نعرفكم براسي سميتي يسرى 25 عام زويينة و طويلة ههه كنشرلكم فراسي عينيا مايلين لزروقيه غير مايلين ماشي زرقين هه شعري زعر و رطب و طويل ولاكن كندير زيف على برا طاي ديالي زوينة بشهادة الناس ههه المهم انا مطلقة هادي 3 سنين والداي ماتو ملي كانت عندي 10 سنين عندي خويا واحد راه فالخاريج مكيجيش بزاف ولاكن ديما كنهضرو رباتني غير جداتي لي حتا هي توفات مور ما طلقت بعام ملي توفات بقيت بوحدي عاودت دار دجدة لي كانت كتبتها بسميتي وريديتها فنة ساكنة فيها حاليا خداما مهندسة فواحد الشركة حياتي مستقلة معنديش اصدقاء بزاف يالاه جوج صفاء و الياس خدامين معاياا ضريفيين و كنحمااق عليهم و غدا عندي اجتماع مهم مع الزبناء الجداد و المدير مكلفني انا كرئيسة المشروع يالاه تصبحو على خير خاصني نفيق بكري ولا غيتقلق .
في الصبااح : أنا : اويليي على فضيحة الساعة 10 وانا باقا ناعسة وتي تكعدي منهنا وييلي هاد النهار يجريو عليا و الاجتماع يكون سالا نااري مي كفااارت عليا . نوضت كنعتر فرجليا لبست سروالي و قميجة و كوستيم حوايج العمل و مشيت كنطير حمد الله وصلت . إلياس : افيين كنتي ايسرى المدير عايهبل حشمتيه مع الزبناء . صفاء: سكت متزيدش تخلع فيها مكتشوفهاش كي صفرة الفطور ويمكن مفطراتش مهم تي سيري عندو بعدا راه فالمكتب ديالو ااه ومتنسايش قراي سورة الناس عادا دخلي ههه .أنا : بعدو بعدو مني اش غيوقع كااع
2 دخليت لبيرو دالمدير وانا الخلعة شادني من كوارعي أنا: موسيو برادة نقد ندخل؟ المدير معصب : كطلبي الادن باش دخلي و ماطلبيهش باش تعطلي ؟؟ أنا : والله اموسيو مادرتها بلعاني و .. قاطعني : صاف صااف باركا عليا اجي تكلسي نفهمك اش داز عليك فالاجتماع أنا : واخا موسيو هي الولا المدير : مهم مشروعك عجب بزاف لزبناء و قررو باش ينفدوه على أراضهم و نتي فالاجتماع جاي غادا تشرحيه ليهم بالتفاصيل وسيري تعطلي تاني غير متحلميش تحطي رجليك هنا أنا : لا اسيدي كوون هااني نشاءالله نحمر ليك الوجه صافي لممحتاجنيش نمشي نكمل خدمتي اموسيو المدير : صافي غير سيري وسيفطيلي وراق المشروع القديم مع الكاتبة أنا :واخا سيدي .. مع رااسي ااوف فلت هااد المراا .سااارة اجي دي الوراق لمدير ( سارة الكاتبة )انسة يسرى متصوريش هادوك الزبناء لي جاو شحال بووكووسين وييلي و مول الارض كييييحمق أنا : سكتي سكتي هااكي دي الوراق ونتي لي ضربك ضربك على الرجاال سارة : ااه ماشي بحالك مقابلة غير الوراق حتا تشيبي معقدة أنا : وتيي سييري قبل ماندير فيك شرع يديا كنكولك فوتيني عليييك .سارة : هاهي غادة. أنا : (مع راسي) رااسي غيطرطق محتااجه شي قهوة.صفااء : طلبتي غير المجود هاكي شدي أنا : طيرتيها مني خلعة اصحبتي اري فيها سكر ؟؟ صفاء : وقوولي غي شكرا ونتي كي الهييشة. فيها غحنجري أنا : هيهيهيي ششكراا احببتي لهلا يخطيك عليا وخلاص .على خااطرك دابا صفاء : اجي شنو قالك الشاارف ياكما دابز معاك أنا : يا ختي غي سكتي ولاكن عارفني كنرطب الحدييد ههه صفاء : أياه منخفش عليك حقاا الشركاء الجدااد ناري كولهم صغار وبوكوضين اما مول الارض سخفت فاش شتو تقولي غي تركي
أنا : اوف حتا نتيي مقلت حتا سكت ديك الثرثارة دسارة اجي بعدا منين هوما وفين كاينا هاد الارض لي غيتنفد فوقها المشروع صفاء: اختي منعرف راكي عارفا انا مشغولة غي بمشروع المول كاع مدخلت سولي سارة أنا :مهم مايهمش سيري كملي خدمتك و خليني نخدم نتلقاو مع 12 باش نتغداو .و صلت 12 و تغدينا كي العادة ودابا كنوجد راسي الاجتماع الجاوج خصني نركز و ندبر شي طريقة لي نشرح بيها باش يفهمو ،مشاريعي شوية معقدين.وصل الوقت و وصلو الزبناء دخلو الشركاء دالزبون الجديد لقاعه الاجتماعات بقا غي مول الارض مع المدير مهم ندخل نتعرف عليه بعدا و نعتادر على الصباح أنا : موسيو نقد ندخل المدير: انسة يسرى دخلي تقضلي نقدملك رضا البناني الزبون الجديد ديالنا. تخلعت انا تزعزعععت بقييت جاامدة فبلاصتي بمجرد سمعت سمية فاش دار عندي زدت كملت و هو كدالك بقا مصدوم الحاجة الوحيدة ليقال هي رضا : اش كديري نتي هنا المدير : سي البناني كنقدم ليك المهندسة المكلفة بالمشروع ديالكم يسرى مستور ولكن بانليا بحالا كتعرفو بعضيتكم ، كلسي ا آنسة بعدا مالك جامدة فبلاصتك. أنا كلست و كانشوف فيه نضرات كلها حقد وهو كدالك كيبادلني نفس النضرات مخلطين مع الصدمة أنا : مرحبا بموسيو رضا المدير : شرحولي هاد الموقف واش كتعرفو بعضياتكم سي رضا قول شي حاجا .. يسرى .. أنا : ( كنشوف فرضا) لا اموسيو برادة مكنعرفوش اصلا راك عارفني عمري ندخل الخصوصيات مع الخدمة و سي رضا هنا كزبون و انا كمهندسة و متسالوني غير نقوم بالواجب ديالي على اكمل وجه و زايدون حنا مزال مكنعرفوش بعضيتنا مزيان ولا لا اموسيو رضا . رضا : اه انسة يسرى عندها الحق كون هاني اسي برادة حنا هنا على قبل الخدمة المدير : صاف انا مكيهمنيش لي كيهمني هو ميكونوش مشاكل فعلاقتنا العملية معا سيادتكم و تعجبكم الخدمة
رجعت المكتب ديالي و كنهدر مع راسي كي شي حمقة انا : ااااوف لاش دخل لحياتي مرا اخرى ااوف(واقله خربقتكوم الراجل لي لقيت فالمكتب هو طليق ديالي راجلي القديم دوزنا 3 شهور دزواج و متفهمناش واخا ختارينا بعضيتنا و عجبني و عجبتو لاكن علاقتنا ما فاتتش الاعجاب يعني مطورتش للحب صراحة مكانش بيناتنا تفاهم كبير كل واحد فين جارها و كان ضد اني نخدم و لاكن دابا استقليت بقراراتي وليت انا المسؤولة على راسي ميتحكم فيا حد نهار تفارقنا كان نهار لي قررت نخدم و هو رفض و تخاصمنا و اااخر هدرة قالها ليا هي ( راه مزال مكنعرفوش بعضياتنا مزيان ) بقات فقلبي كجمرة ولاكن ملي رديتهالو قبيلة فالمكتب خفاف تقلها شوية عليا مهم انا ماهمنيش باغا غي خدمتي ما بغا لا حب لا زواج لا والو ) اوف لاش دخلتي لحياتي و ديك الارض زعما كان قالي فعيد ميلادي غيوجدلي فيها مفاجأة ودابا بغا يبني فوقها دار العجزة العجب. الياس:يسرى !شفتك كتهدري بوحدك ودمك هايج ياك لاباس يكما ماتفقتوش مع الزبنااء .. أنا : ااه يا اليااس كوون كانت هاكاك. إلياس: اوا بلا الغاز ايسرى هضري. أنا : عرفتي شكون اهوا الزبون الجديد ؟ إلياس : لا شكون .أنا : رضا راجلي القديم إلياس : اشنو ؟ شنوو كاتقولي واش بصاح لا ميمكنش. أنا : اه الياس هو بلحمه و عضمه هااد النهار بااين من صباحو اوف غنحماق اش هاد الزهر عندي( غلبوني الدموع )إلياس : ااوه يسرى متبكيش صاف موقع والو ياك نتوما تفارقتو حبيا اوا مسحي دموعك و اعتابريه زبون بحال كاع الزبائن لي فاتو حتا تكمل الخدمة وكلا فطريقو صاااف مسحي دموعك مكتجيش معاك البكية أنا :لاش انا معندي زهر علاش حتا قلت صاف حياتي تقادات و غنبدا من جديد و دخل لحياتي عاوتاني إلياس : وا خلااص ايسرى حتا نتي ديري راسك مكتعرفيهش و تعاملي معاه عادي و مغيكون غي لخير ياك ماقلك والو هو ؟؟ أنا : لا حتا هو تجاهلني كيف تجاهلتو إلياس : اواا صاافي هانتي كملو هاكا وصافي يالاه مسحي دموعك راها صفاء جايا وغاتشد فيك . صفاء : وناااااري على حبيبتي و شكوون بكاالي لقطييييييوطة دياالي شكوووون. إلياس : هانتي شنو قتليك هههه. أنا : كاضحكو عليا دابا ياك هدي هي الصحبة بعدو مني
صفاء : وتوما قلولي اش واقع الياس مال يسرى كتبكي إلياس : خليها هي تقولك حسن انا فالمكتب ديالي غنكمل شي خدمة رها قربت 6 مهم فاش تسالو الهضرة تلقاوني فالكافي كي لعادة أنا : لا ا إلياس انا مغنجيش كنقول غي فوقاش نمشي بحالي.إلياس : ولاا ايسرى راكي عارفا الكلسة مكتكملش بلا بيك و زايدون مكملناش الهضرة. صفاء : صااف ا إلياس كون هاني دابا نجيبها إلياس : واخا يالاه حتا نتشاوفو صفاء : هاكي كلينكس هودليك الريسي هههه اوا اصحبتي عاودلي اش وقعلك راني عارفا مكتبيني دموعك حتا كتوصل بيك العضم أنا : مكدبتييش اختي واااصلا بيا للعضم عرفتي الزبون الجديد مول الارض !صفاء : اه دااك البووكووس مالو ؟ أنا : اودي منين جاتو هاداك لي كتقولي عليه البكوس راه هو راجلي القديم ررضاا صفاء :ااااشنوووو ؟؟؟ أنا: غي بشوية شوهتينا تسمعك سارة تلسقناا شوفي راه هاد الهضرة تبقى بيني و بينك و بين الياس غي نتوما لي عارفين وااايااك تخرح ماعدنا مانديرو بالمشاكيل .صفاء : لاكوني هانيا اصبحتي ناااري صدمتيني و ياك رضا تاجر فطوموبيلات اش دخلو لاعمال الخيرية : أنا : اختي والله وعلم والله مابقيت فاهما والو فالاجتماع دكرو الارض لي ف إفران كان معاودلي عليها مي عمري شفتها . مهم انا ميهمنيش هادشي، خدمتي غانديرها عايني نمشي نغسل وجهي و نمشيو لعند الياس راه خرج فحالو .صفاء: اجي بعدا واش شفتي ديك الفنييينون ديك المستثمر لي من برا ؟؟ أنا : شكون فيهم واش داك السمر ؟، صفاء: مسمرش بزاف دندااني وصاف راه كان معاكم فالاجتماع شتي يا ختي على شخصية عندو غي الوقفة ديالو باراكا ههه أنا : ههه اه عرفتو باينا فيه متقف واعي حيت كان كيدهر فالقاعة بحال شي مفكر كبيير اوا الله يحجبو لواليديه .صفاء: واه ولاكن انا راكي عارفني مكنفلت حتا حاجا شفتي فاش كنتو خارجين كان كيشوف غي لجيهتك راه باينا فيه تعجب بيك المسخوطا هعه حيت ديك الشووفاات .. أنا قاطعتها : اااشمن شوفاات بدييتي تاااني زيدي كودامي الولد كيتسنا و تجبديلي حس شي حد مرا خرا انا لي غنحيدلك الشووف ااه قاالك الشوفاات يشوف ولا يكلس صفااء : اه اه ياختي مالك دابا شعلتي صاف مقولت والو زيدي الولد كيتسنااا ونتي لبديتي مكتقضايش أنا : اوا هاكاك وزيدون لعجبك خوديه نتي هانتي الاله سميتو سي ناصر وساكن غير هنا اوالديه برا هه نزيدك شي حاجه مهم تمشاي ونهدرو. صفاء : بلعي معاك الباب راه غي حنا لي بقينا يالاه اجي شفتك عارفا كولشي باش عرفيتها ؟؟؟ يييسرى عععنداااك الطموبيل فااش ساهيا نتي مالك أنا : اااوف على خلعها ماشفتهاش اش كنتي تقولي ؟؟ صفاء : وردي بالك قتليك باش عرفتي على سي ناصر هادشي كامل . أنا : اوا من الاجتماع و صاف ... فين كالس هاد بنادم ؟؟ ااه راه يالاه .صفاء : زيدي .
قصص مغربية بالدّارجة
كمل ...
تم الإرسال بواسطة بلال المساري
صفاء: راك هنا أجن
إلياس: لا لهيه ههه
صفاء: هاهاها ضحكتيني وما حامض شنو طلبتي
إلياس: كلسي كلسي ويكون خير ونتي ضاربها غي على كرشك ( دار عند يسرى لقاها ساهيا ) يسرى هيهو يسرى مالك شفتك ساهية
يسرى: اه نعام شنو قلتي
صفاء: اواعدي على صاحبتي وسي السيد طيرلها الفريخ
يسرى : صفااء
صفاء: هاني ساكتة
إلياس : يسرى شنو قررتي ؟
يسرى : ااه أ إلياس اش عندي نقرر . فكرت فهضرتك ولقيت عندك الحق
إلياس : احسن مادرتي .. ياك هي غي شهور وغاتسالي الخدمة وغايسلي كولشي و كلا فطريقو .. مهم ماتخسريش خدمتك .
صفاء: اه ايسرى إلياس عندو الحق وخا اول مرة كنتفق انا وياه .. ماتنسايش مور هاد الخدمة كتسناك ترقيه
يسرى : اه اصفاء مهم نساو علينا اصلا شكون اهوا ليغنضيع عليه خدمتي وحياتي الجديدة انا غنعيش حياتي كيف ما قبل مايستهلش نهضرو عليه
صفاء: هاكاك اصحبتي ودابا عجبت... ييي شفوو هاداك ماشي لي كان معاكم فالاجتماع ايسرى ؟،
يسرى : اه سي ناصر نارى شفتو بحالا جاي لجيهتنا هادا
ناصر : السلام وعليكم شنو مغتعرضيش عليا نكلس معاكم اشركتي الجديدة ( كيشوف فيسرى )
يسرى توترات : ااه اه كلس مرحبا نعرفك هادا صديقي الياس مكلف بأعمال اراضي الجالية و صافاء مك.. قاطعتها
صفاء مادة يدها : انا صافاء مهندسة مشرفين بيك
ناصر : متشرف بيكم ادن مادمتم معا يسرى غتكونو بنفس الدكاء تبارك الله يسرى ماخلتلنا منقولو زيادة على الجمال كاين الدكاء وروح الاقناع ( كيشوف فبها بنظرات الاعجاب )
الياس نضرات مخلطه مع الغضب و الابتسامة المصطنعه : اه يسرى تبارك الله لادارت شي حاجا فعقلها توصل ليها
صفاء ( كتراقب نضراتو فيسرى و كتراقب نضرات يسرى لي كلها لا مبلاة لناصر فقط ساهية ) : اوا اسي ناصر ونتا اشمن دور كلفوك بيه فهاك الخدمة
ناصر ( كيشوف فيسرى) مكلف ب لي تقالت على يسرى خفافت عليا
الياس تنحنح بغضب .. يسرى بقات غي كدور فعينيها بحالا باغا تهرب منداك الموقف. اما صفاء بحالا فهمات الموقف وبدات تبتسم ليسرى وتقوليها بعينها بلي راه معجب بيك لاكن تفكرات الياس لي كيبغي يسرى وهي تشوف لعندو بداو يتبادلو النضرات بحالا تيقوليها تصرفي ولا غنقتلو ..
اش غتشربو
إلياس : انا مابغي والو شوف البنات( وناض مشا )
يسرى : الياس اجي فين ماشي ( ماجوبهاش )
صفاء : انا غانشوف مالوو ( مشات موراه ) اليااس عااين
يسرى : جيبلي واحد كافي نواغ
ناصر : حتا انا بحالها ( ناصر مهودش عينيه عليها وهي ماجيبا لدنيا خبار )
واش شفتي دوك النظرات لي كان كيشوف الياس فصفاء ؟
يسرى : لا اشمن نظارات ؟؟
ناصر : ( ضحك واحد الضحكة ) ااه ايسرى انا بحال هاد الحوايج مكيخفاوش عليا
يسرى : اشمن حوليج اسي ناصر
ناصر : الاعجاب ا انسة للاعجاااب
يسرى : شنو ؟؟ مفهمتش اشمن اعجاب كدوي عليه شنو زعما الياس معجب بيا لاا متقولهاش
ناصر : هههه لا ولاكن قربتي الياس معجب بصفاء وفاش كلست معاكم وشافها هضرت معايا بديك الطريقه غار وهو ينوض وياك شفتي تبعاتو متوترة
يسرى : ( حاطة يدها على فمها وكدور راسها وهي كتسترجع اللحضة فاش ناض وكيفاش توترت صفاء. و فسرتها على اساس بيناتهوم علاقه و مخبينها ) ااه عندك الحق اوا شووف انا زعما متيخبيو عليا والو ناااري كيفاش ملاحضتش ههه وااو لقيييت فاش نشد
ناصر : ههههه دابا ا انسة يسرى اه بعدا سميتك زوينة
يسرى : شكرا سي ناصر
ناصر : حيدي الرسميات عفاك زيدي عرفيني براسك
نرجعو ل الياس و صفاء
صفاء : الياااس ححبس عاين مالك
الياس : خارج من الكافي بزربة : بعدي مني اصفاء
صفاء ( شداتو ) عاين مالك اووف شحفتيني
الياس : الى نتي شحفتي انا راه كنت باقيلي شوية وندير جريمة
صفاء : ناري يا الياس والله حتا نسيت راسي حتا انا . وابسيف اصاحبي واش نتا عمرك بينتي ليها شي حاجه وباغيها تحس بيك نتا لي كتعاني ف صمت راك عارفها زوينا وحتا واحد مغيفلتها الى مطلقتيش راسك
الياس ( كيهضر وفعينيه نظارات اليأس ) : اختي راك شفتي فاش بغيت نصارحها معرفت منين خرجلنا ديك راجلها القديم وتاني قررت نصارحها فالكافي و هانتي كتشوفي وكنت موجد ليها رساله يجيبهالها الكرسون كنعبر ليها على حبي باش تفهم
صفاء : رسااله ؟؟ !!
الياس : اه رساله .. رساله ؟ شافو فبعضياتهم وصفاء شادة على فمها
صفاء : جري جري
الياس : اوييلي كيفاش نسيت غايكون عطاهليها
صفاء : جري دغيا نشوفو غي من بعيد ردة فعلها
الياس : صاف وقفي هنا تفو ديك العوج باقي كيبحلق فيها .
ف طابله يسرى وناصر والكارسون كيقدم الطلبات
ناصر : شكرا
يسرى : شكرا ..
الكرسون :هدي ليلك الاله
يسرى : شنو هادي
الكرسون : صيفتهاليك ديك السيد لي كان كالس هنا
يسرى : ( نضرات متسائلة ) الياس ؟؟ اشغيكون مكتوب فبها
صفاء : شووف هاهي غتفتحها
الياس : ششششت
ناصر : يسرى فتحي قراي و تفهمي
يسرى : اهاه ..واو هادا جوا باين فيه شي خاجه غرامية شوف القلوبا هه
ناصر : فتحي
يسرى : ( كاتقرا ومصدومة ) لاا ميمكنش
ناصر : شنو كاين
يسرى : هادا بغا يعبر لحبو لصفاء ولاكن الكرسون ملقاش صفاء حسابتو انا
ناصر : اوا شفتي شنو قتليك
صفاء : ( كضحك جاتها هستيريه ديال الضحك على التعبير دالياس الرمانسي ) هههههههه ايييه يا الياس فين كان مخبي هادشي
صفاء : الياس هادي مالها كضحك واش عجبها الحال يكما حتا هي كتبادلك نفس المشاعر
الياس : ششت والله ماعرفت تخبااي تخبااي
يسرى: ناري هادو فين مشااو
ناصر : غيكونو بغاو يهضرو على راحتهم
صفاء : والله مافهمت شي حاجه واش شتيها كي فرحات مكنتش كنتخيل ردة فعلها غاتكون هاكا ياكما كانت مخبعالك نفس المشاعر
الياس( فرحاان ) صفااء انا ممتيقيش واش بصح تكون كتبادلني نفس المشاعر ( غغغوت كاااانبغيييها بفرحتو ) كااانبغييييييك كااااانبغيييك
يسرى سمعات وكاطل من الشرجم هي وناصر وكاتشوفو كيقول كانبغيك وحداه صفاء كتنقز بالفرحه
يسرى : ناااري شوف شنو مخبعين عليا
ناصر : صاف ايسرى يمكن حشمو دابا ديري راسك معارفا والو وتصرفي عادي حتا يعاودلك انا ماشي شغلي ولاكن غي قلت رأيي
يسرى : اه عندك الحق زايدون ماتقولش هاكاك راحنا ولينا اصدقاء ولا لا مهم رجع رجع لطابله هاهوما جايين
رجعو لطابلة ورسمو تعابير البراءة على وجهم وبحالا ماعرفين والو
صفاء : حاهنا جينا الياس عيطلو صاحبو وتلهينا بالهدرة .
يسرى غير كاتشوف فيهم وفناصر وكضحك : لا خودو راحتكم .
الياس غي ساكت وحشمان
ناصر : احم احم مهم تعطلت غادي نمشي خليتلكم الراحه سي الياس لاله صفاء تشرفت بمعرفتكم مرة اخرى . يسرى شكرا على هاد الليله الجميلة مرة اخرى نعاودوها وغمز ليها ... ناصر كان شاب زويين و ملفت الانظار طويل و سموريتو فاتحه عينيه عسليين و شعرو قوي بني كان عندو فورمه مخدومه هادشي لي خلا صفاء تعجب بيه بسهولة وبقات مراقباه حتا خرج وهي ترجع بعينيها لالياس و يسرى .. هاد الثلاثة طاييحين فواحد سوء التفاهم كبييير
صفاء : يسرى مالك كتشوفي فيا هاكا اجي اممم فين هيا.. بغييت نقوول شفت الكارسون عطاك شي حاجه فين هيا !
يسرى بدات تشوف فيها هي و الياس و ضحك : ياك الياس ماشي حشوما عليك تخبع عليا هادشي
(( الياس حتا هو شاب طويل 34 فعمرو مرح و فكاهي فنفس الوقت خجول شعرو زعر وعينيه خوضر زينو كاوري ))
الياس : ا ان اناا دابا هو ( بدا كيتوتر و يتلعثم فالهضرة )
صفاء : لا ايسرى غير هو الياس ... اوا هضر الياس كمل
الياس : اشغنقول كنضن فاهمة كلشي ياك
يسرى : ههههه مالكوم سرطتو لسانكم ناري مكانش حسابتني الياس حشومي هاكا فينها داك بلا بلا ديالك ههه مهم انا نخليكم تعطلت خاصني نمشي نرتاح هاد النهار مكانش ساهل بسلامة
الياس ( حمد الله ملي تفك من داك الموقف لي حشمو بزاف ) اه ا يسرى صاف غير سيري غدا نتلاقاو بسلامه
يسرى حنات راسها ليهوم وقالت غي بلحس
يسرى : انا راه فهمت كولشي وخا متأخر وراني فرحانة بزاف .. ومشات خلات الياس حمر بحال ماطيشة و صفاء غير حالا فومها
صفاء : ناااري واش هادي يسرى منين جاتها هاد المحنة كامله كانت متوقعة تقلب علينا القهوة بلي فيها
الياس : هههه متصوريش فرحتي انا اسعد واحد فالدنيا .. يالاه نمشيو رجعي حتا نتي تأخر الوقت
يسرى دخلت كدوش و كتفكر موقفها مع رضا و بدات تفكر دكرايتها معاه و هبطو دموعها لاكن دغيا مسحاتهوم و لامت راسها ملي رجعت تفكر فيه
- اااوف لاش رجعتي لحياتي علاش مبغاتش صورتك تبعد من قدام عينيا اااوف ... معمري نرجع ليييك بدات تفكر نهار لي خطبها و نهار لي جات عينيه فعينيها و الفرحة لي حسات بيها نهار ركبو الخواتم و هي كتنشف شعرها و كتسترجع كاع دوك الدكريات لي دوزو و كتبتسم حتا تدكرات نهار بداو المشاكل
رضا : يسرى اش هاد السروال مزيير بزاف
يسرى : اووف ارضا بدينا عاوتاني ياك انا مكندخلكش فحوايجك يالاه راه تطلنا وزايدون شعري راه مغطي وتاحاجا معريانا
- كيفاش كلشي مغطي مستحيل نخرجك معاي هاككا كاملا مقزبا فين هيا روجولتي
- وااا رضا شحال كتزيد فيه
بدات يسرى تفكر كاع دوك النزاعات لي دازو على الملابس و على الماكلة وحتا قنوات التلفاز مكانو كيتفهمو فحتا حاجه و هي ترجع بداكرتها لنهار لي تفارقو بيه
رضااا انا عييييت تققهرت عييت بصبر حياتي كاملة و انا كنقرا و دابا نكلس فدار
- يسرى ديري عقلك واش خليتك مخصوصا من شي حاجا ؟؟ واش مكنقومش بواجب ديالي ؟؟ طلبتي شي حاجه و منفدتهاش انا ملول رافضلك الخدمة
- صاف انا ماقداش نصبر عاد. اسيدي طليقني و خليني نرتااح طلللقني
- يسرى شفتك فكل خصام بيناتنا تجبدلي الطلاق راه كنحشم غي من الحاجة منا والله حتاا نن
- اش غديير ؟؟ ااه اش غديير طللقني هي طلللقني
- صبري تسالا نتي طاااالق طااالق خرجي محياتي خدمي و لا مووتي متستاهليش حبي ليك و لا احترامي .. مووتي كااع راك مزال مكنعرفوش بعضياتنا مزيان .
بدات يسرى كتفكر و كتبكي خصوصا فاش مالقاتش دارليها شي حاجا قبيحة او قلل من احترامها مغير انو كان رافضلها الخدمه
يسرى بدات دابز مع دكرايتها باش تلقا شي حاجه خايبة و تكرهو و يمشي من داكرتها و لاكن لا ملقات والو و بدات تقول :كيفاش انا بديت نفكر هاكا علاش شحال هادي كنت كنقول غي كنكرهو .. علاش كنكرهو .. نكون زعما تهورت .. لا لا ايسرى فيقي هادا هو القرار الصحييح اااوف نوض نشرب كينه نعاس ونعس و الا راسي غينفجر .
نرجعو عند رضا .. رضا حتا هو راجل زوين بزاااف متوسط الطول بيض و حرفو كوحل عندو الليحيه كحلة خفيفة و شعر قوي منفوخ كحححل عينيه بحال مكحلين مقادين كوحل كيلبس زويين بحكم خدمتو لي خاصو يبان ديما انيق حساس بزاف و طبعو مغياار و قااسح و لاكن قلبو رهيييف ودغيا كيتأثر بمعنى اخر من اللداخل حنين و من بارا قاسح .. اما يسرى شافت غي الجانب القاسح و موصلاتش لدرجه تتعمقلو لداخل و تفهم انها خاصها فقط ديرلو الخاطر و السياسة غيعطيها عينيه لاكنها هي عنييييدة و عصبية و خا هاكداك حتا هي حنينة و مرحة
فهاد الوقيتة رضا كان فالجردة دواليديه كيشوف فنجوم وحتا هو سهاا بافكارو ف اللحضة لي تلاقا فيها يسرى و ديك الصدمه لترسمات على وجهها .. تخيلها بكل تفاصيلها بحال لا بغا يطيح فشباك جمالها مرة اخرى .. صوت .. سي رضا الحاج و الاله كيتسناوك فصالون باش تعشاو
- واخا انا جاي
مشا عند ماه و باه طبعهوم حنان بزاف و كيبغيو بعضياتهم عندهم ولد واحد لي هو رضا باه جدي بزاف و معقول و ماه حنينة وغي كاتبكي كيعاملو ولدهم كي الصحاب
- السلام وعليكم
- وعليكم السلام اولدي كلس ها ماك جايا كيداير مع الخدمه كلشي مزيان
- مزيان حمد الله
- ديك المشروع فين وصل
- غادي مزيان حمد غدا غادي نسافر ل افران نوقف بيدي على الخدمه
-اه مزيان هاكاك اوا الله يعاونك اولدي انا سيمانة جايه غنرجع لميركان على قبل العمارة لي كتصلح مسكين سي كريم واقف على كولشي بوحدو
- انشاءالله متعييش راسك الواليد راك مريض و سي كريم تاهو ردو البال لريوسكوم
فاطمه : ولدي لغزال نوض نتعشاو ها نعيمة جايبة العشا ززيد أ الحاج
كلسو يتعشاو بصمت شوية الحاج يقطع الصمت: رضا ولدي كنت كنهدر انا و ماك فواحد الموضوع و مكرهناش نشوفو رأيك و ناقشوه
فاطمه : الحااج خلي الولد ياكول بعدا
رضا : اشمن موضوع الواليد الله يسمعنا خير
فاطمه : هو اولدي انا وباك جبدنا بنت سي كريم سلات قرايتها و البارح تلاقيتها هي و ماماها فلاصال كبرااات اولدي ولات غزااله تبارك الله وزعمااا قلناا
الحاج : قلنا علاش متشوفهاش اولدي راها مناسبة ليك قارية و زوينة و مأدبة
رضا ( سرح بأفكارو و تفكر كل تفاصيل يسرى خلال ثانية و قال هادي هي الفرصه باش نخرجها من قلبي و عقلي ) معرفت منقول ليكم لي درتوها انا معاكم فيها ( شد فيديهوم ) انا همي الوحيد رضاكم عليا
فاطمه : الله يرضي عليك اولدي و يجيبلك لي فيه الخير
الحاج : حنا بغينالك اولدي غي الخير الزواج اللول مكانش مكتاب و نشاءالله هاد البنت تعوضك على كل ماداز عليك
رضا : انشاءالله ا با الحاج الموهيم انا غانمشي لدار نعس غدا خاصني نوض بكري نمشي ل الوكالة و عاد كيتسناني السفر يمكن غندوز شي جوج سيمانات على مانساليو خدمة المشروع داكشي علاش دوزت نطمن عليكم و نمشي مرتاح
فاطمه : الله يوفقك اولدي كون غي بقيتي تبات معانا و الله بيك ماسخيين
الحاج : لا افاطمه بلا متشديه راه مامشا الا وعندو الشغل سير اوليدي الله يرضي عليك
رضا ( باس يديهوم ) برضاكم انا عايش ومشا
صبح صباح جديد فحياة الابطال ديالنا ناضت يسرى فطرت و جدت راسها لبسات سروال سليم و تفكرات نهار دابز معاها رضا وهيا تحيدو ومعرفاتش علاش و لاكن بدلاتو لبست سروال كحل واسع و قاميجه غوز و كويستيم و فولار وهزت مونطوها فيدها كان البرد دارت نضاضرها ومشات.
وصلات هي اللوله قبل من الياس و صفاء مشات ديريكت لمكتبها حتا لقات سارة وقفا
سارة : يسعد الصباح
يسرى: صباح الخير الياس و صفاء مزال مجاو
سارة : لا مزال المدير كيتسنلك قالي غي تجي سيفطيهالي
يسرى دخلات المكتب لقات المدير ديالها كايعينها بتوتر كبير
- موسيو ممكن ندخل
- اه ايسرى دخلي
- ياك لاباس امسيو براده
- يسرى سمغيني مزيان الشركاء الجداد و مول الارض مزروبين بزاف باغين امتا يسالي درس المشروع و يبداو البني داكشي علاش هضر معايا البارح سي رضا و تافقنا باش اليوم نبداو فيه هو بغا يوقف على شغلو بيديه داكشي علاش قتارحت عليه يمشي مع لي غانسيفط انا من الشركه
- اهاه علاش التأخير ( مع راسها. نيت باش منبقاش نشوف كمارتو )
- و فكرت حتا عيت و مالقيت ماحسن منك نتي لي تمشي ل موقع الارض نتي هنا لي كنعول عليك و باش الترقيه دشهر جاي نكون متيقن مزيااان من مهاراتك و تكوني كتستاهليها
- انا !!! سي برادة لا انا غي عفيني متأسفة ميمكليش نمشي
- انسة يسرى واقلا نسيتي راسك راه انا آمرتك مشي شاورتك نتي غتمشي هي نتي غاتمشي .. الى كولشي داز كيف بغينا غادي نعترف بالكفاءة ديالك قدام كاع الشركاء و الموضفين اما الى وقع شي مشكل فداك الترقية
فداك الترقية غير نسايها
- ولاكن
- مكين ما ولاكن وجدي شوانطك عندك رحلة جوج اسابيع مع سي رضا لافران منهنا ساعتين نسيفطليك سيارة العمل لغتوصك
- ( تنهدات بحالا غاتمشي لشي حرب ) واخاا امسيو برادة وخرجات وهي كلها غضب هلى هاد الرحلة حتا تلاقت بالياس جاي
- صباح الخير يسرى
- خليني عليك عافاك
- مالك تاني ياك لاباس
- ديك الشارف بغاني نمشي و انا وسيادة رضا البناني الافران
- اش كتقولي
- ونزيدك رحلة د جووووج اسابيع كلا نهار نصبح على كمارتو اووف
- واش ميمكنش تعوضك صفاء تمشي فبلاصتك
- لا ميمكنش المدير الح عليا ( بدات تشوف فيه ) اجي ونتا جاتك عادي تمشي صفاء هي وراجل غرييب بووحدهووم ...
- هاء اوا الخدمة ونا مالي ههه
-اممم مزال مقصح راسك
-علايش كتهدري
- علا .. ( صونا تيليفونها كانت صفاء) الوو حبيبتي
-ختي يسرى يرحمك باك هضري مع المدير شاربني البرد ماقديتش نتكعد من بلاصتي
- اه ياختي ميكون عندك باس احبيبتي واخا الله يشافيك ( قطعت)الياس انا ماشية لدار نجمع حوايجي هضر نتا مع المدير قليه صفاء مريضه
- مرييضة ؟؟ باش ياك لاباس
- لا متخلعش هههه غي داربها البرد وراك عارف صفاء نصها تبوحيط يالاه انا مشيت بسلامه
مشيت جمعت حوايجي وكاع اش غنحتاج فهاد السفر وحتا دوا الطنسيون حيت باانليا هاد السفر مغيدوزش على خير ولابد مغيهودلي الطنسيون ولا نطلعليه السكر .. مهيم جمعت حوايجي ودرت مكياج خفيف شتوي هزيت فاليز ديالي وهبطت لباب نتسنا السيارة
نرجعو لرضا
رضا لبس واحد السروال جين مغلوق و بودي بين عضلاتو ومونطو قصير كاشمير كحل مع هو موفرمي كاع لي لبسها كتواتيه ركب فطوموبيلتو وشد الطريق لاوطيل ديال الشركة لحجز ليهوم فيه برادة وكدالك يسرى حتا هي مشات وصلو مع 10 دليل وكان تلج كيطيح والموت دالبرد حيت لوطيل جا فواحد الجبل عاالي على حساب الارض قريبة منو . يسرى يالاه وصلات معطلة بشي نص ساعه غير هبطات وهي تشوف سيارة درضا عرفاتو نازل فنفس لوطيل ولاكن متسوقاتش
- يسرى : بونصواغ ختي عافاك الغرفة لي محجوزة بسمية يسرى مستور
- اه نتي من الطرف الشركة ؟
- وي السوارت عافاك
تفضلي .. طلعات حلات الغرفة وحطات حوايجها و بحكم العيا تلاحت فوق الناموسية علا ضهرها ورجليها فلارض وغمضات عينيها وبدات تفكر نهار جات هي ورضا لافران لقات راسها توحشاتو بزااف وتمنات كوكان حداها بدات تفتح عينيها وهو يبانلها خارج من الدوش نصو عريان ملوي عليه غي الفوطا
-( سدات على عينيها ) نتا اش كدير فالغرفة ديالي
- نتي لي اش كديري انا هنا قبلك هادي هي الغرفة لي حجز لي سي برادة
- ميمكنش راه غرفة دبالي هادي
- صاف فتحي عنيك لبست حوايجي
- غادي تخرج وداااابااا
-كيفاش نخرج وزوينا هادي
-واش مسطي باغينا نبقاو فغرفة وحدا
- ونا شادك سيري لوطيل عامر غرف
- اشمن غرف سييير نتا
-( قرب لوجها وطرطق فيها عينيه ) اشكون دخل لول
- ( دوخهاا بجامالو . كتسرط ريقها ) ن ن نن نتا
-اوا هي لا خرجتي تقلبي فين تباتي
-( بقات جامدة بحالا دايرلها تنويم ) واخا
هزات فالزتها وهبطات لاستقبال
-ختي ممكن غرفة اخرى
-دقيقة عافاك ... كنتأسف الغرف كولهوم عامرين ولوخرين محجوزين مكاين حتا غرفة اخرى
- لا ميمكنش ضروري متكون شي وحدة والا فين غانبات انا
- انا خدمتي هي نعطي المفاتح معنديش خيار اخور ليك
مشيت كليت فريسطورا ديال الفندق كان الموووت دالبرد وانا عيانة خاصني غي نحط راسي حتا داني نعاس فوق الطبلة
- لالة لالة نووضي
- نعام اش كاين
- لالة راه ميمكنش تباتي هنا
-ااااوف
هزات فاليزتها ومبقاش عندها خيار اخور مغير ترجع الغرفة ديال رضا
- شكككون
- انا يسرى
- نتي مالك واش منعسوش
- وباااز ليك نتا نعس ونا نتجمد برا حيد حيد من قدامي
- اجي نتي فين داخلا
-هاد الغرفة محجوزة بسميتنا بجوج وغانباتو فيها بجوج بغيتي مرحبا مبغيتيش نعس برا
- اوا الالة هاد الفندق مافيه غير هاد الغرفة
- بحال داكشي كولشي عامر .. اليل هادا و مكاين لي وصلني لمدينة دابا غنعس وغدا يحن الله
-لا ميمكنش حيدي هاديك بلاصتي
-وانا مالي هادا نصي لي محجوز ليا ونصك راه نعس فوقو ولا فلارض مكيهمنيش
- موووشكيييلة هادي
هز وسادتو و فرش فلارض ونعس انا بقيت كنتقلب و تقووول نعاس واش بغا يجيني شوية فتحت الباب دالبالكون نشوف المنضر ديال ضواو ديال المدينة كيبانو بعادين حتا كنسمع الغوات ومعرفت باش تبليت
- بلعيييييي واش حماقتي الحمار هادا لي ناعس شوفي تلج تالفين دخل
- هييه هيييه باشمن حق كتغوت عليا قنطت وبغيت نشم الهوا
- ( غوت عليا حتا تزعزعت) شوفي بلاما تجهليني بغيتي الهوا خرجي لعندو.. بغيتي تنعسي تككمشي .. اما باش تفتحي عليا الباب ونا ناعس لاااااا
- ( صمكني و خوفني بقيت غي كنفيفري لا اراديا بلعت الباب و تكمشت فبلاصتي ودرت الوسادة على راسي وصقرت حتا كيفقني صوت ديالو كيقرا القرأن فالصلاة حيت كان الفجر بقيييت كنسمعلو وتفكر نهار كنا نوضو بجوج لصلاه
رضا: حبيبتي يسريتا نوضي الفجر مابقالو والو
يسرى : لا عافاك حتا لصباح
رضا : لا غتنوضي و دابا واش تبغي نمشي لجنة بوحدي خاصني تكوني معايا حتا تما
يسرى : واخا احبيبي هانا نايضة
بقاو دموعي ينزلو ماحسيتش براسي حتا سمعتو
رضا : ونتي ماغاديش تصلي صافي هملتي صلاتك
- الصمت
- راني عارفك فايقا نوضي تصلي
- انا مهملتش صلاتي
- هيا لانوضتي تصلي
- ( انا تزنكت حيت راني .. ) دابا نصلي
- هيا دابا
- صافي نتا ماشي شغلك فيا ندير لبغيت
- النهي عن المنكر واجب
- وحتا انا عندي عدر ومنقدش نصلي
- الصمت
رجع نعس ونا بقيت فايقة حتا طلع الصباح شوية هو يصونيلي تيليفون . الو
- انسة يسرى
- وي شكون معايا
- انا لي مكلف بالسفر ديالكوم الاله كنصوني على سي رضا مكيجاوبش
- راه ناعس امكن محيدليه صوت
-انسة الفطور غايكون واجد فريستورا منهنا ساعتين غيكون طاشرون كيتسناكوم ف الموقع
-واخا شكرا
شفت الساعه لقيتها السبعة ونص نوضت غسلت وجهي دخلت حوايجي الحمام لبست عليا سروال و مونطو وليبوط ودرت فولار ديالي و مكياج خفيف وخرجت لقيتو باقي ناعس جمعت فراشي وبغيت نتسناه يفيق والو دارت التمنية والو عيت نتسناه باقي نعاسو تقيل فصباح بقييت نشوف فيه وهو كيف شي ملاك صغيور ناعس ونا نتفكر فاش كنت نوضو الخدمة
- رضا حبيبي نووض
- اخليني
- نوووض ولا نخوي عليك شي سطل دلما
- وصافي خليني ( كان كيجرني ويردني نعس حداه )
- نوض راها العشرة
- اشنو العشرة ؟؟ حوايجي دغيا فطوري ..
- ههههههه بسم الله عليك
- حرام عليك راها عاد السبعة
- اوا كون مادرتش هاكا متفيقش
- واخا فيك والله متبقا فيك
شويا ناض رضا ولقاني كنشوف فيه ونضحك
- اااييه سبحان الله
- هاء سمحلي سهيت نوض غادي نتعطلو
- علاش كتشوفي فيا وضحكي
- والو غي تفكرت شي حاجة يالاه نوض انا سابقاك لتحت
هزيت صاكي و وراقي وهودت لريسطورا جابولي فطور من داااااكشي بديت نفطر حتا كيبانلي جاي ناااري شحال كيبان زوين وشحال كيجيو معاه المونطويات كان جاي وكيهضر فتيليفون ونا حالا فيه فومي صراحة واخا مقلقا منو ولاكن منكرش انو كيسطيني ولاكن دابا فات الفووت .. شوية كيكلس فواحد الطبلة هاء وياك جابولنا فطور ديال جوج دناس هادا مالو معرفتش علاش عجبني يفطر حدايا شويا كنلقا الكارسون جايبو لعندي
- هاهي الطبلة المحجوزة اسدي
- لا اخويا معليش نكلس لهيه
- هادي اوامر اسيدي انا غي كنفد
- انا : صاف غي كلس انا كملت فطوري راني نايضة
- كلسي تانمشيو بجوج راك معارفاش فين جات الارض
- صاف غنتسناك برا
- قتليك كلسي البرد عليك
معرفتش علاش تبورش لحمي و عجبني الحال ملي فكر فيا كلست وبديت نشوف لبرا ومرة مرة نشوف فيه لقاه كيشوف ونحدرو عنينا
- يالاه نمشيو
مشينا شويا لقا طوموبيل لي جيت فيها كاع مكينا اوااه فاش غنمشي دابا
- ركبي
- لا شكرا دابا تجي طوموبيل
- اينا طوموبيل شيفور دالمدير ديالك ؟
- اه
- راه رجع فحالو ركبي يالاه راحنا معطلين
- كيفاش ؟ لا صاف شكرا غنشوف تاكسي
- ( قرب لعندي و شير بيدو على المنطقه لي دايرا بينا غير الجبال و كلشي بيض بالتلج انا غي قرب لعندي شعري وقف ) شوفي التاكسيات كي مستفين كيتسناوك اوااااه راه حتا طرامواي جاي .. شوية وهو يركب و قاليا تركبي مرحبا مبغيتيش شغلك هاداك
- ( شفت ختا عيت لقيت معنديش بديل وركبت )
- يسرى سمعيني مزيان قبل منزيدو حنا هنا على قبل الخدمة انا باغي مشروع فوق ارضي ونتي كمهندسة غادي تصمميه ليا لا اقل و لا اكثر و نساي الى انا كنت راجلك و نساي الى كنا بجوج وديك الكرامة دوالو معندي مندير بيها انا بغيت نتيجة ممتازة لدار العجزه و المسنين و نتي معليك غير ديري خدمتك وحسبيني بحال اي زبون واش مفاهمين ولا نقولها بشي لغة اخرى
- ( كيفاش غنسى ونا غي كانشوفك كنبدا نقفف و كانسرط لساني كيفاش غنتصرف عادي ولاكن هاد الهضرة فيقاتني عندو الحق منبينلوش راني ضعيفة قدامو يسرى قوييية ) حتانا نيت هادشي لي باغا صاف اموسيو رضا كون هاني نشاءالله غنكملو هاد الخدمة على اكمل وجه
كملنا الطريق هو كيسوق ساكت ونا كنتمنضر فالطبيعة شوية وقف حدا واحد الحانوت ونا نتفكر نهار وقفنا هنا
رضا : حبيبة هاكي
يسرى : انا قلت كلوريكس ماشي هادي
رضا : وراه معندوش منين بغيتيني نجيبها
يسرى : مااشي شغلي بغيت كلوركس هي كلوركس .
شوية هو يدخل كيشرب الما .
- هاكي تشربي
- لا شكرا
وصلنا الارض كانت جات فواحد الوطييه على الطريق فالدخلة ديال المدينة ارض كبيرة انا كان عاودلي عليها لاكن عمرو جابني ليها.. لقينا طاشرون كيتسنا نرسمو البلان درت طربوشا الخاصة بالخدمة ودخلت جبدت بيسي ديالي وبديت نوري لطاشرون المشروع و نفسرلو اما سي رضا فهو غي كالس و كايشوف فيا كنشرح لسيد ومع انا ضحوكيا شوية كنهضرو ونضحكو شوية قاطعنا
رضا : انسة يسرى كنضن السيد راه فهم
يسرى : هاد خدمتي وانا عارفا اش كندير
رضا : اوا هي لدرتي خدمتك على اساس مهندسة ماشي بهلوانة الوقت كامل ونتي هيهيهيهي
لا يوجد تعليقات
أضف تعليق