قصة مضحكة النمس

الجزء الاول:

النمس ﻧﻬﺎﺭ ﺗﺰﺍﺩ، ﺩﺭﺑﺎﺕ ﻋﺎﺻﻔﺔ ﻓﻲ ﺳﻴﺮﻳﻼﻧﻜﺎ، ﻭ ﺑﺎﻩ ﺩﻳﻚ ﺍﻟﻌﺸﻴﺔ، ﺯﻟﻖ ﻓﻲ

ﺍﻟﺤﻤﺎﻡ، ﻭ ﺭﺍﺳﻮ ﺍﺩﺧﻞ ﻓﻲ ﻛﺮﺵ ﻭﺍﺣﺪ،

ﺍﻟﺰﺭﻭﺭﺓ ﻛﺎﻧﻮ ﻧﺎﻗﺼﻴﻦ، ﺍﻟﻘﺎﺑﻠﺔ ﺍﻟﻠﻲ ﺧﺮﺟﺎﺗﻮ، ﺑﺎﻥ ﻟﻴﻬﺎ ﻣﻐﻮﺑﺶ، ﺻﺮﻓﻘﺎﺗﻮ

ﻋﺎﺩﺍ ﺑﻜﺎ.

ﺍﻟﻠﻴﻠﺔ ﺍﻟﻠﻲ ﻋﺮﺿﻮ ﻋﻠﻰ ﺍﻟﻨﺎﺱ ﻭﺩﺍﺭﻭ ﺍﻟﻌﺸﺎ، ﺍﺧﺼﺮ ﺍﻟﻤﻨﺘﺨﺐ ﻣﻊ ﺟﻤﻬﻮﺭﻳﺔ

ﺍﻟﻜﺰﻧﻐﻮ ﺏ 3 ﻟﺼﻔﺮ .

ﺍﺣﺘﺎﺭﻭ ﻓﻲ ﺍﻟﺴﻤﻴﺔ، ﺷﻲ ﺑﻐﺎ ﻳﺴﻤﻴﻪ ﺍﻟﺘﻴﺒﺎﺭﻱ، ﻭ ﺟﺪﺍﻩ ﻋﻨﺪﻫﺎ ﻏﺎ ﻧﺎﺏ،

ﺑﻐﺎﺕ ﺗﺴﻤﻴﻪ ﺑﻮﻋﺰﺓ، ﻋﻠﻰ ﺳﻤﻴﺖ ﺍﻟﻤﺮﺣﻮﻡ ﺭﺍﺟﻠﻬﺎ ﺍﻟﻠﻲ ﻣﺎﺕ ﻍ ﺑﺎﻟﻐﺪﺍﻳﺪ.

ﻣﻮ ﺑﻐﺎﺕ ﺗﺴﻤﻴﻪ ﺍﺣﻤﺪ، ﻋﻠﻰ ﺳﻤﻴﺖ ﺧﻮﻫﺎ ﺍﻟﻠﻲ ﻣﺎﺕ ﻓﻲ ﺍﻟﻼﻧﺪﻭﺷﻴﻦ،

ﻓﻲ ﺍﻷﺧﻴﺮ ﺳﻤﺎﻭﻩ ﻓﺘﺎﺡ، ﻭﻟﻜﻦ ﻣﻦ ﺑﻌﺪ ﻣﺎ ﺳﺮﻓﻖ ﺑﺎﻩ ﻣﻮ ﺣﻴﺖ ﻫﺰﺍﺕ

ﺍﺩﻳﻬﺎ ﻋﻠﻴﻪ، ﻭ ﺍﻟﻄﺒﺴﻴﻞ ﺍﺩﻳﺎﻝ ﺍﻟﺮﻓﻴﺴﺔ ﺗﻘﻠﺐ، ﻭ ﻛﻼﻭﻩ ﺍﻟﻤﺸﺎﺵ .

ﻛﺒﺮ ﻓﺘﺎﺡ، ﻭ ﺑﺎﻥ ﺃﻧﻮ ﻣﺨﺘﻠﻒ ﻋﻠﻰ ﺍﻵﺧﺮﻳﻦ، ﻛﺎﻥ ﺭﺍﺳﻮ ﺻﻐﻴﺮ، ﻭ ﻣﻜﺮﻛﺐ،

ﻓﺤﺎﻝ ﺍﻟﻤﺴﻦ،

ﻓﻲ ﺍﻟﻤﺪﺭﺳﺔ ﺳﻤﺎﻭ ﻋﻠﻴﻪ ﺍﻟﻨﻤﺲ،

ﺍﻧﻬﺎﺭ ﺍﻟﺘﺤﻤﺎﻝ، ﻛﺎﻥ ﻛﻴﺒﺮﻙ ﺣﺪﻯ ﺍﻟﺒﺎﺏ، ﺑﺎﺵ ﺇﻟﻰ ﻟﺤﻘﺎﺕ ﻧﻮﺑﺘﻮ ﻓﻲ

ﺍﻟﺘﺤﻤﺎﻝ، ﻳﺤﻞ ﺍﻟﺒﺎﺏ ﻭ ﻳﻬﺮﺏ، ﻭ ﻛﺘﺮﺟﻌﻮ ﻣﻮ ﻣﻦ ﺑﻌﺪ ﺃﺷﻬﺮ،

ﻛﺎﻥ ﻛﻴﺒﻮﻝ ﻓﻲ ﺍﻟﻔﺮﺍﺵ ﻭ ﻫﻮ ﻋﻨﺪﻭ 12 ﺳﻨﺔ، ﻛﺎﻧﻮ ﻛﻴﻔﺮﺷﻮ ﻟﻴﻪ ﻛﺮﻃﻮﻧﺔ

ﻓﻲ ﺍﻟﺴﺪﺍﺭﻱ، ﻭ ﻣﻦ ﺑﻌﺪ ﻭﻟﻰ ﻛﻴﻨﻌﺲ ﻓﻲ ﺍﻟﻜﻮﺯﻳﻨﺔ،

ﻭﺍﺣﺪ ﺍﻟﻨﻬﺎﺭ ﻓﺎﻕ ﺑﺎﻩ ﻋﻠﻰ ﻏﻔﻠﺔ ﻓﻲ ﺍﻟﻠﻴﻞ، ﻟﻘﺎﻩ ﺧﺎﺷﻰ ﺭﺍﺳﻮ ﻓﻲ

ﺍﻟﺜﻼﺟﺔ، ﻛﻴﺎﻛﻞ ﻓﻲ ﺍﻟﺨﺮﺷﻒ ﺃﺧﻀﺮ ﻣﻊ 4 ﺍﺩﻳﺎﻝ ﺍﻟﺼﺒﺎﺡ .

ﻧﻬﺎﺭ ﺷﺪﻭ ﺍﻟﻤﻌﻠﻢ، ﺑﺎﺵ ﻳﺤﻤﻠﻮ، ﻛﺎﻧﻮ ﺷﺎﺩﻳﻨﻮ 4 ﺍﺩﻳﺎﻝ ﺍﻟﺪﺭﺍﺭﻱ، ﻛﺎﻥ ﻻﺑﺲ

3 ﺳﺮﺍﻭﻝ ﻭ ﻛﻲ ﻏﻮﺕ ﺑﻠﻌﺎﻧﻲ، ﺣﻴﺖ ﻛﺎﻥ ﻣﻌﻮﻝ ﺍﺗﺤﻤﻞ ﺩﻳﻚ ﺍﻟﺼﺒﺎﺡ .

ﺍﻟﻤﻌﻠﻢ ﻛﺎﻥ ﺩﻳﻤﺎ ﻛﻴﺘﺸﻜﺎ ﻣﻦ ﺭﻳﺤﺔ ﺍﻟﺨﻨﺰ ﻓﻲ ﺍﻟﻘﺼﻢ، ﻛﺎﻥ ﻛﻴﺒﺮﻙ ﺍﻟﻠﻮﺭ، ﻭ

ﻛﻴﻌﻄﻴﻬﺎ ﻟﻠﺤﺰﺍﻕ، ﻣﺎﻋﺎﻗﺶ ﺑﻴﻪ ﺍﻷﺳﺘﺎﺫ، ﺣﺘﻰ ﺑﺮﻛﻮ ﺑﻴﻪ ﺍﻟﺪﺭﺍﺭﻱ ﺍﺩﻳﺎﻝ

ﺍﻟﻘﺼﻢ،

ﻧﺎﺿﺖ ﻓﻴﻪ ﺍﻟﺠﺮﺑﺔ ﺷﻲ ﻳﻤﺎﺕ، ﺍﻷﺳﺘﺎﺫ ﺩﻳﻚ ﺍﻟﻴﻤﺎﺕ ﺧﺪﻯ ﻛﻮﻧﺠﻲ، ﺣﻴﺖ

ﺍﻟﻘﺼﻢ ﻛﺎﻣﻞ ﺗﻌﺎﺩﺍ .

ﻭﺍﺣﺪ ﺍﻟﻨﻬﺎﺭ، ﻫﺰ ﺍﻟﺼﻮﺭﺓ ﺍﺩﻳﺎﻝ ﺟﺪﻭ، ﺍﻟﻠﻲ ﻛﺎﻧﺖ ﻓﻲ ﺍﻟﺼﺎﻟﻮﻥ، ﻭ ﺩﺍﻫﺎ

ﺑﺎﻋﻬﺎ ﻟﻤﺤﻤﺎﺩ ﻣﻮﻝ ﺍﻟﺤﻨﻮﺕ، ﺏ 20 ﺩﺭﻫﻢ، ﻗﺎﻝ ﻟﻴﻪ ﺭﺍﻫﺎ ﺻﻮﺭﺓ ﻋﻤﺮ

ﺍﻟﻤﺨﺘﺎﺭ.

ﻓﻲ ﺍﻟﺼﻴﻒ، ﺩﺍﻩ ﺑﺎﻩ ﻳﺘﻌﻠﻢ ﺣﺮﻓﺔ ﻋﻨﺪ ﺍﻟﻨﺠﺎﺭ، ﻛﺎﻥ ﻛﻴﺨﻠﻲ ﺍﻟﺨﺪﻣﺔ، ﻭ ﻛﻲ

ﻣﺸﻲ ﻣﻊ ﺍﻟﺒﺮﺍﻫﺶ ﻳﺼﻴﺪﻭ ﺍﻟﻌﻘﺎﺭﺏ ﻣﻦ ﺗﺤﺖ ﺍﻟﺼﺨﺮ، ﻭ ﻳﺒﻴﻌﻮﻩ ﻟﻠﻌﺸﺎﺏ

ﻓﻲ ﺍﻟﺴﻮﻕ،

ﻓﻲ ﺍﻟﻠﻴﻞ ﻛﺎﻥ ﻫﻮ ﻭ ﻭﻻﺩ ﺍﻟﺪﺭﺏ، ﻛﻴﺒﺮﻛﻮ ﺣﺎﺿﻴﻴﻦ ﺍﻟﺴﻜﻴﺮﻳﺔ ﻓﻲ ﺍﻟﻠﻴﻞ

ﻓﻲ ﺍﻟﺠﺮﺩﺓ، ﻛﻴﺘﺴﻨﺎﻭﻫﻢ ﺣﺘﻰ ﻳﺴﺎﻟﻴﻮ ﻣﻦ ﺍﻟﻘﺮﺍﻋﻲ، ﻭ ﻳﺠﻤﻌﻮﻫﻢ، ﺑﺎﺵ

ﻓﻲ ﺍﻟﺼﺒﺎﺡ، ﻳﻤﺸﻴﻮ ﻳﺒﻴﻌﻮﻫﻢ ﺏ 2 ﺩﺭﺍﻫﻢ ﻟﻠﻘﺮﻋﺔ.

ﻛﺎﻥ ﻛﻴﻤﻴﺰﻱ ﺑﺎﻟﺴﻠﻚ ﻓﻲ ﺍﻟﻔﻴﺪﻳﻮ، ﻭ ﻛﻴﺒﻴﻊ ﻟﻠﺪﺭﺍﺭﻱ .

ﺑﺎﻩ ﻛﺎﻥ ﻣﻬﻠﻲ ﻓﻴﻪ ﻣﺰﻳﺎﻥ ﺑﺎﻟﻌﺼﺎ، ﻛﺎﻥ ﺩﺍﻳﺮ ﻟﻴﻪ 2 ﺷﻤﺎﻻﺕ ﻋﺎﻟﺼﺒﺎﺡ، ﻗﺒﻞ

ﺍﻟﻔﻄﻮﺭ .

ﻭﻟﻰ ﻛﻴﺒﻴﻊ ﻣﻴﻜﺔ ﻛﺤﻠﺔ ﻓﻲ ﺍﻟﺴﻮﻕ، ﻭﺍﺣﺪ ﻣﻮﻝ ﺍﻟﺰﻳﺘﻮﻥ ﻗﻬﺮﻭ، ﺩﻳﻤﺎ

ﻛﻴﻨﻘﺐ ﻟﻴﻪ ﻣﻦ ﺍﻟﺰﻳﺘﻮﻥ.

ﺑﺎﻉ ﺍﻟﺰﻣﻴﺘﺔ ﻓﻲ ﺍﻟﺪﺭﺏ، ﺩﺍﻭ ﺑﻨﺖ ﺻﻐﻴﺮﺓ ﻟﻠﺴﺒﻴﻄﺎﺭ ﻛﺎﻧﺖ ﻛﺘﺸﺮﻱ ﻣﻦ

ﻋﻨﺪﻭ.

ﻛﺎﻥ ﻛﻲ ﺷﺪ ﺍﻟﻤﺸﺎﺵ، ﻭ ﻛﻲ ﺭﺑﻂ ﻓﻲ ﺍﻟﺰﻧﻄﻴﻂ ﺍﺩﻳﺎﻟﻬﻢ ﺣﻚ ﺍﺩﻳﺎﻝ

ﺍﻟﺠﻠﻮﻕ، ﺍﻟﻤﺸﺔ ﻫﺮﺑﺎﻧﺔ ﻭ ﻣﺎﻋﺮﻓﺔ ﺑﺎﺵ ﻣﺒﻠﻴﺔ،

ﻓﻲ ﺍﻷﺧﻴﺮ ﻭﻟﻰ ﻛﻴﺘﻌﻠﻢ ﻋﻨﺪ ﻭﺍﺣﺪ ﺍﻟﻤﻌﻠﻢ ﻛﻴﺼﻠﺢ ﺍﻟﺜﻼﺟﺎﺕ، ﺑﺎﻟﺸﻮﻳﺔ

ﺑﺎﻟﺸﻮﻳﺔ ﺑﺪﺍ ﻳﺘﻌﻠﻢ ﺍﻟﺼﻨﻌﺔ، ﺍﻟﻤﻌﻠﻢ ﻛﺎﻥ ﻛﻴﺪﻭﺭ ﻣﻌﺎﻩ ﺏ 100 ﺩﺭﻫﻢ ﻓﻲ

ﺍﻟﺴﻴﻤﺎﻧﺔ، ﻛﺎﻥ ﻛﻴﻤﺸﻲ ﻳﺨﺴﺮﻫﺎ ﻓﻲ ﺍﻟﻔﻠﺒﻴﺮ، ﻭ ﺍﻟﻤﺴﻤﻦ، ﻭ ﻻ ﺷﺎﻃﺖ

ﺷﻲ ﺣﺎﺟﺔ ﻛﺎﻥ ﻛﻴﻤﺸﻲ ﻟﻠﺒﺎﺭﻙ .

ﺑﻘﺎ ﻛﺠﻴﺐ ﺍﻟﻤﺸﺎﻛﻞ ﻟﺒﺎﻩ، ﺣﺘﻰ ﺟﺎ ﺍﻟﻨﻬﺎﺭ ﺍﻟﻠﻲ ﺟﺎﻭ ﺍﺻﺤﺎﺏ ﺍﻟﻌﺴﻜﺮ ﺑﺎﺵ

ﻳﺪﻳﻮﻩ ﺣﻴﺖ ﻛﺎﻥ ﻣﻜﺘﻮﺏ ﻋﻨﺪﻭ ﺑﺪﻭﻥ ﻓﻲ ﻻﻛﺎﺭﺕ .

 الجزء التاني:

 ﻛﺎﻧﺖ ﻳﻤﺎﺕ ﺍﻻﻧﺘﺨﺎﺑﺎﺕ، ﺻﻮﺑﻮ ﻻﻛﺎﺭﺕ ﻟﻜﺤﻞ ﺍﻟﺮﺍﺱ ﻓﺎﺑﻮﺭ، ﻧﻬﺎﺭ ﺳﻼﺕ ﺍﻹﻧﺘﺨﺎﺑﺎﺕ، ﺟﺎﻭ ﺟﻤﻌﻮ ﺍﻟﺒﺸﺮ ﻟﻠﻌﺴﻜﺮ، ﻛﺎﻥ ﻫﻮ ﻡ ﺻﺎﻟﺢ ﻟﻮﺍﻟﻮ، ﺑﺎﻩ ﻣﺘﺒﻌﻮﺵ، ﻳﻌﻄﻲ ﻋﻠﻴﻪ ﺍﻟﺘﺪﻭﻳﺮﺓ ﺑﺎﺵ ﻳﻀﺮﺑﻮﺍ ﻋﻠﻴﻪ، ﻭﺍﺧﺎ ﻛﺎﻥ ﻫﻮ ﺍﻟﻜﺒﻴﺮ ﻓﻲ ﺍﻟﺪﺍﺭ، ﻛﺎﻥ ﺑﻐﻲ ﻳﺘﻬﻨﻰ ﻣﻨﻮ ﺑﺄﻱ ﻭﺳﻴﻠﺔ . ﻧﻬﺎﺭ ﺟﺎﻭ ﺍﻟﻌﺴﻜﺮ، ﻛﻠﺸﻲ ﺩﻭﺭ ﻓﻠﻮﺱ ﻭﺿﺮﺑﻮ ﻋﻠﻴﻬﻢ، ﻛﺎﻥ ﺧﺎﺻﻬﻢ ﺷﻲ ﻭﺍﺣﺪ ﻳﺪﻳﻮﻩ ﺑﺎﺵ ﻳﺒﺎﻧﻮ ﺧﺪﺍﻣﻴﻦ، ﺩﺍﺭ ﺭﺍﺳﻮ ﻋﻮﺭ ﻣﺎﻛﻴﺸﻮﻓﺶ، ﺩﺍﺭ ﺍﻟﻨﻀﺎﻇﺮ، ﻭ ﻟﻜﻦ ﻋﺎﻓﻮ ﺑﻴﻪ. ﺑﺎﻥ ﻟﻴﻬﻢ ﻓﺤﺎﻝ ﺍﻟﻤﺰﻋﺰﻉ، ﻣﺎﻟﻮ ﻛﻴﺤﻚ ؟؟ ﻭﺍﺵ ﻓﻴﻪ ﺍﻟﺠﺮﺑﺔ !! ﻋﻨﻴﻪ ﺧﺎﺭﺟﻴﻦ، ﺭﺍﺳﻮ ﺻﻐﻴﺮ !! ﻭﺍﺵ ﻧﺪﻳﻮ ﻫﺎﺩ ﺧﻴﻨﺔ ﻣﻌﺎﻧﺎ !! ﻏﺎﺩﻱ ﻳﻘﻮﻝ ﻟﻴﻨﺎ ﺍﻟﺸﺎﻑ ﺟﺎﻳﺐ ﻟﻴﻨﺎ ﻣﺰﻋﺰﻉ !! ﺍﻟﻤﻬﻢ ﺩﺍﻭﻩ، ﻭ ﺩﺍﺭﻫﻢ ﺳﻮﻟﻮ ﻋﻠﻴﻪ، ﻗﺎﻟﻮ ﻟﻴﻬﻢ، ﺳﻴﺮﻭ ﺭﺍﻩ ﺩﺍﺑﺎ ﻏﺎﺩﻱ ﻳﺪﻭﺯ ﺷﻲ ﺷﻬﻮﺭﺓ ﻣﻌﺎﻧﺎ، ﻭ ﻣﻦ ﺑﻌﺪ ﻏﺎﺩﻱ ﻳﺮﺟﻊ ﻟﻴﻜﻢ. ﻣﻮ ﻫﻲ ﺍﻟﻠﻲ ﺳﻮﻻﺕ ﻋﻠﻴﻪ، ﻭ ﻣﻦ ﺑﻌﺪ ﺍﻗﺘﻨﻌﻮ ﺑﺄﻥ ﺍﻟﻌﺴﻜﺮ ﻫﻮ ﺍﻟﻠﻲ ﻏﺎﺩﻭ ﻳﻘﺎﺩﻭ، ﻭ ﻳﺮﺟﻊ ﻣﻨﻮ ﺭﺍﺟﻞ. ﻓﻲ ﺍﻟﻘﺸﻠﺔ، ﻛﺎﻥ ﻫﻮ ﺍﻟﻠﻲ ﻛﻴﻌﺠﻦ ﺍﻟﺪﻗﻴﻖ ﺍﺩﻳﺎﻝ ﺍﻟﺨﺒﺰ، ﻭﺍﺣﺪ ﺍﻟﻨﻬﺎﺭ ﻟﻘﺎﻭ ﺳﻨﺪﺍﻟﺔ ﺍﺩﻳﺎﻝ ﺍﻟﻤﻴﻜﺔ ﻓﻲ ﺍﻟﻤﺮﻣﻴﻄﺔ ﺍﺩﻳﺎﻝ ﺍﻟﻌﺪﺱ، ﺣﺼﻠﻮﻩ ﻛﻴﺒﻮﻝ ﻓﻲ الكوزينة مافيه مايمشي لطواليط . ﺍﻟﺸﺎﻑ ﻋﻴﺎ ﻣﻴﺼﺮﻓﻖ، ﺩﻳﻤﺎ ﻛﺎﻥ ﻛﻴﻴﺎﻛﻞ ﺍﻟﺘﺒﺎﻭﻁ من عند الشاف ﻣﻊ 4 ﺍﺩﻳﺎﻝ ﺍﻟﺼﺒﺎﺡ كيصبح عليه بصطل دالماء، ﺩﻳﻤﺎ ﻛﺎﻥ ﻛﻲ ﻳﻔﻴﻖ ﻍ ﺑﺎﻟﻌﺼﺎ، ﺍﻟﻜﺮﺍﻓﻄﺔ ﻣﺎﻋﻤﺮﻭ ﺍﻋﺮﻑ ﻳﺮﻛﺒﻬﺎ، ﺍﻋﻄﺎﻭﻩ ﺍﻟﻌﺴﺔ ﻓﻲ ﺍﻟﻠﻴﻞ، ﻛﺎﻥ ﻛﻴﻨﻌﺲ، ﺩﻭﺯ ﺣﺒﺲ ﺍﻟﻘﺸﻠﺔ، ﺣﻴﺖ ﺣﺴﻠﻮﻩ ﻭﺍﺣﺪ ﺍﻟﻠﻴﻠﺔ ﻋﺎﻃﻴﻪ ﻟﻮﺍﺣﺪ ﺍﻟﺸﻴﺒﺎﻧﻴﺔ ﺍﺩﻳﺎﻝ ﺍﻟﻤﻴﻨﺎﺝ، ﻛﺎﻥ ﻫﻮ ﺍﻟﻠﻲ ﻣﻨﻮﺩ ﺍﻟﻌﺠﺎﺝ ﻓﻲ ﺍﻟﻘﺸﻠﺔ، ﻛﻴﻠﻮﻃﻮ ﻣﺒﺪﻟﻮﺵ ﺷﻬﺮﻳﻦ، ﺭﺍﺳﻮ ﺗﺸﻮﻁ ﺑﺎﻟﺸﻤﺲ، ﻛﺎﻧﻮ ﻋﺎﻃﻴﻨﻮ ﺷﻲ ﺣﺠﺮ ﻳﻘﻠﻌﻮ ﻣﻦ ﺍﻷﺭﺽ، ﺍﻗﺼﺎﺡ ﺑﺰﺍﻑ، ﻭ ﻭﻟﻰ ﻗﺒﻴﺢ، ﻭﺍﺣﺪ ﺍﻟﻨﻬﺎﺭ ﻋﺾ ﻭﺍﺣﺪ ﻣﻦ ﺻﺒﻌﻮ ﻋﻠﻰ ﻗﺒﻞ ﺩﺍﻧﻮﻥ، ﺳﻤﺎﻭ ﻋﻠﻴﻪ ﺍﻟﺮﻋﺪﺓ، ﻭﻟﻰ ﻛﻴﺨﻠﻊ، ﻧﻬﺎﺭ ﺻﺮﻓﻖ ﻭﺍﺣﺪ ﺍﻟﻌﺴﻜﺮﻱ، ﺍﺩﻳﻪ ﺑﻘﺎﻭ ﻣﻄﺮﺍﺳﻴﻴﻦ ﻓﻲ ﻭﺟﻬﻮ ﺳﻴﻤﺎﻧﺔ. ﻭﻗﻴﺪﻭ ﻟﻴﻪ ﺿﺮﺑﻮ ﺑﺎﻟﺴﻼﺡ ﺍﻷﺑﻴﺾ ﺍﻟﻴﺪﻭﻱ. ﻓﻲ ﺍﻟﻐﺪﺍ ﻛﺎﻧﻮ ﻛﻴﻌﻄﻴﻮﻩ ﺃﻛﺜﺮ ﻣﻦ ﺍﻷﺧﺮﻳﻦ . ﻫﻮ ﺍﻟﻠﻲ ﺟﻴﺮ ﺩﺍﺭ ﺍﻟﺸﺎﻑ، ﻛﺎﻥ ﻛﻴﺘﺴﺨﺮ ﻟﻴﻪ ﺩﻳﻤﺎ . ﻭﺍﺣﺪ ﺍﻟﻤﺮﺓ، ﻭﺻﺎﻩ ﺑﺎﺵ ﻳﺠﻴﺐ ﻟﻴﻪ ﻭﺍﺣﺪ ﺟﻮﺝ ﺍﻟﺪﺭﻳﺎﺕ ﻓﻲ ﺍﻟﻠﻴﻞ، ﻛﺎﻥ ﺧﺒﺎﻫﻢ ﻓﻲ ﺍﻟﺴﺘﻴﺮﻧﺔ ﺍﺩﻳﺎﻝ ﺍﻟﻤﺎﺀ ﺍﻟﺨﺎﻭﻳﺔ ﻭ ﺩﺧﻠﻬﻢ ﻟﻠﻘﺸﻠﺔ ﻓﻲ ﺍﻟﻠﻴﻞ . ﺍﻟﺸﺎﻑ ﻛﺎﻥ ﺳﻜﺮﺍﻥ، ﺍﻧﻌﺲ ﻭ ﺧﻼﻫﻢ ﻣﻌﺎﻩ، ﻓﻲ ﺍﻟﺼﺒﺎﺡ، ﺗﺤﻞ ﺍﻟﺒﺎﺏ ﺍﺩﻳﺎﻝ ﺍﻟﻘﺸﻠﺔ، ﻭﺣﺪﺓ ﻓﻴﻬﻢ ﺧﺮﺟﺖ ﻫﺮﺑﺎﻧﺔ، ﻗﺎﻟﺖ ﻟﻴﻬﻢ ﻣﺴﺎﺭﻧﻲ ﺣﺴﻴﺖ ﺑﻴﻬﻢ ﺗﺤﻮﻟﻮ ﻣﻦ ﺑﻼﺳﺘﻬﻢ، ﻛﺎﻥ ﺷﺪﻫﺎ ﺩﻳﻚ ﺍﻟﻠﻴﻠﺔ ﻣﺎﻃﻠﻘﻬﺎ ﺣﺘﻰ ﺍﻟﻔﺠﺮ عدبها مسخوط الواليدين، ﻗﺎﻟﺖ ﻟﺼﺎﺣﺒﺘﻬﺎ، ﺍﻟﻘﺸﻠﺔ ﻣﺴﻜﻮﻧﺔ، ﺷﺪﻧﻲ ﻋﻔﺮﻳﺖ،ﺳﻼ ﺍﻟﺴﻄﺎﺝ ﺍﺩﻳﺎﻝ ﺍﻟﻌﺴﻜﺮ، ﻓﻲ ﺍﻟﺮﺑﻮﺭ ﺍﺩﻳﺎﻝ ﺍﻟﻌﺴﻜﺮ، ﻗﺪﺭﻭ ﺍﻟﺨﺴﺎﺋﺮ ﺏ : -2 ﻋﺴﻜﺮﺭﻳﻦ ﻫﺮﺑﻮ ﻣﻦ ﺍﻟﻘﺸﻠﺔ، ﻭ ﺍﻟﻨﻤﺲ ﻫﻮ ﺍﻟﻠﻲ ﻫﺮﺑﻬﻢ. 3- ﺍﺩﻳﺎﻝ ﺍﻟﺘﺴﻤﻤﺎﺕ ﺧﻄﻴﺮﺓ. - ﺍﻟﺸﺎﺭﻓﺔ ﺍﻟﻠﻲ ﻛﺪﻳﺮ ﺍﻟﻤﻴﻨﺎﺝ، ﺃﻭﻝ ﻣﺮﺓ ﻃﺎﻟﺒﺎﺕ ﺑﺎﻟﻜﻮﻧﺠﻲ، ﺍﻟﻨﻤﺲ ﻫﻮ ﺍﻟﻠﻲ ﻋﻤﺮﻫﺎ . - ﺍﻟﺸﺎﻑ ﻣﺸﻰ ﻟﻴﻪ ﺳﺒﺎﻁ، ﺍﻟﻨﻤﺲ ﺍﻟﻠﻲ ﺷﻔﺮﻭ. - ﺍﻟﺴﺎﻃﺔ ﺍﻟﻠﻲ محن وعدب ديك الليلة ، ﺷﺎﻓﻮﻫﺎ ﺷﻲ ﻧﺎﺱ ﻛﺘﺼﻠﻲ ﺍﻟﻔﺠﺮ ﻓﻲ ﺍﻟﺠﺎﻣﻊ، ﻛﺎﻧﺖ ﺗﺎﺑﺖ، ﻭ ﻫﻮ ﺍﻟﺴﺒﺐ . - ﻛﺎﻉ ﺍﻟﻤﻼﻋﻖ ﺍﻟﻠﻲ ﻓﻲ ﺍﻟﻘﺸﻠﺔ ﻏﺒﺮﻭ، ﺍﻧﺘﻘﻢ ﻣﻨﻬﻢ، ﻭ ﺧﻼﻫﻢ ﻳﺎﻛﻠﻮ ﺩﺍﻧﻮﻥ ﺑﺎﻟﺼﺒﺎﻉ . - ﺑﻮﺷﺎ ﻟﻴﻬﻢ ﺍﻟﻘﺎﺩﻭﺱ ﺍﺩﻳﺎﻝ ﺍﻟﻜﻮﺯﻳﻨﺔ. - ﺍﻟﻤﺪﻳﺮ ﺍﺩﻳﺎﻝ ﺍﻟﻘﺸﻠﺔ، ﺑﺴﺒﺎﺑﻮ ﺣﻮﻟﻮﻩ ﻣﻦ ﺍﻟﻘﺸﻠﺔ، ﻭ ﺳﻴﻔﻄﻮﻩ ﻟﻠﺼﺤﺮﺍﺀ، ﻭ ﻓﻲ ﺍﻟﻄﺮﻳﻖ ﺷﺪﻭﻩ ﺍﻟﺒﻮﻟﻴﺴﺎﺭﻳﻮ

 ﺍﻟﺠﺰﺀ التالث:

ﻭﺻﻞ ﻟﺪﺍﺭﻫﻢ، ﺟﺎ ﻓﻲ ﺍﻟﻜﺎﺭ، ﺍﻟﺸﻴﻔﻮﺭ ﻭ ﻫﻮ ﺳﺎﻳﻖ، ﻋﻴﻄﻮ ﻋﻠﻴﻪ ﻗﺎﻟﻮ ﻟﻴﻪ

ﻭﻟﺪﻙ ﻋﻀﺎﺗﻮ ﻋﻘﺮﺏ، ﻭ ﺍﻟﻮﺍﻟﻴﺪﺓ ﺍﺩﻳﺎﻟﻚ، ﺯﻟﻘﻬﺎ ﺍﻟﺼﺎﺑﻮﻥ ﺍﻟﺒﻠﺪﻱ ﻓﻲ

ﺍﻟﺤﻤﺎﻡ، ﻭ ﻃﺎﺣﺖ ﻋﻠﻰ ﻇﻬﺮﻫﺎ، ﻭ ﺗﻬﺮﺳﺎﺕ، ﺍﻟﺸﻴﻔﻮﺭ ﻗﺎﻝ : ﻣﻌﺮﻓﺘﺶ

ﺍﻋﻼﻣﻦ ﺻﺒﺤﺖ ﻫﺎﺩ ﺍﻟﻨﻬﺎﺭ !!

ﺑﺎﻩ ﺷﺎﻓﻮ، ﻗﺎﻝ ﻓﻲ ﺧﺎﻃﺮﻭ، ﺻﺒﺤﻨﻰ ﻉ ﺍﻟﻠﻪ، ﻭ ﺧﺪﻡ ﺍﻷﻏﻨﻴﺔ ﺍﺩﻳﺎﻝ ﺃﺣﻤﺪ

ﻋﺪﻭﻳﺔ : ''ﺯﺣﻤﺔ ﻳﺎ ﺩﻧﻴﺎ ﺯﺣﻤﺔ .''

ﻣﻮ ﻋﻨﻘﺎﺗﻮ، ﺷﻤﺎﺕ ﻓﻴﻪ ﺭﻳﺤﺖ ﺍﻟﺼﻨﺎﻥ .

ﺩﻭﺵ، ﻭ ﻟﺒﺲ ﺍﻟﺴﻨﺪﺍﻟﺔ، ﻭ ﺍﺧﺮﺝ ﺍﺷﻮﻑ ﺍﻟﺪﺭﺏ ﻭ ﺍﻟﻌﺸﺮﺍﻥ، ﺳﻠﻤﻮﺍ ﻋﻠﻴﻪ

ﺍﻟﺪﺭﺍﺭﻱ، ﻭ ﻛﻠﺸﻲ ﺗﻮﻋﺖ ﻓﻲ ﺍﺩﻳﻪ، ﻛﺎﻧﺖ ﺍﺩﻳﻪ ﻗﺼﺎﺣﺖ.

ﺍﺣﺘﺎﻓﻠﻮ ﺑﻴﻪ، ﻭ ﺧﻠﺺ ﻋﻠﻴﻪ ﻋﺸﻴﺮﻭ ﺍﻋﺒﻴﻘﺔ، ﻏﺮﺍﻑ ﺍﺩﻳﺎﻝ ﺍﻟﺮﺍﻳﺐ ﻭ

ﻛﺮﻭﺍﺳﺔ.

ﺭﺑﻰ ﺍﻟﻠﺤﻴﺔ، ﺗﻜﺴﻰ ﻣﺰﻳﺎﻥ، ﻭ ﺷﺮﻯ ﺍﻟﺴﺒﺮﺩﻳﻠﺔ ﺍﻟﻠﻲ ﻛﺎﻥ ﻛﻴﺘﻤﻨﻰ، ﺑﻘﻰ

ﻋﻄﻴﻬﺎ ﻍ ﺍﻟﻘﻬﺎﻭﻱ، ﻭ ﺍﻟﺪﻭﺭﺍﻥ.

ﺗﻘﺪﺍﻭ ﺍﻟﻔﻠﻮﺱ، ﻭ ﺑﻐﺎ ﻳﻀﺒﺮ ﻋﻠﻰ ﺑﺎﺵ ﻳﻘﺪﻱ، ﺍﻃﻠﺐ ﻭﺍﺣﺪ ﺍﻟﻤﻘﺪﻡ ﺑﺎﺵ

ﻳﺪﺧﻠﻮ ﻳﺨﺪﻡ ﺭﺳﻮﻓﻮﺭ ﻓﻲ ﺍﻟﻄﻮﺑﻴﺲ، ﺧﺪﻣﻮﻩ، ﻭ ﻗﺎﻟﻮ ﻟﻴﻪ ﺑﻴﻦ ﻟﻴﻨﺎ، ﻭ ﺇﻟﻰ

ﻛﻨﺘﻲ ﺑﺎﻏﻲ، ﺭﺍﻩ ﻳﻤﻜﻦ ﺗﻤﺸﻲ ﺑﻌﻴﺪ ﻓﻲ ﺍﻟﺸﺮﻛﺔ ﺍﺩﻳﺎﻟﻨﺎ، ﺍﻟﻤﻬﻢ ﺑﻴﻦ ﻟﻴﻨﺎ.

ﺍﻋﻄﺎﻭﻩ ﺍﻃﺮﺍﺟﻲ ﻃﻮﻳﻞ، ﻛﻴﺪﻭﺯ ﻋﻠﻰ ﺍﻟﺪﻭﺍﺭ. ﺍﻟﻄﻮﺑﻴﺲ ﻛﺎﻧﻮ ﻛﻴﺮﻛﺒﻮﺍ ﻓﻴﻪ ﻍ

ﺍﻟﻤﻘﻄﻌﻴﻦ، ﻭ ﺍﻟﺸﻔﺎﺭﺓ، ﻭ ﺍﻟﺸﻠﻮﻃﻴﺎﺕ، ﻭ ﺍﻟﺴﻼﺗﺔ، ﻭ ﺍﻟﺸﺮﺍﻑ، ﻭ ﺍﻟﻨﺎﺱ

ﺍﺩﻳﺎﻝ ﻟﻜﺎﺭﺕ، ﻭ ﺍﻟﻤﺴﻄﻴﻴﻦ، ﻭ ﺍﻟﻤﺸﺮﻣﻠﻴﻦ، ﻭ ﻋﺎﺋﻼﺕ ﺍﻟﻤﺸﺮﻣﻠﻴﻦ .

ﻛﺎﻥ ﻛﻴﺪﻭﺯ ﻋﻠﻰ ﺩﻭﺍﺭ ﺍﻟﻐﻴﺲ، ﻭ ﺩﻭﺍﺭ ﻻﺣﻮﻧﺎ، ﻭ ﺩﻭﺍﺭ ﺍﻟﻜﺮﺷﺔ، ﻭ ﻛﺮﻳﺎﻥ

ﻣﻲ ﻫﻨﻴﺔ، ﻭ ﻓﻲ ﺍﻷﺧﻴﺮ، ﻛﻲ ﺣﻂ ﻓﻲ ﺳﺎﺣﺔ '': ﻣﻦ ﻫﻨﺎ ﺩﺍﺯﻭ .''

ﻛﺎﻥ ﺍﻟﺼﻴﻒ، ﻭ ﺍﻟﻄﻮﺑﻴﺲ ﻛﻴﻮﻟﻲ ﻓﺤﺎﻝ ﺷﻲ ﻣﻮﺳﻢ ﺍﺩﻳﺎﻝ ﺍﻟﺘﺤﻜﻚ، ﻭ

ﺍﺳﺘﻌﻤﺎﻝ ﺍﻟﺴﻼﺡ ﺍﻟﻠﺤﻤﻲ .

ﻛﺎﻥ ﺷﻲ ﻻﺳﻖ ﻋﻠﻰ ﺷﻲ، ﺟﻤﻴﻊ ﺍﻟﻤﻜﺎﺑﻴﺖ ﺍﺩﻳﺎﻝ ﺍﻟﻤﺪﻳﻨﺔ ﻛﺎﻧﻮ ﻛﻴﺮﻛﺒﻮ

ﻓﻴﻪ، ﻭ ﺍﻟﺸﻴﻔﻮﺭﺍﺕ ﻛﺎﻧﻮ ﺣﺎﻗﺪﻳﻦ. ﻛﺎﻧﻮ ﻛﻴﺤﻄﻮ ﺑﻨﺎﺩﻡ ﺣﺪﻯ ﻃﻮﺍﺭﻭ ﺍﺩﻳﺎﻝ

ﺍﻟﺰﺑﻞ، ﺃﻭ ﺣﺪﻯ ﺍﻟﺤﻔﺮﺓ ﺍﻟﺨﺎﻧﺰﺓ، ﻛﺎﻥ ﺍﻟﻄﻮﺑﻴﺲ ﻛﻴﻤﺸﻲ ﻃﺎﻳﺮ، ﻣﺎﻛﺎﻥ ﻓﻴﻪ

ﻻ ﻧﻤﺮﺓ ﻻ ﻭﺍﻟﻮ، ﻛﺎﻧﻮ ﺍﻟﻨﺎﺱ ﻛﻴﻌﺮﻓﻮﻩ ﻍ ﺑﺎﻟﺼﻮﺕ ﺍﺩﻳﺎﻟﻮ ﺍﻟﻤﺨﺮﺷﺶ، ﻫﻮ

ﺍﻟﻮﺣﻴﺪ ﺍﻟﻠﻲ ﻛﺎﻥ ﻛﻴﺪﻭﺯ ﻣﻦ ﺗﻤﺎ .

ﺍﻟﻨﻤﺲ ﻛﺎﻥ ﻫﻮ '' ﻫﻮﻻﻛﻮ '' ﺍﺩﻳﺎﻝ ﺣﺎﻓﻼﺕ ﺍﻟﺴﻌﺎﺩﺓ، ﺍﻟﻄﻮﺑﻴﺲ ﺍﻟﻠﻲ ﻛﻴﻜﻮﻥ

ﻓﻴﻪ ﺍﻟﻨﻤﺲ، ﻣﻜﻴﻄﻠﻌﻮﺵ ﻓﻴﻪ ﺍﻟﺒﺎﻧﺘﻮﺭﺓ ﺍﻟﻤﻜﺎﺑﻴﺖ، ﻭﺍﺣﺪ ﺍﻟﻨﻬﺎﺭ ﺷﺪ ﻭﺍﺣﺪ

ﻓﻴﻬﻢ، ﺩﺍﺭ ﻟﻴﻪ ﺍﻟﺸﻮﻫﺔ، ﻫﺮﺱ ﻟﻴﻪ ﺍﻟﻨﻀﺎﻇﺮ، ﻭ ﺭﺑﻄﻮ ﻣﻊ ﺍﻟﺤﺪﻳﺪﺓ، ﻛﻠﺸﻲ

ﻛﻴﺴﺮﻓﻖ ﻓﻴﻪ، ﺍﻟﻌﻴﺎﻻﺕ، ﺍﻟﻤﺸﺮﻣﻠﻴﻦ، ﺍﻟﺒﺮﺍﻫﺶ، ﺣﻴﺪﻭ ﻟﻴﻪ ﺍﻟﺴﺮﻭﺍﻝ، ﻭ

ﻫﺒﻄﻮﻩ ﺣﺪﻯ ﺍﻟﺪﻭﺍﺭ، ﻣﻦ ﺑﻌﺪ ﻋﺮﻓﻮ ﺑﺄﻥ ﺍﻟﻮﺍﻟﻴﺪﺓ ﺍﺩﻳﺎﻝ ﺍﻟﻤﻜﺒﻮﺕ، ﻗﻠﺒﺎﺕ

ﻋﻠﻴﻪ ﻓﻲ ''ﻣﺨﺘﻔﻮﻥ '' ﻭ ﻣﻠﻘﺎﺗﻮﺵ ﻟﺤﺪ ﺍﻟﺴﺎﻋﺔ.

ﻛﺎﻧﻮ ﺍﻟﺴﻼﺗﺔ ﺍﻟﻠﻲ ﺍﺣﺼﻞ، ﻛﻲ ﺍﺷﺒﻊ ﻓﻴﻪ ﺗﺼﺮﻓﻴﻖ، ﻭﺍﺣﺪ ﺍﻟﻨﻬﺎﺭ ﺻﺮﻓﻖ

ﻭﺍﺣﺪ ﺍﻟﻤﺸﺮﻣﻞ، ﻭ ﻫﻮ ﻳﺠﻴﺐ ﻟﻴﻪ ﻭﻻﺩ ﺍﻟﺪﺭﺏ ﻛﺎﻣﻠﻴﻦ، ﻛﺎﻧﻮﺍ ﻛﻴﺘﺴﻨﺎﻭ

ﺍﻟﻨﻤﺲ ﻓﻲ ﺍﻟﺒﻼﻛﺔ ﺍﻟﻠﻲ ﺣﺪﺍ ﺍﻟﻜﺮﻳﺎﻥ، ﺑﺎﺵ ﻳﺼﻔﻴﻮﻫﺎ ﻟﻴﻪ، ﺩﻳﻚ ﺍﻟﺴﺎﻋﺔ

ﺍﻟﻨﻤﺲ ﻧﻘﺰ ﻣﻦ ﺍﻟﺸﺮﺟﻢ، ﻭ ﻫﺮﺏ، ﺍﻟﺸﻴﻔﻮﺭ ﺍﺳﻤﺢ ﻓﻲ ﺍﻟﻄﻮﺑﻴﺲ، ﻭ

ﺍﻫﺮﺏ، ﺍﻟﻄﻮﺑﻴﺲ ﺑﻘﺎ ﺗﻤﺎ ﺍﻟﻌﺸﻴﺔ ﻛﺎﻣﻠﺔ ﻣﺨﺪﺍﻣﺶ.

ﺍﻋﻄﺎﻭﻩ ﻃﺮﺍﺟﻲ ﺁﺧﺮ، ﻛﻴﺪﻭﺯ ﻋﻠﻰ ﺩﺭﺏ ﺍﻟﻤﻬﺎﺑﻴﻞ، ﻭ ﺳﺎﺣﺔ ﺍﻟﻜﺎﺑﻴﻨﺔ

ﺍﻟﺨﺎﻧﺰﺓ، ﻭ ﺍﻟﺸﺎﻧﻄﻲ ﻟﻌﻮﺝ، ﻭ ﻛﻲ ﺣﻂ ﺣﺪﻯ ﻗﻬﻮﺓ '' ﺑﻴﺘﺸﻮ .''

ﻛﺎﻧﻮ ﺍﻟﻨﺎﺱ ﺍﻟﻜﺒﺎﺭ ﺍﻟﻠﻲ ﻣﻌﻨﺪﻭﺵ ﺍﻟﻔﻠﻮﺱ، ﻛﻲ ﻃﻠﻊ ﻓﺎﺑﻮﺭ، ﻭ ﺍﻟﻄﻠﺒﺔ ﺍﻟﻠﻲ

ﻛﻲ ﻗﺮﺍﻭ ﻓﻲ ﺍﻟﻜﻠﻴﺔ، ﻛﺎﻥ ﺍﻟﻄﻮﺑﻴﺲ ﺍﺩﻳﺎﻟﻬﻢ.

ﺍﻟﻨﻤﺲ ﻋﺎﻗﻮ ﺑﻴﻪ ﺍﻟﻜﻨﻄﺮﻭﻟﺔ، ﻭ ﻣﺸﺎﻭ ﻗﺎﻟﻮﻫﺎ ﻟﻠﺸﺎﻑ، ﺍﻋﻄﺎﻭﻩ ﺍﺣﺴﺎﺑﻮ ﻭ

ﺟﺮﺍﻭ ﻋﻠﻴﻪ...

 .تتمة الجزء التالث

..... ....

ﻛﻴﻒ ﺍﻟﻌﺎﺩﺓ، ﺍﺭﺟﻊ ﻟﻠﺪﻭﺭﺍﻥ، ﻭﺧﻠﺺ ﺍﻟﻜﺮﻳﺪﻱ، ﻭ ﺷﺮﻯ ﺳﺒﺮﺩﻳﻠﺔ ﺍﺟﺪﻳﺪﺓ، ﻭ

ﺧﻠﺺ ﻋﻠﻰ ﺻﺎﺣﺒﻮ ﺍﻋﺒﻴﻘﺔ ﻏﺮﺍﻑ ﺍﺩﻳﺎﻝ ﺍﻟﺮﺍﻳﺐ ﻭ ﺣﻠﻮﺓ ﺍﻟﻠﻲ ﻛﻴﺘﺴﺎﻟﻮ.

ﺑﺎﻩ ﻛﺎﻥ ﺑﺎﻏﻲ ﻣﻨﻮ ﻍ ﻳﻜﻮﻥ ﺭﺍﺟﻞ، ﻭ ﻳﻀﺒﺮ ﻋﻠﻰ ﺭﺍﺳﻮ، ﻭ ﻳﻜﻮﻥ ﻋﺎﺋﻠﺔ، ﻭ

ﻳﺨﻮﻱ ﻋﻠﻴﻪ ﺍﻟﺪﺍﺭ .

ﺷﻲ ﻳﻤﺎﺕ ﺍﺳﻤﻊ ﻛﺎﻳﻦ ﺷﻲ ﻛﺎﺳﺘﻴﻨﻎ ﺍﺩﻳﺎﻝ ﺷﻲ ﻓﻴﻠﻢ ﺃﻣﺮﻳﻜﻲ، ﻏﺎﺩﻳﻦ

ﻳﺠﻴﻮ ﺍﺻﻮﺭﻭﺍ ﺷﻲ ﻟﻘﻄﺎﺕ ﻓﻲ ﺍﻟﺪﺭﺏ، ﻛﺎﻥ ﺍﻟﻔﻴﻠﻢ ﻓﻴﻪ ﻣﻤﺜﻞ ﺃﻣﺮﻳﻜﻲ

ﻣﺸﻬﻮﺭ، ﻭ ﺩﺍﺭﻭ 500 ﺩﺭﻫﻢ ﻟﻠﺪﺍﺭ ﺍﻟﻮﺍﺣﺪﺓ ﻓﻲ ﺍﻟﻨﻬﺎﺭ، ﺑﺎﺵ ﻣﻴﺨﺮﺟﻮﺵ،

ﻭ ﻳﺨﻠﻴﻮ ﺍﻟﻤﺨﺮﺡ ﻳﺼﻮﺭ .

ﻛﺎﻧﻮ ﻣﺤﺘﺎﺟﻴﻦ ﺩﻭﺭ ﺷﻔﺎﺭ، ﻛﺎﻉ ﺍﻟﺪﺭﺍﺭﻱ ﺍﺩﻳﺎﻝ ﺍﻟﺤﻮﻣﺔ، ﻭ ﺍﻟﺪﻭﺍﻭﺭ، ﺟﺎﻭ

ﻳﺪﻭﺯﻭ ﺍﻟﻜﺎﺳﺘﻴﻨﻎ، ﻧﺎﺿﺖ ﺍﻟﺮﻭﻳﻨﺔ، ﻭ ﺍﻟﻤﻄﺎﻳﻔﺎﺕ، ﻭ ﻛﻞ ﻭﺍﺣﺪ ﺑﻐﺎ ﻳﻤﺜﻞ

ﺍﻟﺪﻭﺭ ﺍﺩﻳﺎﻝ ﺍﻟﺸﻔﺎﺭ، ﻣﺎﺭﺑﻤﺎ ﺍﻟﻤﺨﺮﺝ ﻳﺪﻳﻪ ﻣﻌﺎﻩ ﻟﻬﻮﻭﻟﻴﻮﺩ.

ﻓﻲ ﻧﻬﺎﺭ ﺍﻟﻜﺎﺳﺘﻴﻨﻎ ﺩﺍﺯﺕ ﺍﻛﺜﺮ ﻣﻦ 50 ﻭﺍﺣﺪ، ﻏﺎﻟﺸﻔﺎﺭﺓ ﻭ ﺍﻟﻤﺸﻮﻣﺮﻳﻦ،

ﺍﻟﺒﻮﻟﻴﺲ ﺩﺍﻙ ﺍﻟﻨﻬﺎﺭ، ﺷﺪﻭ ﺃﻛﺜﺮ ﻣﻦ 17 ﻭﺍﺣﺪ ﻛﺎﻥ ﺭﻭﺷﻴﺮﺷﻲ.

ﻓﻲ ﺍﻷﺧﻴﺮ ﻗﺒﻠﻮ ﺍﻟﻨﻤﺲ، ﻭ ﻗﺎﻟﻮ ﻟﻴﻪ ﻏﺎﺩﻱ ﺍﺗﺒﻊ ﺍﻟﺒﻄﻞ ﻓﻲ ﻭﺍﺣﺪ ﺍﻟﻠﻘﻄﺔ،

ﻭ ﻏﺎﺩﻱ ﺗﻨﻘﺰ ﻓﻮﻕ ﺍﻟﺴﻄﻮﺣﺔ ﺍﺩﻳﺎﻝ ﺍﻟﺪﻳﻮﺭ، ﻭ ﻏﺎﺩﻱ ﺿﺎﺭﺏ ﻣﻊ ﺍﻟﺒﻄﻞ،

ﺣﺴﺒﻮ ﻟﻴﻪ 5000 ﺩﺭﻫﻢ ﻟﻠﻘﻄﺔ ﺍﻟﻮﺍﺣﺪﺓ، ﻓﻲ ﺍﻟﻤﺠﻤﻮﻉ 15000 ﺩﺭﻫﻢ

ﻛﺎﻣﻠﺔ .

ﺑﺎﻗﻲ ﻣﺒﺪﺍﺵ ﺍﻟﺘﺼﻮﻳﺮ، ﺍﻟﻮﺍﻟﻴﺪﺓ ﺍﺩﻳﺎﻟﻮ ﻗﺎﻟﺖ ﻟﻴﻪ ﺧﺎﺻﻨﺎ ﻧﺒﺪﻟﻮ ﺍﻟﻄﻼﻣﻂ، ﻭ

ﺑﺎﻩ ﻗﺎﻝ ﻟﻴﻪ ﻋﻔﺎ ﻭﻟﺪﻱ ﺑﻐﻴﺖ ﻧﺸﺮﻱ ﻣﻮﻃﻮﺭ، ﻭ ﻧﺮﻛﺐ ﻓﻢ.

ﺑﺎﻩ ﻣﺎﺑﻘﺎﺵ ﻛﻲ ﻋﺎﻳﺮﻭ، ﻭﻟﻰ ﻛﻴﻔﻴﻖ ﻛﻴﻠﻘﻰ ﺍﻟﻔﻄﻮﺭ ﻭﺍﺟﺪ، ﻭ ﻟﻰ ﻫﻮ

ﺍﻟﺒﻄﻞ ﻓﻲ ﺍﻟﺪﺭﺏ، ﻛﻠﺸﻲ ﺳﺎﻕ ﺍﻟﺨﺒﺎﺭ، ﻭ ﺧﺮﺟﻮ ﻋﻠﻴﻪ ﺇﺷﺎﻋﺔ ﺃﻥ ﺍﻟﻤﺨﺮﺝ

ﻏﺎﺩﻱ ﻳﺪﻳﻪ ﻣﻌﺎﻩ ﻟﻤﻴﺮﻳﻜﺎﻥ، ﻭ ﺃﻧﻮ ﺩﺍﺭ ﻟﺒﺎﺱ، ﻭ ﺷﺮﻯ ﻓﻴﻼ، ﻭ ﻫﻮ ﺑﺎﻗﻲ

ﻛﺎﻉ ﻣﺎ ﺑﺪﻯ ﻳﺼﻮﺭ ﺍﻟﺪﻭﺭ ﺍﺩﻳﺎﻟﻮ !!

 -ﺍﻟﺠﺰﺀ الرابع

ﺣﻴﺪﻭ ﺍﻟﺰﺑﻞ، ﻭ ﺍﻟﺘﺮﺍﺏ، ﻭ ﺍﻟﺼﺨﺮ، ﻭ ﺍﻟﺸﻤﻜﺎﺭﺓ، ﻭ ﺍﻟﻜﻼﺏ، ﻭ ﺍﻟﺤﻤﻴﺮ، ﻛﻠﺸﻲ ﺣﺎﺿﺮ، ﺍﻟﻘﺎﻳﺪ ﻭ ﺍﻟﻤﺨﺎﺯﻧﻴﺔ ﻭ ﺍﻟﺒﻮﻟﻴﺲ. ﺍﻟﻤﻤﺜﻞ ﺟﺎ ﺑﻄﺎﺋﺮﺓ ﺧﺎﺻﺔ، ﻭ ﺗﺎﺑﻌﻴﻨﻮ ﺑﻤﻈﻠﺔ، ﺑﺎﺵ ﻣﺎﺩﺭﺑﻮﺵ ﺍﻟﺴﺎﻟﻤﺔ ﻟﻠﺮﺍﺱ، ﻣﻊ ﺍﻟﺪﺧﻠﺔ ﺍﺩﻳﺎﻝ ﺍﻟﺤﻮﻣﺔ، ﻛﺎﻧﺖ ﻭﺍﺣﺪ ﺍﻟﺮﻳﺤﺔ ﺣﺎﻧﺰﺓ، ﺍﺩﻳﺎﻝ ﺍﻟﻘﺎﺩﻭﺱ، ﻣﺒﻘﺎﺗﺶ ﺩﻳﻚ ﺍﻟﺮﻳﺤﺔ، ﺻﺤﺎﺏ ﺍﻟﻜﺮﺍﺭﺱ ﻭ ﺍﻟﻔﺮﺍﺷﺎﺕ، ﺣﻴﺪﻭﻫﻢ ﺑﺎﻟﻌﺼﺎ، ﺣﺒﺴﻮﺍ ﺍﻟﻄﺮﻳﻖ، ﺷﻄﺒﻮﺍ ﺍﻟﺰﻧﻘﺔ، ﻭ ﺩﺍﺭﻭ ﺍﻟﺴﻄﻮﺑﺎﺕ . ﺍﻟﻨﻤﺲ ﻣﺎﻋﻄﺎﻭﻩ ﻻ ﺣﻮﺍﺭ، ﻻ ﻭﺍﻟﻮ، ﻗﺎﻟﻮ ﻟﻴﻪ، ﻧﺘﺎ ﻏﻨﻘﺰ ﻣﻦ ﻓﻮﻕ ﺍﻟﺴﻄﻮﺣﺔ، ﻭ ﺍﺗﺒﻊ ﺍﻟﺒﻄﻞ، ﻭ ﻓﻲ ﻭﺍﺣﺪ ﺍﻟﻠﻘﻄﺔ ﻏﺎﺩﻱ ﺗﻀﺎﺭﺏ ﻣﻌﺎﻩ، ﻭ ﺧﻠﻴﻪ ﻳﺴﻠﺨﻚ ﺻﺎﻓﻲ. ﺍﻟﻤﻤﺜﻞ ﻛﺎﻧﻮ ﺣﺎﺿﻴﻴﻨﻮ، ﻭ ﺧﺎﻳﻔﻴﻦ ﻋﻠﻴﻪ، ﻗﺎﻟﻮ ﻟﻴﻪ ﻭﺟﺪ ﺭﺍﺳﻚ، ﻧﻜﻤﻠﻮ ﻫﺎﺩ ﺍﻟﻠﻘﻄﺎﺕ، ﻭ ﻧﺤﻴﺪﻭ ﻣﻦ ﻫﻨﺎ، ﺍﻟﻮﻗﺖ ﺍﺩﻳﺎﻝ ﺍﻟﺘﺼﻮﻳﺮ ﺟﺎ، ﻭ ﺩﺍﺭﻭ ﺍﻟﻤﻜﻴﺎﺝ ﻟﻠﻨﻤﺲ، ﻭ ﻟﺒﺴﻮﻩ، ﻭ ﻣﺸﻄﻮ ﻟﻴﻪ، ﻭ ﻗﺎﺩﻭ ﻟﻴﻪ، ﺍﻟﻤﺨﺮﺝ ﻗﺎﻝ : --- ﺃﻛﺸﻴﻴﻦ : ﺍﻟﻨﻤﺲ ﻛﻴﺠﺮﻱ ﻣﻦ ﻧﻴﺘﻮ ﻓﻮﻕ ﺍﻟﺴﻄﻮﺣﺔ، ﻧﻘﺰ ﺍﻟﺴﻄﺢ ﺍﻷﻭﻝ، ﻭ ﺍﻟﺜﺎﻧﻲ، ﺍﻟﺜﺎﻟﺖ ﺗﺨﺸﺎﺕ ﻟﻴﻪ ﺭﺟﻠﻮ ﻓﻲ ﺍﻟﻘﺮﻣﻮﺩ، ﻭ ﻃﺎﺡ ﺍﻟﺘﺤﺖ ﺩﻳﺮﻳﻜﺖ ﻟﻠﻄﻮﺍﻟﻴﺖ ﺍﺩﻳﺎﻝ ﺍﻟﺴﻴﺪ ﺍﻟﻠﻲ ﺳﺎﻛﻦ ﻓﻲ ﺍﻟﺴﻄﺢ، ﻫﻮ ﻣﺎﻃﺮﺍ ﻟﻴﻪ ﻭﺍﻟﻮ، ﻍ ﺍﻟﺴﻴﺪ ﺍﻟﻠﻲ ﻛﺎﻥ ﺑﺎﺭﻙ ﻛﻲ ﺧﺮﺝ ﻣﺨﻠﻔﺎﺕ ﺍﻟﻠﻮﺑﻴﺔ ﺑﺎﻟﻬﺮﻳﺴﺔ، ﺩﺍﻭﻩ ﻓﻲ ﺍﻟﺒﻴﺎﺱ ﻛﻮﻣﺔ، ﻃﺎﺡ ﻓﻮﻕ ﺭﺍﺳﻮ. ﻋﺎﻭﺩﻭﻫﺎ ﻟﻠﻤﺮﺓ ﺍﻟﺜﺎﻧﻴﺔ --- ﺃﻛﺸﻴﻴﻦ : ﻧﻘﺰ ﺍﻷﻭﻟﻰ، ﺍﻟﺜﺎﻧﻴﺔ، ﺍﻟﺜﺎﻟﺜﺔ، ﺍﻟﺴﻄﺢ ﺍﻟﺮﺍﺑﻊ، ﺍﺩﺧﻞ ﻓﻲ ﺍﻟﺤﻮﺍﻳﺞ ﻣﻨﺸﻮﺭﻳﻦ، ﻭ ﺩﺧﻞ ﻓﻲ ﺑﺮﺍﻛﺔ ﺍﺩﻳﺎﻝ ﺍﻟﺪﺟﺎﺝ، ﻣﺎﻃﺮﺍ ﻟﻴﻪ ﻭﺍﻟﻮ، ﻍ ﻣﺎﺗﻮ 4 ﺍﻟﺪﺟﺎﺟﺎﺕ ﺻﺎﻓﻲ . ﺍﻟﻤﺨﺮﺝ ﺑﺪﺍ ﻛﻴﻜﺸﻜﺶ، ﻭ ﻛﻲ ﻋﺎﻳﺮ ﻓﻲ ﺍﻟﻨﻬﺎﺭ ﺍﻟﻠﻲ ﺟﺎ ﻓﻴﻪ ﻟﻠﻤﻐﺮﺏ ﺍﻟﻤﺮﺓ ﺍﻟﺜﺎﻟﺘﺔ ---- ﺃﻛﺸﻴﻦ : ﻫﺎﺩ ﺍﻟﻤﺮﺓ ﺍﻟﻨﻤﺲ، ﻧﻘﺰ ﺍﻟﺴﻄﻮﺣﺔ ﻛﺎﻣﻠﻴﻦ، ﻭ ﺻﻮﺭﻭﺍ ﺍﻟﻠﻘﻄﺔ، ﻭ ﺻﻔﻘﻮﺍ ﻋﻠﻴﻪ. ﺍﻟﻠﻘﻄﺔ ﺍﻟﺜﺎﻧﻴﺔ، ﻗﺎﻟﻮ ﻟﻴﻪ، ﻏﺎﺩﻱ ﺗﺠﺮﻱ ﺗﺎﺑﻊ ﺍﻟﺒﻄﻞ، ﺟﺎﺑﻮ ﻭﺍﺣﺪ ﻛﻴﺸﺒﻪ ﻟﻠﺒﻄﻞ، ﺣﻴﺖ ﺍﻟﺒﻄﻞ ﺍﻟﺤﻘﻴﻘﻲ، ﻣﺎﺧﺴﻮﺵ ﻳﺠﺮﻱ، ﺧﺎﻓﻮﺍ ﻋﻠﻴﻪ. ---- ﺃﻛﺸﻴﻴﻦ ﺍﻟﻨﻤﺲ، ﺗﺎﺑﻊ ﺍﻟﺒﻄﻞ، ﻭ ﻫﻮ ﻫﺮﺑﺎﻥ ﻣﻨﻮﺍ، ﻣﻊ ﺍﻟﺒﺪﺍﻳﺔ ﻛﻴﺸﺪﻭ، ﺩﻏﻴﺔ ﻛﻴﺸﻨﻖ ﻋﻠﻴﻪ، ﻗﺎﻟﻮ ﻟﻴﻪ ﻭ ﻣﺘﺠﺮﻳﺶ ﻣﻦ ﻧﻴﺘﻚ، ﺧﻠﻴﻪ ﻳﺴﺒﻘﻚ، ﺍﻟﻤﺮﺓ ﺍﻟﺜﺎﻧﻴﺔ ---- ﺃﻛﺸﻴﻴﻦ ﺍﻟﻤﺮﺓ ﺍﻟﺜﺎﻧﻴﺔ ﺑﻐﺎ ﻳﺸﺪﻭ، ﺩﺍﺭ ﻟﻴﻪ ﺍﻟﺸﺪﺓ ﺍﺩﻳﺎﻝ ﺍﻟﺒﻨﺎﻳﺔ، ﻭﺗﺎ ﻃﻠﻖ ﺍﻟﺴﻴﺪ ﺭﺍﻙ ﻗﺠﻴﺘﻴﻪ !! ﻭﺍ ﻣﺴﺨﻮﻁ ﺍﻟﻮﺍﻟﺪﻳﻦ، ﺗﺎ ﻭﺍﺵ ﺍﺻﺤﺎﺏ ﻟﻴﻚ ﺑﺼﺢ !! ﻃﻠﻘﻮ ﺭﺍﻙ ﻗﺠﺘﻴﻪ !! ﺍﻟﻤﺮﺓ ﺍﻟﺜﺎﻟﺘﺔ، ---- ﺃﻛﺸﻴﻴﻦ ﺗﺒﻌﻮ ﻭ ﺷﺪﻭ ﻍ ﺑﺎﻟﺸﻮﻳﺔ، ﻭ ﻟﻜﻦ ﻣﻊ ﺩﻳﻤﺎ ﺣﻴﺖ ﻣﺎﻛﺎﻳﻨﺶ ﺍﻟﻔﺮﺍﻥ، ﺩﺧﻞ ﻓﻴﻪ، ﻭ ﺍﻟﺒﻄﻞ ﻃﺎﺡ ﻋﻠﻰ ﺑﺎﺏ ﺍﺩﻳﺎﻝ ﻭﺍﺣﺪ ﺍﻟﺪﺍﺭ، ﻣﻮﻝ ﺍﻟﺪﺍﺭ، ﺍﺷﻨﻖ ﻋﻠﻰ ﺍﻟﺒﻄﻞ، ﻛﻴﺼﺤﺎﺏ ﻟﻴﻪ ﺷﻔﺎﺭ، ﺗﺠﻤﻌﺎﺕ ﺍﻟﺠﻮﻗﺔ، ﻧﺎﺽ ﺍﻟﺼﺪﺍﻉ، ﻭ ﺧﺮﺟﻮﺍ ﺍﻟﻌﻴﺎﻻﺕ، ﻭ ﺟﺎﻭ ﺍﻟﺒﻮﻟﻴﺲ ﻭ ﺍﻟﺤﻨﺎﺵ، ﺷﻲ ﻭﺣﺪﻳﻦ ﺳﺘﻐﻠﻮ ﺍﻟﻔﺮﺻﺔ، ﻭ ﻧﺎﺿﺖ ﺍﻟﺸﻔﺮﺓ، ﻭ ﺧﺮﺟﻮ ﺷﻲ ﻟﺤﺎﻳﺔ ﻫﺠﻤﻮ ﻋﻠﻰ ﺍﻟﻨﺼﺎﺭﻯ، ﻭ ﻫﺮﺳﻮ ﺍﻟﻜﺎﻣﻴﺮﺍﺕ، ﻭ ﺷﻌﻼﺕ ﺍﻟﻌﺎﻓﻴﺔ ﻓﻲ ﻭﺍﺣﺪ ﺍﻟﺒﺮﺍﻛﺔ ﺍﺩﻳﺎﻝ ﻣﻮﻝ ﺍﻟﻨﻌﻨﺎﻉ، ﻛﻠﺐ ﻣﺴﻌﻮﺭ ﻛﺎﻥ ﻧﺎﻋﺲ ﻓﻴﻬﺎ ﻋﺾ ﺍﻟﻤﺨﺮﺝ ﻣﻦ ﺧﺮﺯﺗﻮ، ﻧﺎﺿﺖ ﺍﻟﺮﻭﻳﻨﺔ، ﺷﻲ ﺑﺮﺍﻫﺶ ﺳﺘﻐﻠﻮ ﺍﻟﻔﺮﺻﺔ، ﻭ ﺧﻮﻧﻮ ﺍﻟﺪﺟﺎﺝ، ﻣﻮﻝ ﺍﻟﺪﺟﺎﺝ ﺿﺮﺏ ﻭﺍﺣﺪ ﻓﻴﻬﻢ، ﺍﻟﻌﺎﺋﻼﺕ ﻭﻻﻩ ﻣﻀﺎﺭﺑﻴﻦ، ﻭ ﺑﻐﺎﻭ ﻳﻔﺎﺭﻳﻮﻫﺎ، ﻭ ﺗﺨﻠﻄﺎﺕ ﺍﻟﻘﻀﻴﺔ، ﻭ ﻧﺎﺿﺖ ﺍﻟﺴﻴﺒﺔ. ﺍﻟﺤﺼﻴﻠﺔ : ﺍﻟﻤﺨﺮﺝ ﻋﻀﻮ ﻛﻠﺐ، ﺍﻟﻤﻤﺜﻞ ﺗﻬﺮﺱ ﻣﻦ ﺭﺟﻠﻴﻪ، ﺍﻟﻜﺎﻣﻴﺮﺍ ﺩﺍﻳﺮﺍ ﻣﻠﻴﺎﺭ ﺗﻬﺮﺳﺎﺕ، ﺍﻟﻨﻤﺲ ﻏﺒﺮ ﺳﻴﻤﺎﻧﺔ ﻣﺎﺑﺎﻧﺶ. 

   

  

 ﺍﻟﺠﺰﺀ 5

 ﺷﺎﻓﻮﻩ ﺷﻲ ﻧﺎﺱ، ﺩﺍﻳﺮ ﻃﺒﻠﺔ ﻓﻲ ﺍﻟﻘﺮﻳﻌﺔ، ﻛﻴﺒﻴﻊ ﻓﻴﻬﺎ ﺍﻟﻄﻮﻥ ﻭ ﺍﻟﻤﻮﻧﺎﺿﺔ، ﺍﻟﻜﺮﻭﺳﺔ ﻛﺎﻥ ﺿﺒﺮ ﻋﻠﻴﻬﺎ ﻣﻦ ﻋﻨﺪ ﻭﺍﺣﺪ ﺍﻟﻠﺤﻴﺔ، ﻗﺪﻳﻤﺔ، ﻭ ﻛﺎﻥ ﻛﺨﻠﻴﻬﺎ ﻋﻨﺪ ﺍﻟﻌﺴﺎﺱ ﺏ 5 ﺩﺭﺍﻫﻢ ﻟﻠﻴﻠﺔ ﺍﻟﻮﺍﺣﺪﺓ . ﻛﺎﻥ ﺍﻟﻄﻮﻥ ﺍﺩﻳﺎﻟﻮ ﺑﻨﻴﻦ، ﺟﺮ ﻋﻨﺪﻭ ﻛﺎﻉ ﺍﻟﻜﻠﻴﺎﻥ، ﻭ ﻛﺎﻥ ﻛﻴﻘﻮﻱ ﺍﻟﻄﻮﻥ، ﺍﻟﻤﻨﺎﻓﺴﻴﻦ ﺩﻳﺎﻭﻟﻮ، ﻣﺤﻤﻠﻮﻫﺶ، ﻛﻴﻔﺎﺵ ﺟﺎ ﻍ ﻣﻦ ﻭﺭﺍﻧﺎ ﻭ ﺩﺍﺭ ﺍﻟﻜﻠﻴﺎﻥ، ﻭ ﺣﻨﺎ ﻗﺪﻡ ﻣﻨﻮ ﻓﻲ ﺍﻟﺴﻮﻕ !! ﺇﻟﻰ ﺧﻠﻴﻨﺎﻩ ﻏﺎﺩﻱ ﻳﺪﻱ ﻟﻴﻨﺎ ﺍﻟﻜﻠﻴﺎﻥ ﻛﺎﻣﻠﻴﻦ . ﺍﻟﻄﻮﻥ ﺣﻨﺎ ﺩﺭﻧﺎ ﻓﺤﺎﻟﻮ، ﻭ ﻟﻜﻦ ﺍﻟﺒﻨﺔ ﻫﻮ ﻛﻲ ﺩﺍﺭ ﻟﻴﻬﺎ؟ !! ﻣﺤﻤﻠﻮﻫﺶ، ﻭ ﺩﺍﺭﻭ ﻟﻴﻪ ﺍﻟﻨﺒﺎﻳﺰ، ﻭ ﻣﺎﺻﻮﺭﻭ ﻣﻦ ﻋﻨﺪﻭ ﻭﺍﻟﻮ، ﺣﺮﺷﻮ ﻋﻠﻴﻪ ﺍﻟﺒﺮﺍﻫﺶ، ﺟﺮﺍ ﻋﻠﻴﻬﻢ، ﺷﺪﻭ ﻟﻴﻪ ﺍﻟﺒﻼﺻﺔ، ﻗﻠﺒﻬﺎ ﻣﻌﺎﻫﻢ ﺯﺭﺍﻭﻁ، ﻓﻲ ﺍﻷﺧﻴﺮ، ﻣﻴﻜﻮ ﻋﻠﻴﻪ، ﻭ ﺧﻼﻭﻩ. ﺍﻟﻠﻲ ﻣﺎﻛﻨﻮﺵ ﻋﺎﺭﻓﻴﻦ، ﻫﻮ ﺃﻥ ﺍﻟﻨﻤﺲ، ﻛﺎﻥ ﻛﺪﻳﺮ ﺍﻟﺸﺮﻥ ﺍﻟﻐﻠﻴﺾ ﻣﺴﻠﻮﻕ ﻣﻊ ﻛﻨﻮﺭ، ﻭ ﺷﻮﻳﺔ ﺍﻟﻤﻠﺢ، ﻭ ﻛﺎﻥ ﻛﻴﺨﻠﻄﻮ ﻣﻊ ﺍﻟﻄﻮﻥ، ﻭ ﺑﺎﺵ ﻳﺨﺮﺝ ﺑﺰﺍﻑ ﻣﻦ ﺍﻟﺤﻚ، ﻛﺎﻥ ﻛﻴﺪﻳﺮ ﺍﻟﺒﺎﺑﺔ ﺍﺩﻳﺎﻝ ﺍﻟﺨﺒﺰ ﻣﻔﺮﺗﺔ، ﻭ ﻛﻴﺨﻠﻂ ﻛﻠﺸﻲ، ﻭ ﻛﻲ ﻋﻄﻲ ﻟﺒﻨﺎﺩﻡ . ﺩﺍﺭ ﺍﻟﻔﻠﻮﺱ، ﻭ ﺷﺮﻯ ﺍﻟﺴﺒﺮﺩﻳﻠﺔ، ﻛﻴﻒ ﺍﻟﻌﺎﺩﺓ، ﻭ ﺧﻠﺺ ﻋﻠﻰ ﺍﻋﺒﻴﻘﺔ ﻛﺎﺱ ﺍﺩﻳﺎﻝ ﺍﻟﺮﺍﻳﺐ ﺍﻟﺒﻠﺪﻱ، ﻭ ﺣﻠﻮﺓ، ﺩﻭﺭ ﻣﻌﺎ ﺑﺎﻩ، ﻭ ﻣﻊ ﻣﻮ، ﺑﺎﻩ ﻛﻴﺸﻮﻑ ﻓﻴﻪ ﻏﺎ ﺑﻨﺺ ﻋﻴﻦ، ﻭ ﻛﻴﺘﺴﻨﺎ ﺷﻲ ﺣﺪ ﺍﺟﻲ ﻳﺘﺒﺮﺍ ﻣﻨﻮ. ﺍﻧﻬﺎﺭ ﺍﻟﺪﻳﺮﺑﻲ، ﺍﺻﺤﺎﺏ ﺍﻟﻜﻮﺭﺓ ﺩﺍﺯﻭ ﻋﻨﺪﻭ ﺍﺧﻀﺎﻭ ﺍﻟﻜﺎﺳﻜﺮﻭﻃﺎﺕ, ﺩﻳﻚ ﺍﻟﻌﺸﻴﺔ ﻓﻲ ﺍﻟﺘﻠﻔﺰﺓ، ﺍﻟﻤﺪﺭﺝ ﺍﺩﻳﺎﻝ ﺍﻟﺠﻤﻬﻮﺭ ﻛﺎﻥ ﺧﺎﻭﻱ، ﻭ ﻓﻲ ﺍﻟﺜﻠﻔﺰﺓ ﻗﺎﻝ ﺍﻟﻤﺪﻳﻊ ﺑﺄﻥ ﺍﻟﺴﺒﺐ ﻏﻴﺮ ﻣﻌﺮﻭﻑ !! ﻛﻠﺸﻲ ﺩﺍﺯ ﻟﻠﺴﺒﻴﻄﺎﺭ، ﻓﻲ ﺣﺎﻟﺔ ﺗﺴﻤﻢ، ﻭ ﺍﻟﺴﺒﺐ ﻫﻮ ﺍﻟﻨﻤﺲ ﺍﻟﻠﻲ ﺧﺮﺝ ﻋﻠﻴﻬﻢ، ﺍﻟﻨﻤﺲ ﻗﺎﻝ ﻟﻴﻪ ﻭﺍﺣﺪ ﺍﻟﺴﺎﻁ، ﺍﻫﺮﺏ ﺃ ﺍﻟﻨﻤﺲ، ﺭﺍﻫﻢ ﻛﻴﻘﻠﺒﻮ ﻋﻠﻴﻚ، ﻫﺎﺯﻳﻦ ﺍﻟﺤﺠﺮ، ﺷﻨﻮ ﻭﻛﻠﺘﻴﻬﻢ ﺃﻣﺴﺨﻮﻁ ﺍﻟﻮﺍﻟﺪﻳﻦ !! ﺍﻟﻨﻤﺲ ﺑﺎﻧﺖ ﻟﻴﻪ ﻋﺠﺎﺟﺔ ﺟﺎﻳﺎ ﻟﻌﻨﺪﻭ، ﺍﻫﺮﺏ ﻭ ﺧﻼ ﺍﻟﻄﺒﻠﺔ، ﻭ ﻫﻮ ﻣﺎﻓﺎﻫﻢ ﻭﺍﻟﻮ . ﺍﻟﻮﺣﻴﺪ ﺍﻟﻠﻲ ﻓﺎﻫﻢ ﻫﻮ ﺍﻟﻤﺶ ﺍﻟﻠﻲ ﻛﺎﻥ ﺗﺤﺖ ﺍﻟﻄﺒﻠﺔ، ﺣﻴﺖ ﺍﻟﻤﺶ ﻓﻲ ﺍﻟﻠﻴﻞ ﻛﺎﻥ ﻛﻴﻠﺤﺲ ﺍﻟﻄﺒﻠﺔ ﺑﻠﺴﺎﻧﻮ، ﻭ ﻛﻴﺒﻮﻝ ﻋﻠﻰ ﺍﻟﺰﻳﻮﻓﺔ ﺍﻟﻠﻲ ﻛﻴﻤﺴﺢ ﺑﻴﻬﻢ ﺍﻟﻨﻤﺲ ﺍﻟﻄﺒﻠﺔ

----ﺍﻟﺠﺰﺀ6 

ﺍﻹﻧﺘﺨﺎﺑﺎﺕ ﺟﺎﻭ. ﺍﻟﻤﻄﺒﻌﺎﺕ ﺧﺪﺍﻣﻴﻦ ﻛﻴﻄﺒﻌﻮ . ﻭ ﺍﻷﺣﺰﺍﺏ ﻛﺘﻮﺟﺪ، ﺍﻟﻨﻤﺲ ﻗﺎﻟﻮ ﻟﻴﻪ، ﻛﺎﻳﻦ ﻭﺍﺣﺪ ﺍﻟﺒﺮﻟﻤﺎﻧﻲ ﻓﻲ ﺍﻟﺪﺭﺏ، ﺑﺎﻥ ﻫﺎﺩ ﺍﻟﻴﻤﺎﺕ، ﻭ ﻛﻴﻌﻄﻲ 200 ﺩﺭﻫﻢ ﻟﻠﻨﻬﺎﺭ، ﻟﻠﻨﺎﺱ ﺍﻟﻠﻲ ﺑﻐﺎﻭ ﻳﺨﺪﻣﻮ ﻣﻌﺎﻩ، ﻛﺎﻥ ﺑﺮﻟﻤﺎﻧﻲ ﻣﺮﻳﺶ، ﻭ ﻣﻌﺮﻭﻑ ﺩﻳﻤﺎ ﻛﻴﻨﺠﺢ ﺻﺤﺎ. ﺍﻟﻨﻤﺲ ﺍﻋﻄﺎﻩ ﺍﻟﺴﻴﻜﺘﻮﺭ ﺍﺩﻳﺎﻝ ﺣﻤﺎﻡ ﺍﻟﻌﺮﺍﻕ، ﻭ ﺟﺮﺩﺓ ﺍﻟﺤﻤﺮﻱ، ﻛﺎﻥ ﻛﻴﻔﺮﻕ ﺍﻷﻭﺭﺍﻕ ﻓﻲ ﺍﻟﺸﺎﺭﻉ، ﻭ ﻛﻲ ﻳﺎﺧﺪ 200 ﺩﺭﻫﻢ ﻓﻲ ﺍﻟﻨﻬﺎﺭ . ﺷﻲ ﺍﻋﻴﺎﻻﺕ ﻫﺰﻭ ﺍﻟﻄﻌﺎﺭﺝ ﻭ ﺧﺮﺟﻮﺍ ﻟﻠﺴﻴﻜﺘﻮﺭ ﺍﺩﻳﺎﻝ ﺍﻟﻨﻤﺲ. ﻣﻌﺠﺒﻮﺵ ﺍﻟﺤﺎﻝ، ﻭ ﻗﺎﻝ ﻟﻴﻬﻢ ﺣﻴﺪﻭ ﻣﻦ ﺍﻟﺴﻴﻜﺘﻮﺭ ﺍﺩﻳﺎﻟﻲ، ﻭ ﺳﻴﺮﻭ ﻣﻦ ﻫﻨﺎ، ﺗﺠﻤﻌﺎﺕ ﺍﻟﺠﻮﻗﺔ، ﻭﺍﺣﺪﺓ ﻣﻦ ﺍﻟﻌﻴﺎﻻﺕ ﻗﺎﻟﺖ ﻟﻴﻪ ﺳﻴﺮ ﺃ ﻗﺮﻳﻘﻴﺒﺔ ﺍﻟﻤﻮﺳﺦ، ﻋﻴﺮﻫﺎ ﻭ ﺍﺩﻓﻌﻬﺎ، ﺩﺍﺭﺕ ﻟﻴﻪ ﻣﻮﺗﺔ ﺁﺣﻤﺎﺭ، ﻭ ﻃﺎﺣﺖ ﻟﻴﻪ ﻓﻲ ﺍﻷﺭﺽ . ﺍﻫﺮﺏ ﺍﻓﺤﺎﻟﻮ، ﻭ ﺍﺳﻤﺢ ﻓﻲ ﺍﻟﺒﺮﻳﻜﻮﻝ، ﻓﻲ ﺁﺧﺮ ﻳﻤﺎﺗﻲ ﻭﻟﻴﺖ ﻣﻀﺎﺭﺏ ﻣﻊ ﺍﻟﻌﻴﺎﻻﺕ !! ﻓﻜﺮ ﻣﺰﻳﺎﻥ، ﻭ ﻗﺎﻝ ﺧﺎﺻﻨﻲ ﻧﻀﺒﺮ ﻋﻠﻰ ﺣﺮﻓﺔ ﺩﺍﻳﻤﺔ، ﻭ ﺩﺧﻞ ﻟﻴﺎ ﺩﺧﻞ ﺩﺍﺋﻢ. ﻣﺸﻰ ﻋﻨﺪ ﻭﺍﺣﺪ ﺍﻟﻤﻌﻠﻢ ﻛﻴﺼﺎﻭﺏ ﺍﻟﺜﻼﺟﺎﺕ، ﻭ ﻗﺎﻝ ﻟﻴﻪ ﺃﻧﺎ ﻣﻌﻠﻢ ﺍﻟﺤﺮﻓﺔ ﺍﺩﻳﺎﻝ ﺍﻟﺜﻼﺟﺎﺕ، ﻭ ﺑﻐﻴﺖ ﻧﺨﺪﻡ ﻣﻌﺎﻙ، ﻣﻮﻝ ﺍﻟﻤﺤﻞ ﺷﻚ ﻓﻴﻪ ﻓﻲ ﺍﻷﻭﻝ، ﻭ ﻟﻜﻦ ﻗﺎﻝ ﻟﻴﻪ ﻧﺠﺮﺑﻚ ﺷﻬﺮ، ﻭ ﻣﻦ ﺑﻌﺪ ﻧﺸﻮﻓﻮ . ﺍﻟﻨﻤﺲ ﺑﺪﺍ ﺧﺪﺍﻡ ﻣﻌﺎﻩ، ﻛﺎﻥ ﻛﻴﺨﻠﻴﻪ ﻭ ﻛﻴﻤﺸﻲ، ﺍﻟﻜﻠﻴﺎﻥ ﺟﺎﺑﻮ ﻟﻴﻪ ﺍﻟﺜﻼﺟﺎﺕ . ﻭﺍﺣﺪ ﺍﻟﻜﻠﻴﺎﻥ ﻛﺎﻥ ﺟﺎ ﻭﺍﺣﺪ ﺍﻟﻨﻬﺎﺭ ﻛﻴﻘﻠﺐ ﻋﻠﻰ ﺍﻟﺜﻼﺟﺔ ﺍﺩﻳﺎﻟﻮ، ﻣﻠﻘﺎﺵ ﺍﻟﺒﺎﺏ ﺍﺩﻳﺎﻝ ﺍﻟﺜﻼﺟﺔ، ﻟﻘﺎ ﺧﺎﻣﻴﺔ، ﺍﻟﺒﺎﺏ ﻣﺸﻰ ﺗﺒﺎﻉ، ﻭﺍﺣﺪ ﺍﻟﻜﻠﻴﺎﻥ ﺩﺍ ﺍﻟﺜﻼﺟﺔ ﻟﻠﺪﺍﺭ، ﺧﺪﻣﻬﺎ ﻭ ﻫﻮ ﻳﺴﻤﻊ ﺍﻟﺼﻮﺕ ﺍﺩﻳﺎﻝ ﻣﺘﻮﺭ 103 !! ﺍﻟﻨﻤﺲ ﺩﺍﺭ ﻟﻴﻪ ﻣﺘﻮﺭ ﺍﺩﻳﺎﻝ 103، ﻭ ﺍﻟﻤﺘﻮﺭ ﺗﺒﺎﻉ. ﻭ ﻛﻲ ﺍﻟﻌﺎﺩﺓ ﺷﺮﺍ ﺳﺒﺮﺩﻳﻠﺔ ﺟﺪﻳﺪﺓ، ﻗﻠﺐ ﻋﻠﻰ ﺻﺎﺣﺒﻮ ﺑﺎﺵ ﻳﺨﻠﺺ ﻋﻠﻴﻪ ﺍﻟﺮﺍﻳﺐ ﻭ ﺍﻟﺤﻠﻮﺓ، ﻣﻠﻘﺎﻫﺶ، ﻟﻘﺎﻩ ﻣﻤﺴﺎﻟﻴﺶ ﻣﻊ ﺍﻟﺒﺮﻳﻜﻮﻻﺕ ﺍﺩﻳﺎﻝ ﺍﻹﻧﺘﺨﺎﺑﺎﺕ، ﺟﺎﻭ ﻛﻴﻘﻠﺒﻮ ﻋﻠﻴﻪ ﻓﻲ ﺍﻟﺪﺍﺭ، ﻣﻮﻝ ﺍﻟﻤﺤﻞ، ﺟﺎﺏ ﻭﻟﺪﻭ، ﻭ ﻟﻘﺎﻭﻩ ﻧﺎﻋﺲ، ﺷﻨﻘﻮ ﻋﻠﻴﻪ، ﻏﺎﺩﻳﻦ ﺑﻴﻪ ﻟﻠﻜﻮﻣﻴﺴﺎﺭﻳﺔ، ﺩﺍﺯﺕ ﺍﻟﺠﻮﻗﺔ ﺍﺩﻳﺎﻝ ﺍﻹﻧﺘﺨﺎﺑﺎﺕ، ﺍﺳﺘﻐﻞ ﺍﻟﻔﺮﺻﺔ ﻭ ﺗﺨﻠﻂ ﻣﻊ ﺍﻟﺒﺸﺮ، وهرب ليهم... 

----ﺝ7

 ﺍﻟﻮﻗﺖ ﻛﻴﺪﻭﺯ ﺛﻘﻴﻞ، ﺍﻟﻔﺮﺍﻍ ﺍﻟﻘﺎﺗﻞ، ﺍﻟﺤﺰﻗﺔ ﻭ ﺍﻟﻬﻢ، ﺍﻟﺘﺸﻮﻣﻴﺮﺓ، ﺣﺘﻰ ﺧﺪﻣﺔ ﻣﺎﺻﺪﻗﺎﺕ ﻟﻠﻨﻤﺲ، ﺃﻱ ﺣﺎﺟﺔ ﺍﺧﺪﻡ ﻓﻴﻬﺎ ﻛﺘﻮﻗﻊ ﺍﻟﻜﺎﺭﺛﺔ !! ﻭﺍﻟﺪﻳﻪ ﺩﻳﻤﺎ ﻓﻲ ﺍﻟﻤﺸﺎﻛﻞ ﻣﻌﺎﻩ، ﺍﻟﺪﺭﺏ ﻋﺎﺭﻓﻴﻨﻮﺍ ﻭ ﻋﺎﻃﻴﻨﻮ ﺍﻟﺘﻴﺴﺎﻉ، ﻣﺨﻠﻮﺽ، ﻭ ﻟﻜﻦ ﻍ ﻓﻲ ﺍﻟﺨﺎﻭﻱ ﻭ ﺍﻟﻤﺼﺎﺋﺐ، ﺑﺎﻉ ﺍﻟﻠﻲ ﻋﻨﺪﻭ ﻭ ﺍﻟﻠﻲ ﻛﻴﻜﺴﺎﺏ . ﺑﻐﺎ ﻳﺪﻳﺮ ﻛﺮﻭﺳﺔ ﺍﺩﻳﺎﻝ ﺍﻟﺪﺳﻴﺮ ﻭ ﻟﻜﻦ ﻣﻌﻨﺪﻭﺵ ﺭﺍﺱ ﺍﻟﻤﺎﻝ، ﺍﺳﻤﻊ ﺑﻮﺍﺣﺪ ﺍﻟﺸﺮﻛﺔ ﺍﺩﻳﺎﻝ ﺍﻟﺴﻜﻴﺮﻳﺘﻲ، ﺑﺎﻏﺎ ﺍﻛﺤﻞ ﺍﻟﺮﺍﺱ ﺑﻼ ﺧﺒﺮﺓ ﺑﻼ ﺳﻴﺪﻱ ﺑﻮﺯﻛﺮﻱ، ﺍﻛﻮﻥ ﻣﺎﻛﻴﺒﻐﻴﺶ ﺍﻟﻜﻮﻧﺠﻲ، ﺍﻛﻮﻥ ﺻﺒﺎﺭ، ﺍﻛﻮﻥ ﺍﻗﺒﻞ ﺍﻟﺨﺪﻣﺔ 12 ﺳﺎﻋﺔ ﻓﻲ ﺍﻟﻴﻮﻡ، ﻭ ﺍﻟﺨﻠﺼﺔ ﺏ 36 ﺃﻟﻒ ﺭﻳﺎﻝ ﻓﻲ ﺍﻟﺸﻬﺮ، ﻭﻻﺩ ﺍﻟﻜﻼﺏ !! 36 ﺃﻟﻒ ﺭﻳﺎﻝ !! ﻳﻤﺼﻮ ﻟﻴﺎ ﺍﻟﺪﻡ ﺍﺩﻳﺎﻟﻲ !! ﻭ ﻟﻜﻦ ﺃﻧﺎ ﻏﺎﺩﻱ ﻏﻨﻀﻴﺒﺎﻧﻲ ﻭ ﺻﺎﻓﻲ، ﻧﺠﻤﻊ ﻍ ﻓﻠﻮﺱ ﺍﻟﺴﻠﻌﺔ ﻭ ﺍﻟﻜﺮﻭﺳﺔ ﻭ ﺍﻟﻤﻴﺰﺍﻥ ﺻﺎﻓﻲ، ﺧﺎﺻﻨﻲ ﻧﺨﻮﻱ ﺍﻟﺪﺭﺏ ﺭﻳﺤﺘﻲ ﺍﻋﻄﺎﺕ، ﺧﺎﺻﻨﻲ ﻧﺨﺪﻡ ﻫﺎﺩ ﺍﻟﺸﻬﺮ ﻭ ﻧﺼﺒﺮ، ﻭ ﺍﻟﺤﻤﺎﻡ ﺁﺟﺮ ﻣﺮﺓ ﺍﺩﺧﻠﺖ ﻟﻴﻪ ﻛﺎﻥ ﺍﻛﺜﺮ ﻣﻦ 5 ﺷﻬﻮﺭ ! ﺷﺎﻓﻮﻩ ﻭ ﻗﺒﻠﻮﻩ، ﺍﻋﻄﺎﻭﻩ ﻭﺍﺣﺪ ﺍﻟﻤﻨﺘﺰﻩ ﻣﻬﺠﻮﺭ، ﺍﺷﺮﺍﻩ ﺷﻲ ﺣﻮﻟﻲ ﺇﻣﺎﺭﺍﺗﻲ، ﺑﻐﺎ ﻳﺮﺟﻌﻮ ﻓﻨﺪﻕ، ﺍﻟﻤﻨﺘﺰﻩ ﻛﺎﻥ ﻫﻬﺠﻮﺭ ﻉ ﺍﻟﺨﻼ ﻭ ﺍﻟﻘﻴﻔﺎﺭ، ﻛﺎﻥ ﺍﺩﻳﺎﻝ ﺷﻲ ﻳﻬﻮﺩﻱ، ﻣﺎﺕ ﻭ ﺧﻼﻩ، ﺍﻟﺸﺮﻛﺔ ﺍﻟﻠﻲ ﺷﺪﺍﻩ، ﻫﻲ ﺍﻟﻠﻲ ﻣﻜﻠﻔﺔ ﺑﺎﻟﺴﻜﻴﺮﻳﺘﻲ. ﺍﻟﻨﻤﺲ ﻛﺎﻥ ﻛﻴﻌﺲ ﻓﻲ ﺍﻟﻠﻴﻞ، ﻭ ﺑﻼ ﻛﻠﺐ، ﺣﻴﺖ ﻣﻌﻨﺪﻭﺵ ﺑﺎﺵ ﻳﺸﺮﻳﻪ، ﻭ ﺍﻟﻤﺎﻛﻠﺔ ﺍﺩﻳﺎﻟﻮ ﻏﺎﻟﻴﺔ ﻋﻠﻴﻪ. ﻛﺎﻥ ﻣﺮﺓ ﻣﺮﺓ ﻛﻴﻠﻘﻰ ﺍﻟﺸﻤﻜﺎﺭﺓ ﻧﺎﻋﺴﻴﻦ ﻓﻲ ﺷﻲ ﻗﻨﺖ، ﻭ ﻣﺮﺓ ﻣﺮﺓ ﻛﻴﻠﻘﻰ ﺷﻲ ﻛﻮﺑﻞ ﻛﻴﺪﻳﺮ ﻣﺤﺎﺭﺑﺔ ﺍﻟﻜﺒﺖ ﺍﻟﺠﻨﺴﻲ ﻓﻲ ﺍﻟﺪﺭﻭﺱ ﺍﻟﻠﻴﻠﻴﺔ ﺗﺤﺖ ﺷﻲ ﺷﺠﺮﺓ، ﻛﺎﻥ ﺍﻟﺤﻴﻂ ﻗﺼﻴﺮ، ﺍﻟﻠﻲ ﺟﺎ ﻛﻴﻨﻘﺰﻭ، ﺩﺍﺭ ﺯﺭﻭﺍﻃﺔ، ﺍﻟﻜﻼﺏ ﺍﻟﻤﺠﺎﺣﻴﻢ ﻛﺎﻧﻮ ﻣﻮﻧﺴﻴﻨﻮ ﻓﻲ ﺍﻟﻠﻴﻞ، ﺍﻟﻤﺸﺎﺵ ﻭ ﺍﻟﻜﻼﺏ ﻭ ﻫﻮ، ﻛﺎﻧﻮ ﻫﻤﺎ ﺍﻟﻠﻲ ﻛﻴﺒﺮﻛﻮ ﺣﺪﺍﻩ. ﻭﺍﺣﺪ ﺍﻟﻠﻴﻠﺔ ﺻﺮﻓﻖ ﻭﺍﺣﺪ ﺍﻟﺸﻤﻜﺎﺭ ﻓﻲ ﺍﻟﻈﻼﻡ، ﺍﻟﺸﻤﻜﺎﺭ ﻣﺎﻋﺮﻓﺶ ﺑﺎﺵ ﺗﺒﻼ، ﺍﺻﺤﺎﺏ ﻟﻴﻪ ﺷﻲ ﺟﻦ، ﻛﺎﻥ ﺍﻟﺸﻤﻜﺎﺭ ﺑﺎﺭﻙ ﻛﻴﺨﺮﺍ، ﻣﻊ ﺍﻟﺘﺴﺮﻓﻴﻘﺔ ﻃﺎﺣﺖ ﻋﻠﻴﻪ ﺍﻟﻜﺮﺵ ﻓﻲ ﺍﻟﺒﻼﺻﺔ، ﻭ ﻧﺎﺽ ﻫﺮﺑﺎﻥ، ﻭ ﻛﻴﻌﻜﻠﻮ ﺳﺮﻭﺍﻟﻮ، ﻭ ﻛﻴﻐﻮﺕ : ﻣﻴﻴﻴﻴﻲ، ﻭﺍ ﻣﻴﻴﻴﻴﻴﻲ !! ﻛﺎﻥ ﺷﺪ ﺷﻲ ﺟﻮﺝ ﺑﺎﺭﻛﻴﻦ ﻋﺎﻳﺸﻴﻦ ﺍﻟﻠﺤﻀﺔ، ﻛﺎﻧﻮ ﻓﻲ ﺍﻟﻈﻼﻡ ﺍﻓﺤﺎﻝ ﺍﻟﻌﻔﺎﺭﻳﺖ، ﺣﺮﺵ ﻋﻠﻴﻬﻢ ﺍﻟﻜﻼﺏ ﺍﻟﻤﺠﺤﻮﻣﺔ، ﻭ ﻫﻲ ﺣﺼﻼﺕ، ﺷﺪﻫﺎ ﺷﺎﻑ ﻓﻴﻬﺎ، ﻭ ﻫﻮ ﻳﻘﻮﻝ ﻟﻴﻬﺎ ﺳﻴﺮﻱ ﺃﺧﺘﻲ ﻟﺪﺍﺭﻛﻢ، ﻭ ﻭﺻﻠﻬﺎ ﻟﻠﺒﺎﺏ، ﻭ ﻫﻲ ﺷﻜﺮﺍﺗﻮ ﻭ ﻗﺎﻟﺖ ﻟﻴﻪ '' ﻓﻜﺮﺍ '' ﻛﺎﻧﺖ ﺣﻮﻟﺔ ﻭ ﻣﺴﻨﺪﺭﺓ، ﻭ ﺗﺨﺎﻳﻞ ﻛﻴﻔﺎﺵ ﺻﺤﺒﻬﺎ ﻛﺎﻥ ﻛﻴﺒﻮﺱ ﻓﻴﻬﺎ !! ﺩﺍﺯ ﺍﻟﻮﻗﺖ، ﺍﻟﻮﺣﺪﺓ ﺍﺩﻳﺎﻝ ﺍﻟﻠﻴﻞ، ﺗﻜﻤﺶ ﻓﻲ ﺑﻼﺻﺘﻮ، ﻭ ﺗﻐﻄﻰ ﺑﻤﺎﻧﻄﺔ ﺑﺎﺵ ﻳﻨﻌﺲ، ﻓﻲ ﻭﺍﺣﺪ ﺍﻟﻠﺤﻀﺔ، ﺍﺳﻤﻊ ﺷﻲ ﺻﻮﺕ ﻏﺮﻳﺐ، ﻭ ﺣﺲ ﺑﺸﻲ ﺣﺎﺟﺔ ﻗﺮﻳﺒﺔ ﻟﻴﻪ، ﻛﺎﻥ ﺍﻟﻈﻼﻡ، ﻭ ﺍﻟﻤﺨﻴﺮ ﻓﻲ ﺍﻟﺸﺠﻌﺎﻥ، ﻣﻴﻘﺪﺭﺵ ﺍﺩﺧﻞ ﻓﺪﺍﻙ ﺍﻟﻈﻼﻡ، ﺩﻳﻚ ﺍﻟﺒﻼﺻﺔ ﻛﺎﻥ ﻓﻴﻬﺎ ﺍﻟﺸﺠﺮ، ﻭ ﺍﻟﺮﺑﻴﻊ، ﻭ ﺷﻲ ﻛﺮﺍﺳﺔ ﻣﻬﺮﺳﻴﻴﻦ. ﺷﻜﻮﻥ ﻫﺎﺩﺍ ﺍﻟﻠﻲ ﻓﻲ ﺍﻟﻈﻼﻡ ؟؟ ﺍﻟﻜﻼﺏ ﺍﺑﺪﺍﻭ ﻳﻨﺒﺤﻮ، ﻭ ﺍﻟﻤﺸﺎﺵ ﺷﻮﻛﻮ، ﻫﺪﺍ ﻣﻴﻜﻮﻥ ﻍ ﺷﻲ ﺷﻤﻜﺎﺭ ﻋﻮﺗﺎﻧﻲ، ﻭﻟﻜﻦ ﺑﻼﺗﻲ، ﻭﺍﺵ ﺍﻟﺸﻤﻜﺎﺭ ﻋﻨﺪﻭ ﺍﻟﺴﻮﺍﻟﻒ !!! ﻣﻴﻤﺘﻲ ﺁﺵ ﻫﺎﺩ ﺍﻟﺸﻲ !! ﻳﻤﻜﻦ ﻭﺍﻗﻴﻼ ﺷﻲ ﻭﺣﺪﺓ ﻋﻮﺗﺎﻧﻲ ﻫﺎﺩﻱ ! ﻛﺎﻧﺖ ﻓﻲ ﺍﻟﻈﻼﻡ ﻭﺍﻗﻔﺔ، ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ، ﺍﺗﻔﻜﺮ ﺍﻟﻌﺴﺎﺱ ﺍﻟﻠﻲ ﻛﻴﻜﻮﻥ ﻓﻲ ﺍﻟﻨﻬﺎﺭ، ﺍﻟﻠﻲ ﻗﺎﻝ ﻟﻴﻪ، ﺑﺄﻥ ﺍﻟﻌﺴﺎﺱ ﺍﻟﻠﻲ ﻗﺒﻞ ﻣﻨﻮ، ﺍﻫﺮﺏ ﻭﺍﺣﺪ ﺍﻟﻠﻴﻠﺔ، ﺣﻴﺖ ﺑﺎﻧﺖ ﻟﻴﻪ ﺷﻲ ﻭﺣﺪﺓ ﻣﺸﻌﻜﺔ، ﻭ ﻛﺘﺒﺎﻥ ﻓﺤﺎﻝ ﺷﻲ ..... ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ، ﻧﺎﺭﻱ ﺁﺵ ﻫﺎﺩ ﺍﻟﻄﻠﻴﺔ، ﻫﺮﺑﻨﺎ ﻣﻦ ﺑﻨﺎﺩﻡ، ﻭﻟﻴﻨﺎ ﻣﻊ ﺍﻟﺠﻨﻮﻥ !! ﻛﺎﻥ ﻋﻨﺪﻭ ﺑﻴﻞ ﻓﻲ ﺍﺩﻳﻪ، ﺷﻌﻠﻮ ﻭ ﺣﺮﻙ ﺭﺟﻠﻴﻪ ﻟﻠﻘﺪﺍﻡ، ﻭﺍ ﺯﻋﺎﻣﺔ ﻫﺎﺩﻱ !! ﻓﻴﻦ ﻏﺎﺩﻱ ﺃﻧﺎ، ﻭ ﻗﻒ ﻓﻲ ﺑﻼﺳﺘﻮ، ﻭ ﺑﺎﻧﺖ ﻟﻴﻪ ﺟﺎﻳﺔ ﻋﻨﺪﻭ ﺍﺗﺴﻤﺮ ﻓﻲ ﺍﺑﻼﺻﺘﻮ، ﺷﺪﺍﺗﻮ ﺍﻟﺮﻋﺪﺓ، ﻭ ﺍﻟﺘﻔﻘﻴﻔﺔ، ﺷﻌﺮﻭ ﺷﻮﻙ، ﺑﺎﻧﺖ ﻟﻴﻪ ﺟﺎﻳﺔ ﻋﻨﺪﻭ، ﺭﺟﻠﻴﻪ ﺗﻜﻮﺍﻧﺴﺎﻩ، ﺣﺮﻛﻬﻢ ﻏﺎ ﺑﺰﺯ، ﻭ ﺩﺭﺑﻬﺎ ﺑﺠﺮﻳﺔ ﻣﺎﻭﻗﻒ ﺣﺘﻰ ﻭﺻﻞ ﻟﻄﺮﻳﻖ ﺍﻟﺠﺪﻳﺪﺓ، ﻓﻲ ﺍﻟﺼﺒﺎﺡ ﺟﺎ، ﺍﻗﺒﻞ ﻣﺎﻳﺠﻲ ﺍﻟﺴﻴﺪ ﺍﻟﻠﻲ ﻏﺎﺩﻱ ﻳﺨﺪﻡ ﺍﻟﺼﺒﺎﺡ، ﻗﺎﻟﻬﺎ ﻟﻴﻪ ﻭ ﻫﻮ ﻳﻀﺤﻚ ﻋﻠﻴﻪ، ﺣﺘﻰ ﻣﻦ ﺍﻟﻤﺸﺎﺵ ﺿﺤﻜﻮ، ﻭ ﻗﺎﻟﻴﻪ، ﻫﺎﺩﻳﻚ ﺭﺍﻫﺎ ﻭﺍﺣﺪ ﺍﻟﻤﺘﺸﺮﺩﺓ ﻛﻨﺨﻠﻴﻬﻮﺍ ﺗﻨﻌﺲ ﻫﻨﺎ ﻓﻲ ﺳﺒﻴﻞ ﺍﻟﻠﻪ. 

 الجزء 8

 ﺍﻟﺪﺭﺏ، ﺍﻟﻌﺠﺎﺝ، ﺟﻮﺝ ﻋﺎﺻﺮﻳﻦ، ﻭﺍﺣﺪ ﻓﻴﻬﻢ ﻛﺎﻧﻮ ﻣﺴﻤﻴﻨﻮ ﺍﻟﺮﻭﺑﻴﻮ، ﻛﺎﻥ

ﺍﺷﻬﺐ، ﻭ ﻋﻨﻴﻪ ﺧﻀﺮﻳﻦ، ﻛﺎﻥ ﻣﻦ ﺍﻟﻤﺠﺪﺑﺔ، ﻣﺎﻋﻤﺮﻭ ﺍﺧﺪﻡ، ﻛﺎﻥ ﺩﻳﻤﺎ

ﺍﻟﻠﺒﺲ، ﻭ ﺍﻟﺘﺒﻮﻛﻴﺴﺔ، ﻭ ﻛﺎﻥ ﻃﻴﺎﺡ، ﻛﻴﻄﻴﺢ ﻋﻠﻰ ﺍﻟﻤﻴﻤﺎﺕ ﺍﻟﺸﺎﺭﻓﺎﺕ، ﺍﻟﻠﻲ

ﻣﻌﺎﻫﻢ ﺍﻟﺨﺒﺰ ﻓﻲ ﻧﻀﺮﻭ ﻫﻮ.

ﻛﺎﻥ ﻛﻴﺪﻭﺯ ﺍﻟﻮﻗﺖ ﺍﺩﻳﺎﻟﻮ ﻓﻲ ﻗﻬﻮﺓ ﺍﻟﻌﺼﻔﻮﺭ ﺍﻟﺬﻫﺒﻲ، ﻭ ﻗﺎﻧﻲ ﻋﻠﻰ ﺷﻲ

ﻭﺣﺪﺓ ﺑﻮﺟﺎﺩﻳﺔ .

ﺍﻟﺴﺎﻁ ﺍﻟﻠﻲ ﻭﺍﻗﻒ ﺍﺣﺪﺍﻩ ﻫﻮ ﺍﻟﻨﻤﺲ، ﺍﻟﻠﻲ ﻛﺎﻥ ﺣﺘﻰ ﻫﻮ ﻃﻴﺎﺡ، ﻭ ﻟﻜﻦ

ﻫﻮ ﻛﺎﻥ ﻛﻄﻴﺢ ﺍﻟﻀﺎﻳﻢ ﻋﻠﻰ ﺑﺎﻩ .

ﻭ ﻟﻜﻦ ﻫﺎﺩﻭ ﺑﺠﻮﺝ، ﻻﺵ ﻭﺍﻗﻔﻴﻦ ﻫﻨﺎ ؟ !

ﺁﺵ ﺟﺎﺏ ﺍﻟﻨﻤﺲ ﻟﻠﺮﻭﺑﻮﻱ !!

ﻻﺵ ﻣﺠﻤﻮﻋﻴﻦ ﺑﺠﻮﺝ !!

ﺷﻲ ﻗﻀﻴﺔ ﻫﺎﺩﻱ .

ﻛﺎﻧﻮ ﻣﺠﻤﻮﻋﻴﻦ ﻋﻠﻰ ﻗﺒﻞ ﻭﺍﺣﺪ ﺍﻟﻔﻴﻠﻢ ﺍﺩﻳﺎﻝ ﺍﻟﺨﻠﻴﻊ، ﺑﺎﻏﻴﻦ ﻳﺪﻳﺮﻭﻩ ﻟﻮﺍﺣﺪ

ﺍﻟﺸﺎﺭﻓﺔ ﺳﺎﻛﻨﺔ ﻣﻊ ﺍﻟﺨﺪﺍﻣﺔ ﺍﺩﻳﺎﻟﻬﺎ، ﻭ ﻛﻠﺒﻬﺎ، ﻭ ﺍﻟﻌﺴﺎﺱ ﻓﻲ ﻓﻴﻠﺔ ﺣﺪﺍ

ﺍﻟﺒﺤﺮ.

ﺍﻟﺮﻭﺑﻴﻮ ﺩﻭﺭﻫﺎ ﻓﻲ ﺩﻣﺎﻏﻮ، ﻭ ﺧﻄﻂ ﻟﻮﺍﺣﺪ ﺍﻟﻔﻜﺮﺓ ﺑﺎﺵ ﺍﺗﻘﺮﺏ ﻟﺪﻳﻚ

ﺍﻟﺸﺎﺭﻓﺔ، ﻭ ﻳﺘﺼﺎﺣﺐ ﻣﻌﺎﻫﺎ، ﻋﻠﻰ ﻗﺒﻞ ﻓﻠﻮﺳﻬﺎ،

ﻛﺎﻥ ﺍﺳﻤﻊ ﺑﺄﻧﻬﺎ ﻋﻨﺪﻫﺎ ﺍﻟﻔﻠﻮﺱ ﺍﻓﺤﺎﻝ ﺍﻟﺸﺘﻰ، ﻭ ﻣﺎﻋﻨﺪﻫﺎﺵ ﺍﻟﺮﺍﺟﻞ، ﻭ

ﺍﻟﺴﺮﺑﺎﻱ ﺍﺩﻳﺎﻝ ﺍﻟﻘﻬﻮﺓ ﻗﺎﻝ ﻟﻴﻪ ﺑﺄﻥ ﻋﺰﻳﺰ ﻋﻠﻴﻬﺎ ﺍﻟﻨﺸﺎﻁ، ﻭ ﻛﺎﻥ ﻃﺎﻳﺢ

ﻋﻠﻴﻬﺎ ﻭﺍﺣﺪ ﺍﻟﺴﺎﻁ، ﻛﺎﻥ ﺣﻠﺒﻬﺎ، ﻭ ﻫﻲ ﻣﻬﻠﻴﺔ ﻓﻴﻪ ﺑﺎﻟﻜﺎﺩﻭﺍﺕ ﻭ ﺍﻟﺼﺮﻑ.

ﻛﺎﻥ ﻫﻮ ﺑﺎﻏﻲ ﻳﻄﻴﺢ ﻋﻠﻴﻬﺎ ﻭ ﻳﺤﻠﺒﻬﺎ، ﺧﺼﻮﺻﺎً ﻣﻊ ﺃﻧﻮ ﻣﺎﻛﻴﺒﺎﻧﺶ ﻣﻦ

ﺍﻟﺪﺭﺍﺭﻱ ﺍﺩﻳﺎﻝ ﻛﺤﻞ ﺍﻟﺮﺍﺱ، ﻛﺎﻥ ﻣﻘﺎﺩ ﺍﻟﺤﺎﻟﺔ، ﻭ ﺧﻄﻂ ﻟﻜﻠﺸﻲ ﻭ ﻋﻴﻂ

ﻋﻠﻰ ﺍﻟﻨﻤﺲ ﺑﺎﺵ ﻳﺨﺪﻡ ﻣﻌﺎﻩ ﻭﺍﺣﺪ ﺍﻟﺴﺎﻋﺔ ﻭ ﻳﺎﺧﺪ ﻓﻴﻬﺎ 500 ﺩﺭﻫﻢ.

ﺁﻭﺍﻩ، ﻛﻴﻔﺎﺵ !! 500 ﺩﺭﻫﻢ ﻓﻲ ﺳﺎﻋﺔ !

ﺷﻲ ﻣﻨﻴﺮﺓ ﻫﺎﺩﻱ، ﺑﺎﻏﻲ ﻳﺪﻳﺮﻫﺎ ﻟﻲ ﺍﻟﺮﻭﺑﻴﻮ !

ﺃﺻﻼ ﻫﻮ ﻣﻌﻨﺪﻳﺶ ﻣﻌﺎﻩ، ﺁﺵ ﺑﻐﺎ ﻣﻨﻲ ! ﻭ ﻋﻼﺵ ﺃﻧﺎ ﺑﺎﻟﻀﺒﻂ؟ ! ﻣﺎﺧﺼﻨﻴﺶ

ﻧﺪﻳﺮ ﻓﻴﻪ ﺍﻟﺜﻘﺔ .

ﺍﻟﺮﻭﺑﻴﻮ ﻓﻬﻤﻮ ﻋﻠﻰ ﻛﻠﺸﻲ، ﻗﺎﻝ ﻟﻴﻪ ﻧﺘﺎ ﻍ ﺍﺧﻠﻌﻬﺎ ﺑﺎﻟﻠﻴﻞ، ﻭ ﻟﻜﻦ ﻣﻀﺮﺏ

ﻣﺎ ﻭﺍﻟﻮ، ﻭ ﻣﺎﺩﻭﻳﺶ، ﻏﺎ ﺧﻠﻌﻬﺎ ﺻﺎﻓﻲ.

- ﻭ ﻓﻴﻦ ﻫﺎﺩ ﺍﻟﺸﻲ ؟

- ﺣﺪﺍ ﺍﻟﻔﻴﻼ ﺍﺩﻳﺎﻟﻬﺎ

- ﻭ ﻻﺵ ﺑﺎﻏﻴﻨﻲ ﻧﺨﻠﻌﻬﺎ ﺃﻧﺎ، ﻣﺎﻟﻨﻲ ﺑﻮﻋﻮ !!

- ﺍﺳﻤﻌﻨﻲ ﻣﺰﻳﺎﻥ، ﻫﻲ ﺳﺎﻛﻨﺔ ﻓﻲ ﺍﻟﻔﻴﻼ ﺍﻟﻠﻲ ﻓﻲ ﺟﻨﺐ ﺍﻟﺒﺤﺮ، ﺍﻟﻀﻮ

ﺗﻤﺎ ﻣﻘﻄﻮﻉ ﺷﻲ ﻳﻮﻣﻴﻦ ﻓﻲ ﺍﻟﺰﻧﻘﺔ ﻋﻨﺪﻫﻢ، ﻫﻲ ﻛﺘﺨﺮﺝ ﻣﻊ ﺍﻟﻜﻠﺐ ﺍﺩﻳﺎﻟﻬﺎ

ﺣﺪﺍ ﺍﻟﺒﺤﺮ، ﻛﻀﺮﺏ ﺑﻴﻪ ﺩﻭﻳﺮﺓ، ﺃﻧﺎ ﻋﻨﺪﻱ ﻗﺼﺒﺔ ﻛﺎﻧﺼﻴﺪ ﺑﻴﻬﺎ،

- ﺃﻧﺎ ﻏﺎﺩﻱ ﻧﻜﻮﻥ ﻓﻲ ﺍﻟﺒﺤﺮ ﻓﻮﻕ ﺍﻟﺼﺨﺮﺓ، ﻧﺘﺎ ﻏﺎﺩﻱ ﻏﺘﺨﻠﻌﻬﺎ ﺻﺎﻓﻲ، ﻣﺎ

ﺿﺮﺏ ﻣﺎ ﻭﺍﻟﻮ، ﻋﻨﺪﺍﻙ ﺿﺮﺑﻬﺎ ﺃﻣﺴﺨﻮﻁ ﻭ ﺗﻤﻮﺕ ﻟﻴﻨﺎ،

- ﺍﻧﺘﺎ ﺧﻠﻌﻬﺎ، ﻭ ﺍﻫﺮﺏ، ﺃﻧﺎ ﻏﺎﺩﻱ ﻧﺪﻳﺮ ﺭﺍﺳﻲ ﺗﺎﺑﻌﻚ، ﻭ ﻏﺎﻧﺠﺮﻱ ﻋﻠﻴﻚ،

ﺻﺎﻓﻲ ﻫﺪﺍ ﻫﻮ ﺍﻟﻔﻴﻠﻢ .

- ﺻﺎﻓﻲ !! ﺳﺎﻫﻠﺔ، ﻭ ﻟﻜﻦ ﻻﺵ ﻫﺎﺩ ﺍﻟﺸﻲ ﻛﺎﻣﻞ

- ﻻ ﻭﺍﻟﻮ، ﻍ ﺑﻐﻴﺖ ﻧﺨﻠﻖ ﻣﻌﺎﻫﺎ ﺣﻮﺍﺭ

- ﻛﻴﻐﺎﺵ ﺣﻮﺍﺭ !!

- ﺯﻋﻤﺎ ﺑﻐﻴﺖ ﻧﺘﻌﺮﻑ ﻋﻠﻴﻬﺎ

- ﻫﺎﺩﻳﻚ ﺍﻟﺸﺎﺭﻓﺔ، ﺑﺎﻏﻲ ﺍﺗﻌﺮﻑ ﻋﻠﻴﻬﺎ !

- ﺍﻟﻨﻤﺲ، ﺳﺎﻓﻲ ﻣﺎﻟﻚ ﺩﺭﺗﻲ ﻣﻌﺎﻳﺎ ﺍﺳﺘﻨﻄﺎﻕ !!

ﻭ ﺍﺧﻠﻌﻬﺎ ﻭ ﺍﻫﺮﺏ ﻭ ﺧﻮﺩ 500 ﺩﺭﻫﻢ، ﺻﺎﻓﻲ ﻫﺎﺩ ﺍﻟﺸﻲ ﺍﻟﻠﻲ ﻛﺎﻳﻦ، ﻭ

ﻧﺰﻳﺪﻙ، ﺇﻟﻰ ﻣﺒﻐﺘﻴﺶ، ﻫﺎﻧﻴﺔ.

- ﻭ ﺗﺎ ﺣﻨﺎ ﻍ ﻛﻨﺴﻮﻟﻮ، ﺗﺎ ﻣﺎﻟﻚ ﺃﺻﺪﻳﻘﻲ !

- ﺻﺪﻳﻘﻲ ، ﻭﺍﺵ ﻧﻌﻮﻝ ﻋﻠﻴﻚ ﺩﺍﺑﺎ ﻭﻻ ﻣﻤﻨﻜﺶ ؟

- ﺍﻟﻤﻬﻢ ﺃﻧﺎ ﻏﺎﺩﻱ ﻧﺠﻲ ﻧﺠﺮﻱ، ﻭ ﻧﺨﻠﻌﻬﺎ، ﻭ ﻧﺘﺎ ﻏﺘﺒﻌﻨﻲ،

- ﻫﺎﺩ ﺍﻟﺸﻲ ﺍﻟﻠﻲ ﻛﺎﻳﻦ، ﻭ ﻟﻜﻦ ﻋﻨﺪﺍﻙ ﺿﺮﺑﻬﺎ، ﺍﻟﻜﻠﺐ ﻣﺘﺨﺎﻓﺶ ﻣﻨﻮ، ﺭﺍﻩ

ﻍ ﻛﻨﻴﺶ

- ﻟﻨﻔﺮﺽ ﺧﻠﻌﺘﻬﺎ ﻭ ﻃﺎﺣﺖ ﺻﺨﻔﺎﻧﺔ، ﻭ ﺗﻘﺪﺭ ﺗﻤﻮﺕ، ﻓﻴﻦ ﻏﺎﻧﻮﻟﻴﻮ ﺩﻳﻚ

ﺍﻟﺴﺎﻋﺔ ؟

- ﻣﺎﺗﺨﺎﻓﺶ، ﻫﻲ ﻏﺎﺩﻱ ﺗﺨﻠﻊ، ﻭ ﻧﺘﺎ ﻏﺪﻱ ﺗﺠﻴﻬﺎ ﻣﻦ ﺍﻟﻠﻮﺭ، ﻛﺎﻳﻦ ﻭﺍﺣﺪ

ﺍﻟﺼﺨﺮ، ﻏﺎﺩﻱ ﺗﻜﻮﻥ ﻫﻲ ﻭﺍﻗﻔﺔ ﺣﺪﺍﻩ، ﻧﺘﺎ ﺟﻲ ﻛﺘﺠﺮﻱ، ﻭ ﺧﻠﻌﻬﺎ، ﻭ ﻫﻲ

ﺗﻘﺪﺭ ﺗﻐﻮﺕ، ﻭ ﻟﻜﻦ ﻧﺘﺎ ﺍﻫﺮﺏ، ﻭ ﻣﺘﺨﺎﻓﺶ، ﺭﺍﻩ ﻛﺎﻳﻦ ﺍﻟﻈﻼﻡ، ﺻﺎﻓﻲ

ﺗﻔﺎﻫﻤﻨﺎ ؟

- ﻭﺍﺧﺎ، ﻭ ﻟﻜﻦ ...

- ﺻﺎﻓﻲ ﺃﺻﺎﺣﺒﻲ، ﻣﺎﻟﻚ ﻧﺪﻣﺘﻴﻨﻲ !؟

- ﺻﺎﻓﻲ، ﺃﺭﺍ 200 ﺩﺭﻫﻢ ﻋﺮﺑﻮﻥ ﻭ ﺧﻠﺺ ﺍﻟﺮﺍﻳﺐ ﻭ ﺣﻠﻮﺓ، ﺍﻟﻠﻪ ﻳﻨﻌﻞ ﺟﺪ

ﺑﻮﻙ ﺃ ﺍﻟﺰﻟﻂ .

9 ﺍﺩﻳﺎﻝ ﺍﻟﻠﻴﻞ، ﺍﻟﻜﻠﺐ ﺍﻟﻜﺎﻧﻴﺶ ﻛﻴﻠﻌﺐ ﺑﺰﻧﻄﻴﻄﻮ ﺑﺎﻏﻲ ﻳﺨﺮﺝ،

- ﺳﻤﻴﺮﺓ، ﺃ ﺳﻤﻴﺮﺓ

- ﻭﻳﻴﻲ ﻣﺪﺍﻡ

- ﺧﺮﺟﻲ ﺍﻟﻜﻠﺐ ﺣﺪﺍ ﺍﻟﺼﺨﺮﺓ، ﺃﻧﺎ ﻣﺎﻓﻴﺎ ﻣﺎ ﻧﺨﺮﺝ ﺩﺍﺑﺎ

- ﻭﺍﺧﺎ ﺃ ﻣﺪﺍﻡ

ﺍﻟﺮﻭﺑﻴﻮ، ﺑﺎﻧﺖ ﻟﻴﻪ ﻣﻦ ﺍﻟﻠﻮﺭ، ﻛﺎﻥ ﻣﺨﺒﻲ ﻭﺳﻂ ﺍﻟﺼﺨﺮﺓ ﺍﻓﺤﺎﻝ ﺍﻟﺠﻦ،

ﺳﺎﻋﺔ ﻭﻫﻮ ﻛﻴﺘﺴﻨﻰ،

ﻫﺎﻫﻲ ﺑﺎﻧﺖ، ﺍﻟﻜﻠﺐ ﻛﺎﻧﺖ ﻃﻠﻘﺎﻩ، ﺍﻟﺮﻭﺑﻴﻮ ﻫﺎﺯ ﺍﻟﺼﻨﺎﺭﺓ، ﻭ ﻟﻜﻦ ﺷﻜﻮﻥ ﻫﺎﺩ

ﺍﻟﺰﺑﻠﺔ !! ﻫﺎﺩﻱ ﻣﺎﺷﻲ ﻫﻲ !! ﺍﺷﻜﻮﻥ ﻫﺎﺩﻱ !!

ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻉ، ﺍﻟﻨﻤﺲ ، ﺍﺧﺮﺝ ﻣﻦ ﻭﺳﻂ ﺍﻟﺼﺨﺮﺓ، ﻭ ﺑﻼ ﺩﻳﻚ ﺍﻟﻐﻮﺗﺔ، ﻍ

ﻭﺟﻬﻮﺍ ﻛﻴﺨﻠﻊ، ﻭ ﺯﺍﺩ ﺍﻟﻈﻼﻡ ﻣﻦ ﺍﻟﺨﻠﻌﺔ،

ﺍﻟﺨﺪﺍﻣﺔ ﻏﻮﺗﺎﺕ ﻏﻮﺗﺔ ﻭﺣﺪﺓ، ﻭ ﻃﺎﺣﺖ ﺳﺨﻔﺎﻧﺔ، ﺍﺻﺤﺎﺑﻬﺎ ﺷﻲ ﺟﻦ،

ﺧﺼﻮﺻﺎً ﻣﻊ ﺍﻟﻈﻼﻡ، ﻭ ﺍﻟﻮﺟﻪ ﺍﺩﻳﺎﻝ ﺍﻟﻨﻤﺲ ﻛﺎﻥ ﻳﺨﻠﻊ ﺃﻱ ﻭﺍﺣﺪ...

 الجزء 9

- ﻧﺎﺭﻱ ﻣﺴﺨﻮﻁ ﺍﻟﻮﺍﻟﺪﻳﻦ، ﻭﺍ ﺍﻟﺤﻤﺎﺭ !! ، ﺭﺍﻫﺎ ﻣﺎﺷﻲ ﻫﻲ !!، ﺍﻟﺮﻭﺑﻴﻮ ﻋﻠﻖ

ﻣﻦ ﻭﺳﻂ ﺍﻟﺼﺨﺮ، ﻭ ﻧﻘﺰ ﺍﻟﺴﻮﺭ، ﻭ ﺍﻫﺮﺏ،

ﺍﻟﻨﻤﺲ ﺑﺎﻧﺖ ﻟﻴﻪ ﺍﻟﺴﻴﺪﺓ ﺑﺎﻗﺎ ﺻﻐﻴﺮﺓ،

- ﻧﺎﺭﻱ ﻃﺎﺣﺖ، ﻧﺎﺭﻱ ﻣﺎﺗﺖ، ﻭﻟﺪ ﺍﻟﻜﻠﺒﺔ ﻛﺬﺏ ﻋﻠﻴﺎ، ﻗﺎﻝ ﻟﻴﺎ ﺷﺎﺭﻓﺔ !!

ﺍﻟﻨﻤﺲ ﺑﺎﻥ ﻟﻴﻪ ﺍﻟﺮﻭﺑﻴﻮ ﻣﻌﻠﻖ، ﺗﺒﻌﻮ ﺑﺎﻏﻲ ﻳﺨﻠﻲ ﺩﺍﺭ ﺑﻮﻩ،

ﺍﻟﺮﻭﺑﻴﻮ ﻧﻘﺰ ﺍﻟﺤﻴﻂ، ﺷﺪﻭ ﺍﻟﻨﻤﺲ ﻣﻦ ﺭﺟﻠﻴﻪ، ﻃﺎﺣﻮ ﻣﻦ ﺍﻟﻔﻮﻕ، ﻃﺎﺣﻮ ﻋﻠﻰ

ﻭﺍﺣﺪ ﺍﻟﻌﺴﺎﺱ،

ﺍﻟﻌﺴﺎﺱ ﺻﺤﺎﺑﻮ ﺷﻔﺎﺭﺓ، ﺍﺟﺒﺪ ﺍﻟﺰﺭﻭﺍﻃﺔ، ﺍﺿﺮﺏ ﺑﻴﻬﺎ ﺟﺎﺕ ﻓﻲ ﺍﻟﻜﻠﺐ

ﺍﺩﻳﺎﻟﻮ، ﺍﻟﻜﻠﺐ ﺍﻫﺮﺏ ﻟﻠﺸﺎﻧﻄﻲ، ﻣﻊ ﺍﻟﻈﻼﻡ ﻣﺎﺑﺎﻧﺶ ﻟﻮﺍﺣﺪ ﺍﻟﻄﻮﻣﻮﺑﻴﻠﺔ ﺟﺎﻳﺎ

ﻓﻲ ﺍﻟﻈﻼﻡ، ﺣﺘﻰ ﻗﺮﺑﻮ ﻟﻴﻪ، ﻣﻮﻝ ﺍﻟﻄﻤﻮﺑﻴﻠﺔ ﻣﺎﺑﻐﺎﺵ ﻳﻀﺮﺑﻮ، ﺍﺧﺮﺝ ﻣﻦ

ﺍﻟﻄﺮﻳﻖ، ﺍﺩﺧﻞ ﻓﻲ ﺑﻮﻟﺔ ﺍﺩﻳﺎﻝ ﺍﻟﺒﺎﻧﻮ ﺍﺩﻳﺎﻝ ﺍﻹﺷﻬﺎﺭ ﺻﻐﻴﺮ،

ﺍﻟﺒﺎﻧﻮ ﻃﺎﺡ ﻋﻠﻰ ﻭﺍﺣﺪ ﺍﻟﺴﻜﺎﻳﺮﻱ، ﻛﺎﻥ ﺑﺎﺭﻙ ﻓﻲ ﺍﻟﺠﺮﺩﺓ ﺍﻟﻠﻲ ﺣﺪﺍ ﺍﻟﺒﺎﻧﻮ،

ﺍﻟﺴﻜﺎﻳﺮﻱ ﺑﺪﺍ ﻛﻴﻌﺎﻳﺮ، ﻭ ﺷﻴﺮ ﺑﻘﺮﻋﻖ ﺧﺎﻭﻳﺔ ﺍﺩﻳﺎﻝ ﺍﻟﻤﺎﺣﻴﺔ، ﻣﻊ ﺍﻟﻈﻼﻡ

ﻣﺎﺑﺎﻧﺘﺶ، ﺍﻟﻘﺮﻋﺔ ﺟﺎﺕ ﻓﻲ ﻭﺍﺣﺪ ﻣﻮﻝ ﺍﻟﻤﺘﻮﺭ ﺟﺎﻱ ﻣﻜﺴﻴﺮﻱ،

ﻣﻮﻝ ﺍﻟﻤﺘﻮﺭ ﺍﺩﺧﻞ ﻓﻲ ﻭﺍﺣﺪ ﺍﻟﻘﻬﻮﺓ ﺍﺩﻳﺎﻝ ﺍﻟﺸﻴﺸﺔ، ﻭ ﺿﺮﺏ ﺟﻮﺝ ﻛﺎﻧﻮ

ﺑﺎﺭﻛﻴﻦ ﻓﻲ ﺍﻟﻄﻴﺮﺍﺱ .

ﺍﻟﻤﻬﻢ،

- ﺍﻟﺮﻭﺑﻴﻮ ﻛﻴﻘﻠﺐ ﻋﻠﻰ ﺍﻟﻨﻤﺲ

- ﺍﻟﺸﺎﺭﻓﺔ ﻛﺘﻘﻠﺐ ﻋﻠﻰ ﺍﻟﺨﺪﺍﻣﺔ، ﺍﻟﻠﻲ ﻫﺮﺑﺎﺕ ﻭ ﺳﻤﺤﺎﺕ ﻓﻲ ﺍﻟﺨﺪﻣﺔ.

- ﺍﻟﻌﺴﺎﺱ ﻛﻴﻘﻠﺐ ﻋﻠﻰ ﻛﻠﺒﻮ ﺍﻟﻠﻲ ﺍﻫﺮﺏ.

- ﻣﻮﻝ ﺍﻟﻤﺘﻮﺭ، ﻛﻴﻘﻠﺐ ﻋﻠﻰ ﺍﻟﺴﻜﺎﻳﺮﻱ ﺍﻟﻠﻲ ﺿﺮﺑﻮ ﺑﻘﺮﻋﺔ .

- ﻣﺎﻟﻴﻦ ﺍﻟﺸﺮﻛﺔ ﺍﺩﻳﺎﻝ ﺍﻟﺒﺎﻧﻮ ﺍﺩﻳﺎﻝ ﺍﻹﺷﻬﺎﺭ ﻛﻴﻘﻠﺒﻮ ﻋﻠﻰ ﻣﻮﻝ ﺍﻟﻄﻤﻮﺑﻴﻠﺔ

ﺍﻟﻠﻲ ﻫﺮﺱ ﺍﻟﺒﺎﻧﻮ.

- ﻣﻮﻝ ﺍﻟﻘﻬﻮﺓ ﻛﻴﻘﻠﺐ ﻋﻠﻰ ﻣﻮﻝ ﺍﻟﻤﺘﻮﺭ ﺍﻟﻠﻲ ﺍﺳﻤﺢ ﻓﻲ ﺍﻟﻤﺘﻮﺭ، ﻭ ﺍﺩﺧﻞ

ﻓﻲ ﺍﻟﻜﻠﻴﺎﻥ.

- ﺍﻟﻨﻤﺲ ﻛﻴﻘﻠﺐ ﻋﻠﻰ ﺍﻟﺮﻭﺑﻴﻮ، ﺍﻟﻠﻲ ﺿﺤﻚ ﻋﻠﻴﻪ، ﻗﺎﻝ ﻟﻴﻪ ﺷﺎﺭﻓﺔ .

 جزء 10

هرب الروبيو وتبعو النمس تا عياو بجوج اوهما احبسو شنق عليه النمس علاش كدبتي عليا وقلتي ليا شارفة وهي مازالة سنان الحليب قاليه هصرتي ليا البلان ديالي اشداك تخلعها مني شفتيها باقا صغيرة هاديك راه الخدامة ديال الشارفة يامسخوط لواليدين قالو النمس باش انعرفها انا خدامة ديالها راه درت داكشي لي قلتي ليا وصافي قاليه الروبيو ارا داك 200 درهم ليعطيتك مطالعاش مطالعاش معاك ياوجه النحس عطاه زرقالف ديالو وقالو ياله نمشيو نشطو بيها نساو هد البلان لي خسرتي لينا داه الروبيو لواحد البار ادوز تما ليلة غي ب200درهم جا عندهم السرباي اش تشربو النمس قاليه الرايب وكرواصة على حساب الروبيو وضحك قاله مالك على حالتك واش يحساب ليك هادي محلبة قاليه الروبيو جيب البيرة جاب ليهم البيرة وسكرو مزيان وشطحو وشدو الستون مع فتيات الليل واخا كانو مافيهم مايتشاف ولكن النمس عندو كلشي زين لي جات قدامو يطحنها كيجمع حب وتبن سالو السكرة وخلصو 150درهم فالحفرة وخرجو معاهم البنات شدو طاكسي فاش وصلو علقو وخلو البنات خاصلين مع مول الطاكسي النمس مطور خيت شاف فالكنتور ديال الطاكسي 20درهم دربها فربعة دالناس جاتو قاصحة اوهو ينغز الروبيو وتاهو دماغ فهمها وهي طايرة هربو وخلاو العاهرات اجبدو لحصيصة لي جمعو فداك الليلة ههعه مشاو اوهما ماسكرانين ماساحين قطعو الشانطي اوهي تجي واحد الكاطكاط ماتجمع غا نمس جا منشور فالارض تفكر الشمال ديال باه على الصبح ظار راصو سخفاو اواكلها فعضامو تا هو على سبا صوط عليه اطيح الروبيو حبس الكاطكاط اوبدا اغوت ومات ومات عيطو عل البوليس اوهي تهرج واحد الشارفة غي قشعها الروبيو اوهو يتكالما جات برجليها  مولات الكانيش ههههه شد فيها شدت العما فالضلمة قاليها ياله نديوه لطبيب قبل مايتجمعو الناس قالت ليه نديوه عندي لدار النمس داير موتا حمار فالارض ناوي على شي بلان هزو الروبيو دخلو لسيارة لقا الخدامة مغرزا جبهتها طاحت على حجرة فاش سخفات اوداتها لطبيب وصلو لدار النمس دخلوه لواحد لبيت قالو الروبيو نتا غي تبعني غانوليو مرفحين قالو النمس صافي بقا ناعس تا قالو الروبيو ياله نمشيو قبل مايتحركو بقا الروبيو كايهضر مع الشارفة سولات اش كاديرو فحياتكم بدا فالكدوب والتصنطيح باش ازطط راصو بقاو فيها قالت ليهم اش بان ليكم تمشيو لطاليان فرح مسخوط لواليدين قال ليها من دابا قالت ليه ولكن عندي الوريقات لشخص واحد الروبيو تفكر النمس لي كان واقف كيخنزر فيه قال ليها عطيها لصاحبي يمشي هو بعدا قالت ليه كاين حل اخور لي غاتمشيو بجوجكم قاليها قابل قالت ليه غاتزوج بيا اونديك معايا شاف تا عيا او وافق شكون بحالهم واخيرا غايتفكو من عيشة الكلاب منبعد سيمانة وجدو راسهم جمعو حوايجهم ومشاو المطار هد المرا النمس صدقات ليه لاول مرة فحياتو ههه طلع لطيارة وتما تلقا مع واحد المصرية قرطاسة كان كالس حداها حلف تايطيحها قبل ماتحط الطيارة الروايض ديالها هههه وصلو وخدمو وسكنو هادشي كلو بفضل الشارفة النمس ولامرفح ديال بصح والروبيو باقي مزوج بالشارفة حصل معاها والنمس قرر يدخل لبلاد ويتزوج بالمصرية لي تلقا معاها فالطيارة ويدير شي مشروع فبلادو درب 3سنين تما ودخل لبلادو وجاب المصرية وتزوج بيها ودارو عرس ديال لفريع ولكن باقي زهرو كيتعكس مرا مرا العروسة هزوها فالعمرية وطاحت ولكن ماوقع ليها والو ناض النمس قاليهوم ياله تعشيتو وشطحتو ياله الباب الحباب سالا العرس دا مراتو للبيت....صافي ياله نرجعو فحالنا خلي النمس اعيش الحياة الزوجية مني عفا عليه الله دابا عندو 2دراري توام اومهلي فيهم كل صباح كيعطيهم شمال لواحد هههه اما الروبيو ماتت الشارفة وجابها اوربية وسكنها فالفيلا ديال الشارفا وجرا على العساس قالو نتا منعولش عليك هههه باقي عاقل على ليلة البلان لكحل والنمس دابا باغي يمشي لمصر اشوف نسابو حيت مراتو توحشات "ابوووووها". 

ااااااااااااااااالنهاااااااااااااااااية