .قالت ليه بنفخة:شكرا.هو:شنو مسمعتش.هي تعصبات حساتو كستفزها:شوف انت اداك العايق انا وخا خلصتي عليا انا انرد ليك فلوسك متبقاش تجمل عليا.هو:وانت لعايقا ومهزا معاك تاريال النفخة على الخوة.انا داك فلوس غي خديهم كادو مني ومشا وخلاها معصبا ...
دخلات سارة للقسم بالزربة كتجري حيت تعطلات شدات بلاصة وجلسات قالت الحمد الله بعدا مزال مدخل البروف كيف جلسات بدات كتشوف ناس لي كقراو معاها تعرفات بواحد بنت سميتها امل بدات كتعارف بيها وكتعاود ليها شطرا ليها فتاكسي شوية كتسمع شي حد جاي كدور كتلقاه اه هو نفس الشخص ديال الطاكسي شفتو تصدمات اويلي هذا مالو تابعني هو شفها بقا كضحك وهبط المكتب ديال الاستاذ وجلس هي:اويلي مالو جلس تما.امل:مالكي علامن كتهدري.هي:هو هذاك امل:شكون.هي:هو ديال طاكسي.امل:اويلي متقوليهاش راه هو الاستاذ ديالنا.هي:اويلي صافي انا مشيت فيها.هو:السلام عليكم انا ياسين بناني استاذ ديالكم لغيقريكم هاذ العام وكشوف فيها وكضحك .هي هبطات راسها حشمانة.مهم بدا تقولهم عرفوني براسكم وصل ليه تفضلي انسة عرفي براسك.هي:انا...هو:زعما بنت ليك كنشوف شي حد اخر معاك انت.هي:انا سارة سعد هو قال دكشي غي باش يعرفها هي الحصة كاملة مهبطا راسها تا سالاو مشات لدار بدات تتفكر اش دارت وكيف كانت تاتعايرو وكتقول لراسها مشيت فيها غيسقطني على هاذ لحساب اش داني نقول دكشي نعسات وهي كتفكر فالغد ليه اش غدير
ناضت اليوم بكري غسلت وجها ولبسات واحد كسوى زوينة فالغوز فيها الورد وطلقات شعرها ولبسات صندالة عاليا فالبيض وهبطات سلمات على ماماها وجلست تفطر ماماها:مالك ابنتي شتك ساهيا
سارة:والو اماما غي معا فايقا ضايخا
ماماها:اوا فطري دغيا باش ميمشيش عليك الحال يلا تشدي طاكسي
سارة غي سمعت طاكسي وهي تفكرو عوتاني داك موقف لي طرا ليها ناضت قلبات ساك والبزطام باش ميطراش ليها نفس شي وهبطات مشات الجامعة دخلات القسم لقات ياسين فالقسم ومكاين تا واحد هو شافها بقا كشوف فيها عجباتو بديك كسوا دخلات قالت السلام.قالها:وعليكم السلام جيتي العايقة.هي:شوف وخا انت استاذ ديالي انا مغا نحنيش الراس اوكي وهاك فلوس لي خلصتي عليا لبارح.هو:انا مبغيتهومش هي:لا خودهم باش متبقاش تجمل عليا حطاتهم ليه ورجعت بلاصتها هو بدا يضحك قالها عنيدة صافي دخلو الطلاب لي معاها وجا واحد دري جديد حاس براسو سميتو حسام كان طويل اسمر ولابس دكشي زوين باينا ولد لباس عليه جا وهو يجلس حداها وياسين بحالا معجبوش الحال ولكن مبينش داك دري بدا كتعرف بيها ملي سلاو الحصة.وهي بقات غادا مع حسام وامل كضحكو وياسين داز من حداهم بقا كشوف بحالا معجبوش الحال وحتى هي بدات تشوف فيه بغات غي تعصبو.كان الوقت معطل ديك الساعة هي بقات تسنا طاكسي وخايفة حيت بدا كطيح الظلام شوية داز ياسين بالسيارة شافها واقفة قالها طلعي نوصلك.هي:لا شكرا كنتسنا طاكسي هو:هاذ بلاصة خايبة عليك غي غنوصلك ماشي غا ناكلك.هي:لا شكرا مبغيتش هو:اوك بخاطرك انا حمق جاي عندك عنيدة لخرا.هي فداخل ديالها بغات تركب ولكن داك كبرياء لي فيها منعها هو زاد وهي بدا يتنادم معاها الحال شوية جاو واحد شماكرية دايزين من حداها هي قلبها بدا كزدح وهما يجيو عندها:هاي هاي على زين واقف بوحدو مخافش ليل هذا وناس مخالطا.هي بغات تمشي وعو يشدها واحد فيهم:شنو هاذ عياقة ملي نهدرو جوبي.هي:عفاك خليني نمشي متأدونيش.الشمكار:لا مغنأدوكش لا درتي عقلك هي بدات تغوت هو يصرفقها واحد مع ديك تصرفيقا تبان ليها شي حد جا كجري هزات راسها كتلقاه ياسين بدا كدابز معاهم مالكم معندكمش ختكم.شمكارة:وانت مالك داير فيها بطل.ياسين اه هذي مراتي وانتم كتبسلو عليها هي هزات راسها شافتو عاد رتاحت بقات مخبيا موراه شوية سمعو فارجونيت جايا هما يهربو .وهو يقولها انت لباس موقع ليك والو .هي:بقات كتشوفيه كانت كتبكي وهي تسخف هزها وركبها السيارة بدا كفيقها هي تحل عنيها وعنقاتو بلا متحس قالتلو شكرا عاونتيني عاد تفكرات اش دارت قالت راسها اويلي شدرت وبعدات منو :قالت ليه:سمح ليا راني معرفتش بلا منحس حيت مخلوعا قالها:صافي بلا متشرحي انت لباس بعدا هادشي كلو درتيه انت كون ركبتي من اول مكانش يوقع هدشي. هي:صافي دابا لعطاه الله عطاه.هو يوصلها لدارهم قال ليها:وخا تعطيني تلفون نطمن كيف وصلتي.عطاتو الرقم ومشات.
فليل بدات كتفكر شنو وقع وعجبها الحال على البطولة لي دار وهي كتفكر كتصوني عليها نمرة غريبةهزات:الو هو:الو سمحي لي تصلت فهاذ وقت.
هي:شكون معايا.هو:انا هو داك العايق لعتقك قبيلة.هي:اه سمحلي انت لباس هو:اه تاصلت باش نطمن عليك انت كبقيتي مشات الخلعة.هي:شوية هههه شكرا بلا بيك معرفتش اش كان وقع.هو:عادي قبيلة ملي مبغيتيش تركبي بقيت حاضيك من بعيد مقدياش نمشي.هي:اه حتى انا قلت كفاش رجع .قالها صافي غدا ونهدرو فالجامعة.هي بدات كتفكر فيه بزاف حسات براسها طايحا فيه.الغد ليه مشات بكري لبسات وخرجات حتى كتلقاه واقف حدا حومتها بدا يتاصل جوبات هو:صباح الخير
هي:صباح النور واش انت لي شفت دابا هو:اه انا كنتسناك باش نوصلك.وهي ترجع لقاتو واقف ركبات قالت ليه :سعداتي لقيت لي يوصلني.هو :اوا شتي انا مبغيتش يطرا ليك بحال لبارح من اليوم انا مسؤول عليك هي:بدات ضحك من ديك الساعة بدات القصة ديالهم وبداو يخرجو حتى هو بدا كبغيها حتى واحد نهار غبر مبقاش تاصل بيها كا تاصل لقات تلفون طافي بدات جاع شكوك كدور فراسها اش وقع مالو يكما طرات ليه شي حاجة مقداتش تنعس ديك ليلة حيت ولات معودا تسمع صوتو قبل ما تنعس الغد ليه لبسات بزربة عاودات كتاصل والو طافي قلبها بدا يضرب اش وقع خرجاات من دار ملقاتوش كتسناها كيف العادة مفهمت والو مشات الجامعة لقات صاحبتها امل مبانش ليك استاذ ياسين .امل:على مفخباركش. سارة:لا شنو.امل:راه تحول من الجامعة غيجيبو لينا استاذ جديد.سارة تصدمات بلا متحس دموعها هبطات.امل:سارة مالكي لاش كتبكي.سارة:مايمكنش يمشي هكا ويخليني علاش ماقالي والو انا غنتصطا.بقات حايرة ومصدومة مافهمت والو كفاش واش كان كدوز بيا الوقت واش معمرو بغاني لاش مشا وخلاني .داز اسبوع ماسمعت عليه تا شي خبر ولكن مقداتش تنساه حسات راسها تعلقات بيه بزاف والفضول لي فيها باش تعرف اش وقع حمقها
هاذ نهار فاقت كيف العادة كانت عطلة عيطات صاحبتها امل باش يخرجو كيف كانو دايرين لبسات واحد تجينز وبودي وهزات ساك وخرجات وبدات كتسارا هي وأمل ومشاو واحد القهوة على الواد ابي رقراق يلا غيدخلو كتفاجأ اه كتشوفو هو ياسين جالس فالقهوة والمشكل مكانش بوحدو مع واحد البنت تصدمات بقات حالا فمها هز راسو وهو يشوفها وهبط راسو بحالا مكعرفهاش وبقا كضحك مع البنت هي مقداتش تصبر بدات كتبكي وناس كشوفو فيها خرجات كتجري تبعاتها صحبتها كتعيط ليها والو ملحقتهاش مشات ركبت طاكسي ومشات أمل بقات فيها سارة وتا هي تصدمات من داكشي لي دار ياسين.سارة وصلت دار مدمرة تمنات لكان ارض تشقات وبلعتها قبل متشوفو تمنات يبقا غابر وهي معرفاش علاش غي متشوفوش بقات كتبكي وكرهاتو وقالت صافي ملي هو نساني انا غنعيش بلا بيه ونكمل حياتي داز الوقت هي وخا هكاك مقداتش تنساه حيت خلاها تا بغاتو بزاف كانت كدير راسها نسات وعاشت حياتها حتى قرات تخرج من جامعة وتقلب على خدمة مشات كدفع لشركات حيت عندا دبلوم ديال السكريتاريا دخلت واحد الشركة كبيرة كانو باغين سكريتيرا دخلت لقات المدير شافتو تبهدات كان دري مزال صغير وزوين وظرفات ومؤدب كيف دخلت هو عجباتو قالها صافي تخدم معايا بدات الخدمة وتعرفات عليه مزيان تال وحد نهار قالها تقبلي تزوجي بيا هي وخا فقلبها ياسين قالت كما نساني انعيش حياتي وافقات تزوجو ودارو نهار لي يجي يخطب.
جا نهار الخطوبة لبسات واحد قفطان فالبيض ودارت مكياج واحد مشطا وخا هكاك مكانتش فرحانا حيت تمنات كون كان ياسين بلاصتو ولكن كانت كتبين راسها فرحانا دارهم كلشي فرحان وكوجدو حتى جا العريس سميتو سيمو جا هو وامه وختو وراجلها جلسو وقالو فين هي العروسة نشوفوها جات العروسة كانت حشمانة يلا بدات كتسلم وهي تصدم شافت اخت العريس كانت نفس لبنت لي شافت مع ياسين حسات بالضوخة وهو يشدها سيمو :مالكي اش وقع ماماها جات تجري :مالك ابنتي بسم الله عليك .امه:هذيك غي الخلعة جيبو ليها لما وسكر مهم هي بقات مصدومة ديك ختو شافتها بدات كتفكر فين شافتها معقلاتش كملو الخطوبة قالها هدي امي وهذي ختي وهذا راجلها .بقات كتشوف فراجلها هذا ماشي ياسين مفهمت والو داز الخطوبة ومشاو ضياف هي بدات كتفكر كفاش هداك راجلها وياسين فينو شوية عيط ليها سيمو:الو حبيبة مالك قبيلة.هي:والو غي طاح لي طونسيو يمكن بغيت نسولك واش ختك عاد تزوجات.هو:لا ختي هذي 4 سنين وهي مزوجة علاش.هي:لا غي سولت قطع الاتصال وبدات كتفكر.
الغد ليه قالها سيمو نخرجو نشريو الخواتم وجاب معاه اختو ختو بقات كتشوف فيها قالت ليها:فايتلي شيفاك فشي بلاصة معقلتش فين هي تخلعات قالت ليها واقيلا تشبهت ليك قالت ليها ختو:يمكن قالت ليها نعرفك براسي انا سميتي حنان طبيبة بمستشفى شيخ زايد سارة:مشرفين.حنان:حتى انا مشرفا بيك امرات خويا.بقاو يضحكو ختارو الخواتم وجلسو فواحد قهوة وبداو كهدرو بدات كتعارف بحنان وفراسها مكرهاتش تسولها على ياسين ولكن مقداتش .شوية حنان بدات تعاود وجبدت هدرا على واحد الحالة عندا بالمستشفى ديال واحد الشاب مزال فمقتبل العمر مريض بالقلب وصل لحد الاخير حتى حاجة مابقات نافعة معاه وهو فلحظات الاخيرة كتهدر متأثرة وهو يقولها سيمو :اه هداك لعودتي لي عليه سميتو ياسين ياك.سارة سمعات ياسين قلبها بدا يضرب بلا متشعر قالت ياسين.شافيها سيمو علاش مالك كتعرفيه.سارة وهي مخلوعة شنو كنيتو.جاوباتها حنان بناني واقيلا علاش مالكي.ناضت سارة من طابلة كفاش لا ميمكنش ياسين.سيمو قالها مالك.سارة:ياسين هو لعودت ليك عليه.سيمو:متقوليش ليا هو الاستاذ.سارة:اه وقيلة هو.سارة سولت حنان واش كنتي معاه واحد مرة فقهوة انا شفتكم.حنان:اه دابا تفكرت انت ماشي هي البنت لي شفتينا بديتي تبكي واش انت هي لكان عاودلي عليك.سارة:اش قالك .حنان:قالي بلي كان كبغيك بزاف لدرجة بعد عليك باش متشوفيهش وهو كتعذب من بعد ما عرف بلي هو مريض ولا ملقاش متبرع يقدر يموت .هي :بدات تبكي معرفت متقول لسيمو لبقا كشوف فيها.سيمو :واش مازال كتبغيه.سارة:حاولت نساه مقديتش.سيمو :انا من قدرش نوقف بناتكم لا بغيتي تمشي سيري عندو.قالت حنان عندي طلب بغيت نشوفو.حنان واخا يلاه المستشفى مشاو كلهم عندو دخلت البيت لقاتو ناعس وكلو بروات بدات كتبكي شفها تصدم .سارة اش كديري هنا...
سارة:ياسين علاش (وهي كتبكي)
ياسين:هكا علاش مبغيتش نقولك باش منشوفكش فهاذ لحالة.انا كنبغيك بزاف ومبقا لي والو ونموت .سارة كتقاطعو:سكت متقولش هكا انت غتعيش وغنبقاو مزوج ديما
ياسين:انا عندي امل صغير بزاف واصلا فقدت الرغبة بالحياة ولكن ملي شفتك تمنيت كون كان زمان تبدل وكنت معاك صحيح ومعمري نخليك.سارة:ولكن انت غتصح قالت لي حنان عندك عملية اليوم وغتنجح ان شاء الله وغترجع ليا عفاك قاوم على ودي
ياسين:ياريت لكان نعيش باش نسيك جاع لعذاب
سارة:غتعيش وغانساو كلشي ونبداو من اول .تتقاطعهم حنان جا وقت العملية .سارة بدات تبكي وشادات بيد ياسين هو بدا كبتسم:وعديني مغا تكرهنيش ومغا تبقاش حزينة حيت بغيتك تبقاي ديما فرحانة
داو ياسين لغرفة العمليات وبقات سارة كتسنا برا وكيدوز الوقت بمشقا مل دقيقة بعام دازت جاع سينتا ديالهم رجليها فشلو كل مكتفكر بلي غيموت حتى جلست على الارض كتسنا تا شوية تحل باب العمليات خرجت حنان شفتها سارة قلبها بدا كزدح بزاف بزاف غادا والدقات كتزداد معرفتش شحال ديال الوقت داز قبل متوصل عندها سدات ودنيها باش متسمعش خبار موت ديالو حركاتها حنان قالت ليها فرحي نجحات العملية ياسين كتبلو عمر جديد وهذا بالفضل ديالك تسناتها تفرح وتطير ولكن سكتاات سارة مجوباتش ومغتجوبهاش عرفتوو علاش حيت قلبها وقف متحملاتش الانتظار باش تسمع خبار الموت (النهاية)
لا يوجد تعليقات
أضف تعليق