انا شعرت بواحد الفرحة فشكل حيت بانلي بحال غار مهم ماعرفاش مناش .. واش فاش شافني ضاحكة ومامسوقالوش ولا حيت ضحكت مع السيد بديك الطريقة مهم عصبتو هههه
- واش حماقيتي اشمن شي هيهيهي حنا كنضحكو وصاف واش حرام
- طاشرون: سمحلي اسيدي ضحكنا عفويين وصاف منتبهناش لوجودك
- رضا: دابا اسي انا بقدي بقامتي مبنتلكش
- انا : يييه صاف اسي رضا موقع والو كنعتدرو اجي اسي محمد نكملو خدمتنا
- رضا : مكين متكملو كنضن باركا راها الوحدة وانا راه مليت
- انا : موسيو البناني الى مليتي امكن ليك تمشي ولاكن انا هنا كندير خدمتي فاش غنساليها عاد نمشي
-رضا : وتما بقات فشكون غيوصلك
-انا : ( معرفت منين جاتني هاد الجرأة قرربت ليه بزاف و شفت فيه بكل مكنملك من ثقة بعد صمت طويل وعيني فعينيه قلت )واش نتا مهتم بيا ولا كيجيبلي الله
-( توتر من ديك النظرة لي سحراتو وخلاتو يرد البال لتصرفاتو لي كتخرج لا اراديا ) لا علاش غنهتم بيك انا تصرفت عادي واجب ديالي هادا
-اشمن واحب انا مسؤولية الشركة ما شي مسؤوليتك امسيو
- وخا هاكاك انا درت معاك كيف غندير مع اي واحد زايدون جيبتك غنردك
- حنا هنا اسي رضا جووووج سيمانات واش كل نهار نتا لي غتجيبني
- اصلا خنا خدامين بجوج مفيها باس
- ( تنههدت وتحكمت فمشاعري ) صافي غير سير كيف غيمشي منهنا سي محمد غنمشي حتا انا
- سي محمد غيمشي لافران ماشي لجبل
- راسك مزال قاسح
- وزاد قساح
-كنستسلم كيف ديما
-اوا هيا لزدتي كودامي
-ولاكن و الخدمة
- راه عندكوم جوج سيمات ارا متكهكهي
- انا هنا كنخدم اسي
-لا باينا زيدي ركبي
ركبت معاه وخلينا مورانا الطاشرون غير حال فومو .. طريق كاملة وحنا ساكتين حتا قال
- كيدايرا الحاجة
- ( تنهدت ) الحاجة الله يرحمها
-( وقف السيارة ) الله اكبر امتا هادشي
- هادي عماين
- البراكة فراسك سمحيلي
- مشي مشكل ( نزلو جوح دمعات و دغيا مسحتهوم )
- دابا معامن عايشا
- وعلاش كتسول
- مجرد سؤال الى مبغيتيش تجاوبي صاف ( كمل الطريق )
- بوحدي
- اوا ردي البال لراسك
- متخافش عليا
وصلنا لوطيل وصلني ومشا دخلت تغديت بوحدي و لقيتها نيت فرصة نعس حيت منعستش مزيان هاد الليلة طلعت لغرفة و حيدت حوايجي بقيت غي بسروال و البودي طلقت شعري حيت كيعجبني نغطي وجهي بشعري فاش نكون ناعسة وتلاحيت فوق الناموسية حتا من للغطا مدرتوش .
سي رضا دخل لقا يسرى ناعسة كيف شي بنوتة صغيرة دايرا يديها تحت وجها وجامعا رجليها لعندها بقا كيشوف فيها وهو كيصارع اعجابو باش ميسيطرش عليه ولاكن حبو الاول كان قوي مقدش يقاومو قرب لعندها حيد شعرها على وجها وباسها من جبهتها وغطاها وخرج البالكون بدا يقول
- ياريتك ا يسرى متسرعتيش .. ياريتك درتي عقلك . . يارتك حيدتي منك الغنان . كون راحنا احسن زوجين .. اشنو ستافدتي هانتي عايشة بوحدك .. وانا وخا والدي ولاكن فراقك صعيب .. كنت كنبغيك بزاف .. ومزال كنبغيك .. رحمني يا ربي وحيد من عقلي يسرى حيدها .
رجع وبقا يشوف فيسرى لناعسة بواحد البراءة حتا داه نعاس حداها و نعسو الابطال دياولنا حتا بدات تفيق يسرى من نعاسها وهي تلقا رضا حبيبها لي مكتقدش تقاومو ناعس حداها بقات كتشوف فيه وكتقول مع راسها
- ياريتني متسرعتش .. يارتني درت عقلي .. ياريتني حيدت مني الغنان .. كون راحنا احسن زوجين .. كنبغيك ارضا حتا حست بيه بدا يفيق و هي دير راسها باقا ناعسة . فاق وغطاها وباسها على جبهتها وناض لحمام . هي فاقت وفرحاااات حيت تأكدات بلي باقي يبغيها .
- كنحلف بخلووفي اسي رضا حتا نرجعك كيف خسرتك وغانمشي منهنا شادلك فيديك هانتا عقل
ناضت حتا هي قادت الفراش وهي كلها ثقة باش ترد حبها الاول دخلات لبالكون وبدات تشوف فالشمس كتغرب وكتفكر كيفاش دير ترجعو لعندها
- نطلبو منو السماحة ؟؟ لا لا منقدرش هتا هو غالط .. نبينلو كنبغيه .. لا لا .. امم لقيتها غنشعل فيه ناااار الغيرة نيهاهاها هانتا غتشوف اسي رضا يسرى وعلاش قادة
_ كتهضري بوحدك ؟؟
- ( دارت لعندو ) ها لا
- اممم مهم انا خارج باغا شي حاجا
- هو صراحة انا قنطت هنا مكرهتش نهود لمدينة ممكن تهودني
- يا لاه انا نيت هاود لتما
- ا وكي خمس دقائق نوجد راسي
دخلت لحمام لبست سروال سليم بلو مارين مزييير و مينيبوط فلمارو عاليين و بودي فالمارون دجاكار و جاكيت ديال الكوير قصير شوية رشيت البارفان و درت مكياج دخاني بني و شال على طرقتي مهم جيت غزالا وخلاص هزيت صاكي وخرجت لعندو كان كالس فكافي دلوطيل كيشرب القهوة غير شافني هو يبزق ديك القهوة هههه كان غايكلني بعينيه شوية دور راسو لقا كولشي كيشوف فيا هو يجي بزربة جرني لطوموبيل وركب وكسيرا مهضرش معايا كاع وحتا انا بقيت غير مبتسمة حيت ديكشي لي بغيتو وصلت ليه ههههه زيد اسي رضا نوريك العيالات علاش قادات شوية قال :
- فين بغيتي نحطك
- غير فشي مركز تجاري
- مهم انا نشوف واحد الصديق ديالي ساكن هنا فاش نبغي نطلع دابا نصوني عليك
- اوكي
- ردي بالك ليل هادا بقاي غير فالمركز الى بغيتي تمشي صوني عليا
- اوكي ( بيا ولا بيك اموسيو رضا خههه )
حطني حدا المركز هودت غير حطيت رجلي لتحت وكلشي دار يشوف عندي وحسيت بيه تزير ماعليش هادشي لي باغا سديت الباب وزدت كنتقزب فالمشية خخهههه بداو يهدرو معايا ونا عاجبني الحال ماشي حيت لفت النضر و انما حيت بغيتو يشوف خخخخخ شوية واحد قرب لعندي
- مال زين غادي بوحدو
- بعد منين الموسخ
شدلي يدي وهنا تعصبت
- طلللق مني
محسيت حتا لقيتو طايح فالارض و رضا كيف شي ثور هايج موراه بقيت شادة غير على فومي حتا جرني لطوموبيل
- زيدي ركبي
- طلق مني قصحتيني
- زيدي خسك كتر
ركبني وزاد كسيرا
- ( بلغوات ) واش هادا لباس دناس المحتارمين ؟؟ ااه ؟؟ اش هاد تقزاب دابا كو مكنتش شكون غيفكك من يدو .
انا بقيت غي ساكتة حيت عارفاه لازدت كلمة وحدة غيقلبني انا وهاد طوموبيل لهذا لزمت الصمت حتا سالا هضرتو و قولت
- واش خفتي عليا ارضا
- انا تصرفت كأي واحد مابغاش بنت بلادو يتعداو عليها
- امممم واخا
- لايش كتلمحي نتي
- والو
بقينا ساكتين حتا وصلنا
-هاحنا وصلنا زيدي كودامي طلعي دغيا راه ودن العشا باش نمشي نصلي
- وخا غي سير
شاف كولشي تيشوف جيهتي هو يتبعني حتا وصلنا لسانسور انا تما قلبي كان غيسكت حيت مقربين بزاف انا توترت عكس هو لي كان عااادي وصلني لغرفة متأكد حتا دخلت ومشا
انا بقيت كنققققز بالفرحة واخا اول مرة نفرح ملي يزعف عليا شي حد وكنتفكرو فاش كان معصب انا متأككككدة بلي مزال كيبغيني كيف ما اللول شنو زعما 3 سنين هادي مانساني شنو زعما متكون حتا شي وحدة فحياتو ... ننووو مخصنيش نفكر هاكا حتا حاجا مغتحبسني انا غنرد حبيبي ليا وكنضن هاد الطريقة غادا تنجح مهم بقيت مدابزا مع افكاري ونوضت بدلت عليا دوشت وخرجت انا كنشف شعري حتا كنحس بيه دخل توترت حيت شاف شعري فازك قرب لعندي ونا غي مصمكة بدا يحاديلي شعري وكيشمو
- باقي فيه نفس الريحة
انا غي مصمكة و جاتني تبوريشة بدا يقرب كتر حتا صونا التيليفون ديال الغرفة هو مشا جاوب ونا خلاني كندعي فداك التيليفون لي صونا
- آآلوو ..
- موسيو رضا العشا واجد
- واخا هاحنا جايين .. العشا واجد انا كنتسناك لتحت
- رضا
- نعام
- صاف والو
مشا وخلا فيا عافيا شاعلا هادا لاش كيصرف معايا هاكا اااوف ولاكن ساعه على ساعه كيزيد يعطيني امل نكمل اش بديت .
مهم لبست غووب طويلة بليدين منبتة كحلة مزيرة بينات طاي ديالي درت شال بارفان مكياج مثير كحل وهودت عوالا على الحيحة هههه قلبت فين كالس كلست حداه بقا غير كخنزر فيا ماشي شغلي ههه
- مالك هلى هاد الحالة راك فالعرس
-( قمعني المسخوط ) ماشي سوقك
- اهاه نستاهل نيت
بقينا ساكتين جابو العشا وتعشينا فالهدوء واحد الشوية طلب مني الاذن
- انا غانمشي لحمام تسنايني هنا الى عيانا طلعي
- غنسناك ( اه يحبيبي ونا نقد نطلع بلا بيك )
هو مشا وجا عندي واحد المنتوف باينا فيه عنيبة
- الزين كالس بوحدو ماباغاش وناسة
- خليني عليك سير فحالك
- ( كلس بلاصت رضا ) والى مامشيتش
- ( انا فكرت وقلت هدا يمكن فصاليحي ) ممم شنو سميتك
- اوا دابا مزيان انا الالة سميتي جمال ونتي
- يسرى
- سمية زوينة واش جيتي بوحدك
- لا مع زميل ديالي
هو يجي رضا شااعل وعينيه حمرين
- سمحولي لقطعتكم بغيت غي سوارتي ( خنزر فيا تما عرفت راسي قفرتها .. مشا و انا جيت نايضة نتبعو ولاكن لا خصني نكمل الخطة )
- هدا مالو
- معرفتش
- عرفيني براسك ايسرى
- مهم غدا نتلاقاو مزال راك هنا ؟
- اه انا هنا حتا لاثنين
- اه صاف غدا اسيدي نفطرو مجموعين
- الله ياودي
- يالاه تصبح على خير بسلامة
طلعت وانا ماعرفا اش كيتسناني ولاكن لي عارفة هو خاصني نخليه يموت بالغيرة حتا نشدو متلبس هههههه عاد نواجهو دخلت لقيتو فالبالكون ماديتهاش فيه هزيت حوايجي ودخلت لحمام لبست كيطمة باش غنعس سكدت بلاصتي ومشيت لعندو
- واش مغتنعسش
- ماشي شغلك
- هاء
- ( دار لعندي معصب ) شنو شفتك دغيا ساليتي لقصارة
- اشمن قصارة
- ( شدني من عنقي وزيرني لحيط ) شنو زعما نتي ملقيتي ليربيك
- طللق مني اشمن تربية بزاف عليك
- لا بزااف عليااا نيت نهار كامل ونتي من راجل لاخور ها الطاشرون ها ديال افران و كملتيها بهاداك لي فريستورا هادي ماشي يسرى لي عرفت
- طلللق مني ندير ليبغيت شكون نتا لي تحكم فيا
- ( طلق مني ورجع لور ) اه عندك الحق شكون انا خلاني ومشا ينعس انا بانليا بلي هادا هو الوقت المناسب لي نتقرب فيه منو منزيدش نضخم الاومور مشيت لعندو وهمست فوذنيه
- رضا
- مالك
- ممكن نهضرو
- ( دار لعندي ) شنو باغيا
- رضا انا ماشي كيف كيحسابتك انا غي بغييت نن
- ماشي شغلي فيك ديري لي بغيتي اصلا شكون انا ندخل فيك
-( هنا ماعجبنيش لحال كيفاش انا كنهضر بشوية هو جاعر عليا ) اهاه عندك الحق سمحلي
خليتو ومشيت تكمشت فبلاصتي بفيييت شحاال دايرة راسي ناعسة ولاكن انا قايقة
هو عيا ميتقلب عرفتو ماجاهش نعاس شوية كنحس بيه جا عندي وقرب لراسي وبدا يلعب فشعري
- علاش ماقدش نساك ... حبك باقي فقلبي نتي حبي الاول والاخير كانبغيك ايسرى
انا بانليا شديتو متلبس ههه جا نايض ونا نشدلو فيدو دار عندي معرف راسو باش تبلا
- حتا انا كانبغيك
- ها
- اه انا عارفا بلي باقي كتبغيني ودابا تأكدت سمعتها بودني
قرب لعندي وضمني لعندو تما حسيت بلي ملكت العاالم زيير عليا وحتا انا نفس شي الشوق كامل فرغناه
- توحششتك احبيبتي
- حتاا انا ( كنبكي ومعرفتش علاش )
- ( قرب لعندي ومسحلي دموعي ) علاش ايسرى ضلمتي راسك وضلمتني معاك
- شوووت الماضي مات حنا ولاد اليوم
- ( رجع ضمني ) كنبغييك
- رضا خلينا نبداو صفحة جديدة انا واثقة غادي نعوضك على كل مافات نسا لبارح ونسا حتا اليوم صفحة فيها غير منهاد اللحظة لاخر يوم فعمرنا
- شوفليك على الكتكوتة ديالي ولات تعرف تعبر
-شنو دابا كضحك عليا
- وبدينا تاني
- ونتا لبديتي
- ههههه وزعما دابا عاد تصالحنا
- ههههه ( ضمييتو ) تتووحشتتتك بزاااااف احياتي
نعسنا معنقين شحال وحنا كنتهاودو ونعاودليه على كل ما طرا من موراه وهو كدالك حتا ودن الفجر صلا ورجعنا نعسنا محسيت براسي حتا لقيتو كيخربق ليا فشعري ونا فاتحة غي عين وحدا
- حبي صباح النور
- صبااح الخيير احبيبي كيطرا وجرا نوضتي نتا لول
- هههه الفرحة ههه نوضي لبسي عليك نفطرو نشوفو خدمتنا يالاه
- واخا
نوضت دخلت لحمام لبست سروال سليم وكونفيرسا و جاكيت ديال الكوير درت مكياج خفيف خرجت لي قتو حاطلي ورقة مكتوب فيها انا فكافي كنتسناك
هودت لعندو
- هنا جييت
- ( بدا يطلع فيا ويهود ) رجعي
- هاء فين نرجع اناري
- بديلي ديك التبهديلة
-رضاااا
- ( قرب لعندي ) راه يشوف فيك غير واحد متلومي غير راسك
- واخلاص هانا طالعة
جيت طالعه وعاجبني الحال حتا كيتلاقاني داك المنتوف وقرب لعندي وسلم بالوجه انا جمدت عارفا رضا كايشوف فياا نااااري مي مشيت فيها دفعتو وقتليه اش كدير
- اوا متكونيش منغلقة انا غي سلمت عليك
- ( رضا ناض ) اه اسدي مرتي منغلقة غتغبر منهنا ولا غنغبرك من الدنيا
- انا : رضا عافاك
- رضا : سكتي نتي حسابي معاك هو اللخر
- جمال : مرااتك ؟؟ اش هاد التفلية البنت تعرفت عليها البارح وقاتلي بلي نتا زميلها
-رضا : متخلينيش نوسخ فيك يدي
- جمال : مخيفش منك
-انا : نااري ناس كاملين كيشوفو فينا بااركا
-جمال : ( نظرات ديال المكر ) ياك احبيبة دوزنا ليلة زوينا شنو نسيتي .وشدلي يدي
-رضا frown رمز تعبيري غغغوت ) ججمع يديك ( ضربو طيحو ) نتا بانليا باغي تجمع عضامك مشتتين
فرقوهوم سيكيرتي وطلع الغرفة مممعصب وانا تابعاه وعارفا راسي ليوووم ناكلها تبعتو حتا للغرفه وبديت زعما نهدنو حتا صرفقني لسقني مع الحيط
- شنو زعما نتي معندكش علاش تحشمي جايا عندي انا ودايرا هادا احتياط يااك
- اش هاد الهضرة كتقول
-وعلاش عطيتيه وقت علااااش
- راه بغيت غي ( ماحسيت حتا عطاني واحد التسرفيقة اخرى جابتني طايحا لارض ) ضربني وخرج خلاني كالسة كنبكي على راسي شنو درت كان عليا نصارحو بلا هاد اللعب الخايب ولاكن معندوش الحق يضربني مهم نوضت غسلت وجهي حتا صونالي تيليفون
- الو موسيو برادة
- انسة يسرى بغيت غي نعلمك بلي اليوم الاحد وماكين فيه خدمة غي بلاما تعدبو حتا لتما ماغيجي حد
- اه اوكي موسيو
لقيتها نيت حتا انا مافيا لي يمشي ومعنديش العقل لي نركز بيه عيطتلهم دخلولي قهوة وجورنال مشيت لبالكون وبديت نقرا اخر الاخبار حتا كنسمعو دخل ماديتهاش فيه قرب لعندا و كلس حدايا
- يسرى سمحيلي الى رفعت عليك يدي
- ( بغيت نتفشش شوية ) ممم ساهلة عندك سمحيلي
- اوا نتيا ليدرتي علاش ايسرى .. حبيبا راني مكنستحملش يشوف فيك واحد اخور
- مممم عارفة
- وملي عارفة علاش عطيتيه فرصة يلسقك
- باش نرجعك
- كيفاش
- انا ا رضا عمري لبست هاكاك هادشي كامل غي باش نخليك تغير .. نهار بستيني فجبهتي وغطيتيني انا كنت فايقة وعرفتك باقي كتبغيني ديكشي علاش واعدت نفسي نرجع ليا
- وملقيتي غي تلعبيلي باعصابي
- هههه من الحب ما قتل ههه
- اجي عندي العفريتة اجي ( ضمني لعندو ) معمرك ديريلي هاكا احبي واخا
- صاف كون هاني
- يالاه نوضي نمشيو لخدمة
- لا ماكينا خدمة ليوم الحد دابا عاد علمني موسيو برادة
- هاكداك .. اوا شفت هاد موسيو برادة مهتم بيك بزااف
- رضا بدينا عاوتني
- امم اوا علاش معيطليش انا
- ( نوضت ) اوا سير سولو انا مالي
- ( جرني ) اججي لهنا ( كلسني فوق رجليه ) شنو الكتكوتة تقلقتي
- امم اجي قوليا حنا دابا فين غاديين
- ها راحنا كالسين هاء
- انا مكنهضرش على الكلاس .. فين غاديين بهاد العلاقة
- للعدول احبيبتي
- مفهمتش
- غنتزوجو مرة اخرى ومغنسمحلكش تهوري هاد المرة
- شنو زعما غادي نديك مرة اخرى
- نوو
- هاء
- مغتدينيش انا لي غادي نديك غانطلب يديك من خوك ياسر
- ااه فكرتيني شحاال هادي مسكين مهضرت معاه تووحشتو غايكون تشوش عليا
- نساليو هاد الخدمة ونعيطوليه يجي نيت باش نتعرف عليه
- يااه خويا مسكين شحال توحشتو
- وانا متوحشتينيش
- اكييد حتا نتا
- مهم سمعيني غير نتزوجو نساي الخدمة
- هاااء
- اوا شنو غادا تهوري مرة اخرى
- اوكي حبيبي ندير اي حاجة ومنخسركش مرة اخرى
- اوا هاكاك يالاه نوضي نهودو لمدينة نضورو شووية
- هيا الولا ( انا جيت نايضة هو يشدني )
- حبببس عاين نوريك اش غتلبسي
لبسني واحد السروال واسع ومونطو حتا لركبة بقيت نشوف فراسي فالمراية ونضحك جيت بحال ديك المعلمات دشحال هادي
- لااا مستحيل نخرج انا هاكا
- غاتخرجي هاكا ولا بناقص غنمشي بوحدي نقلب لي تونسني
- ها حللم ولاكن هاكا تنبان بحال شي وحدة جايا من الجبل
- ياك انا فعيني غزالا اوا واحد اخور اش غديري برأي ديالو
- عرفتي شنو سير جبلي ديك اللبسة لي كيلبسوها فاش يبغيو يدخلو عند النحل حسن
- هههه زيدي قدامي اوا ماحسن تلبسي هاكا ونخرجو هانين ولا نقتل شي حد ونبات فالحبس
- زيد زيد نتا راسك قصح من الحجرة عمرك تبدل
مشينا لواحد البلاصة عزيزة علينا تغدينا ودوزنا نهار كيحمق هاكا كملناا هاد الاسابيع وسالينا خدمتنا وبداو العمال فالبني و دابا كنجمعو حوايجنا حيت غدا راجعين
- رضا حبيبي
- نعام احياتي
- عرفتي الوعد لي عطيت لراسي
- شنو هو احبيبتي
- ( شديتلو فيدو) هو نرجع شادالك فيدك بحال هاكا
- ( زاد زير على يدي ) وانا غنعطي وعد اخور هو هاد اليدين احبيبتي عمرهوم يطلقو من بعضياتهوم
بدا يقرب مني وغرقنا فقبلة طويييلة حتا بغا يقرب من ...ونا ندفعو
- هييه راحنا مزال ممزوجين
- اااوف ولاكن راه كنت راجلك
- كككنتي
- يخليك ليا ههه عندك الحق نشاءالله مبقا والو
- ممم يالاه نوض تنعس
- لا غنعس حدا حبيبتي
- ههه يالاه نعس غدا نيضين بكري
نوضنا وشدينا الطريق وحنا ضاااحكييين مرة ندابزو مرة نضحكو دازو ديك جوج اسابيع بحال الريييح الله الوقت شحال كيدوز بسرعه فاش كتكون حدا لي كتبغي مهم وصلنا حطني فدار ومشا انا دخلت دوشت وجبدتها بنعسة حتا المغرب نوضت توضيت صليت وخرجت باش نتقدا اش خاص لدار انا خارجا ونا نلقا ناصر يالاه بغا يدق
- اهلا ناصر شخبارك
- الحمد الله على سلامتك
- الله يسلمك
- كيداز العمل
- ولاكن هادشي غنهضررو فيه فالاجتماع ديال غدا
- امم يسرى ممكن تقبلي عراضتي نتعشاو مرا
( انا جيت نجاوب ونا نلقا رضا واقف بطوموبيلتو كيخنزر فيا ) بقيت كنتهرب من ناصر باش منطيحش فالمشاكيل مرة اخري حتا نزل وجا لعندنا
- رضا : سي ناصر لباس عليك
- ناصر : لاباس اخويا واش ساكن هنا
- رضا : لا ولاكن حبيبتي ساكنة هنا
- ناصر : ااه مزيان انا لقيتيني جاي عند يسرى لبغات تقبل العراضة ديالي
- رضا : اوا شنو الالة يسرى تقبلي عراضتو
- انا : هاا لا بغيت نقول زعما عندي بزاف مي
-رضا : سمعتيها قالت لا
- ناصر : ولاكن نتا اش دخلك فهاد الامور بيني وبينها ياك جيتي عند حبيبتك اوا سير لعندها
- رضا : هاني حداها ( شدلي فيدي ) وشاد فيها وغانديها تعشا معايا
- ناصر : شنوو واش بيناتكم شي حاجة
- انا : اه اناصر انا و رضا كنبغيو بعضياتنا
- ناصر : لا ميمكنش بنت زوينة. صغيرة بحالك تدي واحد مطلق
- ( انا زعفت ) وحتا انا مطلقة اوا ميمكنش واحد زوين بحالك يدي وحدة مطلقة
- ناصر : كيييفاش ؟. وعلاش مقلتيليش هادشي ديك النهار
- رضا : إنا نهار ايسرى ؟
- انا : ( تعصبت) اووف ناااصر انا كنبغي رضا ونتا ارضا باركا متبقى غي كتستنطق صافي كنضن كولشي واضح رضا حبيبي و ناصر زميلي .. علاش كتقلبو اخور
- رضا : ( نفض يدي ومشا .. جا ماشي هو يضور عند ناصر لي باقي جامد ) هييه ونتا واش غتبقا مصمر تما .. ونتي دخلي لدارك اليل هادا سيري تسقري باركا من التخطيط
مشا وخلاني حالا فومي دخلت لداري ودرت بناقص من التقدية ناصر مشا فحالو انا ليل كامل وانا كنصوني عليه مكيجاوبش مهم صبح صباح جديد لبست حوايج العمل وحاولت ما امكن نوسع ههه ماقدا على صداع خصوصا غيكون فلاجتماع وصلت للشركة كبف العادة تلاقاتني صفاء بابتسامه عرييضة وطارت عليا
- زين ديالي على السلامه ناري شحال توحشتك
- حتا انا ازين ديالي فين الياس
- ايهايهاي دغيا توحشتيه
- اش كتخربقي نتي
- ههه الياس شاد كونجي مشا عند واليدية لكازا
- ااه مزيان
- وعرفتي علاش مشا
- علاش
- باش يجيب واليديه
- فرحتلكوم اختي والله يكمل عليكم بالخير . الياس شاب مزيان غادي يعيشك اميرة
-( مصدومة وممصدقاش ودنيها)اش كتخربقي كيفاش الله يكمل علينا بالخير
- وناري وشحال مقصحين راسكوم علاش مخبيين عليا هاكدا وأنا زعما لي كنعاودلك كلشي
- وعلاش كتقولي بحالا باغا تباركيلي تقلبو عليك العرارم
( جات سارة ) يسرى المدير بغاك
- واخا انا جايا .. صفاء حتا نجي ونعاودلييك شلاا ميتقال
مشات وخلات صفاء فواحد الحييرة
- موسيو نقد ندخل
- يسسسرى زيدي دخلي انا باغي نهنئك على هااد الججد فالعمل ديالك حمرتيلي وجهي
- لهلا يحاشمنا اسدي انا كندير غير الواجب ديالي
- يالاه يالاه كلشي كيتسنا فالقاعه نوضي
نوضت دخلنا لقاعة كولشي كان حاضر حتا ناصر ورضا .. ناصر كان كيشوف فيا شي شوفات بحالا معرفت شكون قتلتليه اما سي رضا شاد تيليفون وداير فيها ماراهش فهاد العالم
- السلام وعليكم
-( كلشي ماعادا رضا ) وعليكم السلام
- المدير : احم احم ليوم انا باغي نهنئ يسرى مستور على هاد المجهود وتفانيها فالعمل داكشي علاش غنعلن قدام كاع الاعضاء و الشركاء وحتا الزبون ديالنا بلي كنرقيها لمنصب نائبة و رئيسة المهندسين
كلشي بدا يصفق و انا فرحت بزااف واخا عارفا ديك راس طارو غايخرجني منهنا اما هو بقا غي ساكت وداير واحد الضحكة زعما غي حلموا ..
- ناصر : مبروك ا انسة على هاد المنصب( مد يدو )
هنا عاد رضا جمع ضحكتو وبقا كيخنزر
- ( سلمت عليه حتا انا ضد فرضا ) شكرا
كاع الاعضاء سلمو عليا
- ناصر : ونتا اسي رضا مغتهنئهاش على هاد الترقية
- رضا : انا غنهنئها بطرقتي ولاكن حتا تخرج
هنا عرفت راسي كيتسناني جحيييم ماشي تهنئة . بقينا كنتناقشو فالخدمة حتا سالا الاجتماع ومشيت ديييريكت المكتب ديالي حتا كنلقاه موراي
- شنو هربانا
- ها ! علاش غنهرب
- نسولك نتي
جرني وبلع الباب وتكاني على الحيط وخرج فيا عينيه انا بقيت غي كنقفقف علا حاجب وهود لاخور هاد النظرة كتوترني
- دبا باش بغيتينا نبداو واش بالبارح فاش لقيتك مع ديك المصرفق حدا دارك واااخدة راحتك ولا على هاد المكياج ولا على الرااااحة لي كنتي واخدها مع الرجال لداخل ولا على ديك السلام .. اه باش نبداو
- حححيد عليا مالي انا اش درت هادي راها خدمتي وهاداك لي داير فيك هاد الحالة انا مكنتش واقفا معاه خرجت نتصخر لقيتو حدا الباب
-( عاد مزاد تعصب ) اهاااا حدا البااب الالة كون مضصرتيهش عليك كو كاع ميجي لداارك
- صاافي بااركا اشمن دنب درت الى هو لي جابوه رجليه و ديما العيب فالمراا وزايدون انا مامضسرا حتا حد
- اوا اش كان كيدير عندك واااخد راحتو و على اشمن نهار كان كيدوي عللم الله اشكين من مور ضهري
- مالك ارضى هاد الغيرة ديالك مبغاتش تحيد هادي راه ماشي غيييرة هادا راه مرض ( بديت نبكي ) انا مدايرا والو من موراك كنحلف ليك نتا الوحيد لي كنبغي وراه قولتهاليك حداه مالك مرض راسك و مرضني معااك
-( راجع راسو وقرب ليها وشد وجهها بيديه وقالها ) حبيبة راني مكنستحملش نشوف شي حد واخد راحتو معاك هاد الضحيكة وهاد الشوفات ديالي بووحدي نتي كاملة ديالي بوحدي
- انا ديالك ارضا ولاكن حيد منك هاد الوسوااس راه المجتمع هادا وكل واحد وضميرو وكيفاش تيفكر
- لا ايسرى لا انا منقدش نشوف شي حد معجب بيك
- لا تقدر
- كيييندير
- تييق فيا نتا متايقش فيا كنحلف ليك الى نتا الوحييد لي فقلبي خلينا منعادوش نفس الخطأ الول عافاك خلينا مزيانين انا منقدش نخسرك مرة اخرى
- حتا انا مغنخسركش احياتي
- هي لورتيني ديك الضحييكة لي توحشتها وليت نشوف غي التخنزير هههه
- هههه
- شفتي شحال كتبان زويين
شوية كدخل صفاء كتلقانا مقربيين
- يسسر.. احم احم سمحولي مكنتش عارفا
- هاء صفااء ( توترت ) زيدي دخلي حنا كونا غي كنهضرو
- رضا : حياتي انا مشيت غندوز عنك مع 12 نتغداو بجوج( غمزلي )
- انا : اوكي تهلا فراسك
( مشا )
- حححح ح حيااتي
- ههه مالك
- الى فهمت شي حاجة الله يعطيني العمى
- كلسي كلسي نعاودليك انا ورضا تصالحنا وغي نساليو هاد الخدمة غادين نتزوجو مرة اخرى
- لا انا ممصدقاش هادشي لي كنسمع ياك اخر مرة سمعتك تتقولي تتكرهيه وقالي الياس مشيتي معصبة لديك السفر ولا قوليلي السفر هو لي رجعكوم لبعضياتكوم
- هنههه بلاصتو فقلبي باقيا ايسرى انا راه الراجل الوحيد لي بغيت ولي غانبقا نبغي حياتي كاملا هو رضا
- اهاه و الياس مسكين لي طمعتيه وراه مشا لكزا على قبل يجيو يخطبوك
(هنا كيدخل رضا لي تبارك الله عليه كيجي غي فلاوقات المناسبة )
- شكون هاد الياس
- انا : رضا حبيبي اش كاين
- رضا : نسيت تيليفوني هنا اشكون هاد الياس لي طمعتي
- انا : رضا تيق بيا انا براسي صفاء معرفهاش علاش كتهضر صفاء اش كتخربقي امتا طمعت انا الياس
( زدخ الباب وخرج .. ااااوف عاااوتاني )
- صفاء : اختي سمحييلي والله مقصدت نديرلك مشكيلة
- انا : ولاكن نتي اش كتخربقي شكون طمعت انا
- صفاء : اوا اصاحبتي نتي لي عطاك الكرسون الرسالة بديتي ضحكي وعجبك الحال وحتا فاش جينا قولتي لالياس راكي فرحاانة ماالك
- انا : وااش متي مسطية انا احسابتني نتي لي كيبغي ماشي انا و ديك الرسالة حسابتني مسيفطها ليك وفاش ملقاكش الكارسون عطاها لياا وزايدون نتي لي كان تيقولك كانبغييك ماشي انا
- ولا الهبلة كان تيقولها لييك انا غي كنت فرحانة ليكم بفففف نتي فاهمة غلاط والولد مسكين طاااير بالفرحة والله حتا بقا فيا حشوما عليك
-ولاكن انا مكنت عارفا والو وزايدون اخر واحد نفكر فيه هو الياس اصلا نتي لي مقربا ليلو بزاف
- هو غي اعجابو ليك هو ليخلاه مايضاسرش معاك بزاف راكي عرفاه حشوومي .... يتبع
داب انا طلقت وبغيت نرجع مع طليقي هو قالي الا بغيتي رجعو دير تنزول هو ما عرفش بي اني طلقتو
ردحذف