الحمام المهجور

ﻫﺬﻱ ﻗﺼﺔ ﻣﺎﺷﻲ ﺑﺤﺎﻝ ﻛﻞ ﺍﻟﻘﺼﺺ ... ﻫﺬﻱ ﻗﺼﺔ ﻭﻗﻌﺎﺕ ﺃﺣﺪﺍﺗﻬﺎ ﻓﻲ ﻣﺪﻳﻨﺔ ﺻﻐﻴﺮﺓ ... ﻛﺎﻥ ﻓﻴﻬﺎ ﺣﻤﺎﻡ ﻗﺪﻳﻴﻢ ﺑﺰﺍﻑ ﺃﻭ ﻫﺎﺩ ﺍﻟﺤﻤﺎﻡ ﻣﻌﻤﺮ ﺷﻲ ﺣﺎﺩ ﻣﺘﺠﺮﺃ ﻳﻌﻮﻡ ﻓﻴﻪ ... ﻫﻮ ﻣﺒﻨﻲ ﻓﻲ ﺣﺪﻳﻘﺔ ﺩﻳﺎﻝ ﺩﺍﺭ ﺧﺎﻭﻳﺔ ... ﻛﺎﻧﺖ ﺳﺎﻛﻨﺔ ﻓﻴﻬﺎ ﺃﺳﺮﺓ ﺻﻐﻴﺮﺓ .. ﺃﻭ ﻋﻠﻰ ﺣﺴﺎﺏ ﺍﻟﻬﻀﺮﺓ ﻟﻲ ﻛﺪﻭﺭ ﻛﻴﻘﻮﻟﻮ ﺑﻠﻲ ﺩﻳﻚ ﺍﻷﺳﺮﺓ ﻛﺘﻜﻮﻥ ﻣﻦ ﺍﻟﺠﺪﺓ ﺃﻭ ﺍﻷﻡ ﻭ ﺍﻟﻔﺘﺎﺓ ﻟﻲ ﻛﻴﻘﻮﻟﻮ ﻛﺎﻧﺖ ﺯﻭﻫﺮﻳﺔ ...ﺃﻭ ﻓﻲ ﺿﻮﺭﻭﻑ ﻏﺎﻣﻀﺔ ﺧﺘﺎﻓﺎﺕ ﺍﻟﺒﻨﺖ ﻣﻦ ﺑﻌﺪ ﻣﺎ ﺩﺍﺗﻬﺎ ﺷﻲ ﻭﺣﺪﺓ ﻣﻦ ﺩﺍﺭﻫﻢ ﺑﺎﻟﻤﻮﺍﻓﻘﺔ ﺩﻳﺎﻝ ﻣﺎﻣﺎﻫﺎ .. ﻋﻠﻰ ﺃﺳﺎﺱ ﺃﻧﻬﺎ ﻏﺎﺩﻳﺎ ﺗﺴﺎﻋﺪﻫﺎ ﻓﻲ ﺗﺤﻘﻴﻖ ﺍﻟﺤﻠﻢ ﺩﻳﺎﻟﻬﺎ ﻟﻲ ﻫﻮ ﺑﻨﺎﺀ ﺣﻤﺎﻡ ﻛﺒﻴﺮ ﻓﻲ ﺍﻟﺤﺪﻳﻘﺔ ﻟﻲ ﻗﺪﺍﻡ ﺍﻟﺪﺍﺭ< ﺑﺸﺮﻁ ﺗﺨﻠﻴﻬﺎ ﺗﺪﻱ ﺍﻟﺒﻨﺖ ﻣﻌﺎﻫﺎ ﻣﺪﺓ ﺃﺳﺒﻮﻉ ﺃﻭ ﺗﺮﺟﻌﻬﺎ ﻟﻴﻬﺎ .... ﺍﻟﻤﻬﻢ ﻣﻨﻄﻮﻟﺶ ﻋﻠﻴﻜﻢ ﻣﻦ ﺩﺍﻙ ﺍﻟﻨﻬﺎﺭ ﻣﺒﻘﺎﺗﺶ ﺭﺟﻌﺎﺕ ﺍﻟﺒﻨﺖ ﺃﻭ ﺗﺎ ﺍﻟﺤﻤﺎﻡ ﻛﻤﻞ ﻓﻲ ﺍﻟﺒﻨﻲ ﺩﻳﺎﻟﻮ ﺃﻭ ﺗﺎ ﺣﺪ ﻣﺴﺘﺎﻓﺪ ﻣﻨﻮ ... ﺍﻷﻡ ﺗﺴﻨﺎﺕ ﺳﻴﻤﺎﻧﺎ ﺃﻭ ﺃﺷﻬﺮ ﻣﻲ ﻣﻘﺪﺭﺍﺗﺶ ﺗﺼﺒﺮ ﻛﺘﺮ ﻣﻦ ﻋﺎﻡ ... ﻗﺒﻞ ﻣﺘﻜﻤﻞ ﻋﺎﻡ ﺑﺎﺵ ﺍﺧﺘﺎﻓﺎﺕ ﺑﻨﺘﻬﺎ ﻣﺎﺗﺖ ﺍﻷﻡ .. ﺃﻭﻭ ﺗﺒﻌﺎﺗﻬﺎ ﺍﻟﺠﺪﺓ ﻟﻲ ﻣﺼﺒﺮﺍﺗﺶ ﻋﻠﻰ ﺍﻟﻮﻓﺎﺕ ﺩﻳﺎﻝ ﺑﻨﺘﻬﺎ  ﺃﻭ ﺍﺧﺘﻔﺎﺀ ﺣﻔﻴﺪﺗﻬﺎ .... ﻣﻦ ﺑﻌﺪ ﺷﻬﻮﺭ ﻋﻠﻰ ﺍﻟﻤﻮﺕ .. ﻗﺮﺭﻭ ﻧﺎﺱ ﺍﻟﻤﺪﻳﻨﺔ ﺑﺎﺵ ﻳﺴﺘﺎﻓﺪﻭ ﻣﻦ ﺍﻟﺤﻤﺎﻡ ﺣﺴﻦ ﻣﻦ ﺃﻧﻮ ﻳﺒﻘﻰ ﻣﺴﺪﻭﺩ ........ ﺃﻭ ﻓﻌﻼ ﺑﺪﺍﻭ ﺍﻟﻨﺎﺱ ﻛﺎﻳﻤﺸﻴﻮ ﻟﺬﺍﻙ ﺍﻟﺤﻤﺎﻡ ﻭﻻﻛﻴﻦ ﻛﺎﻧﺖ ﻛﺘﻮﻗﻊ ﻓﻴﻪ ﺃﺷﻴﺎﺀ ﻏﺮﻳﺒﺔ ... ﻛﻴﻘﻮﻟﻮ ﺑﻠﻲ ﻓﻲ ﺍﻟﺒﻴﺖ ﺍﻟﺴﺨﻮﻥ ﻛﺎﻥ ﻟﻲ ﺩﺧﻞ ﻟﻴﻪ ﻛﻴﻠﻘﻰ ﻓﻴﺔ ﺷﻌﺮﺓ ﻃﻮﻳﻠﺔ ﺃﻭ ﻟﻮﻧﻬﺎ ﺑﻴﺾ ﺑﺰﺍﻑ ﺷﻮﻳﺔ ﻛﺘﻮﻟﻲ ﺣﻤﺮﺍ ﻛﺎﻣﻠﺔ .. ﺃﻭ ﻛﻴﺴﻤﻌﻮ ﺃﺻﻮﺍﺕ ﺗﺎﻉ ﺷﻲ ﺣﺪ ﻛﻴﺒﻜﻲ ﺃﻭ ﻛﻴﻐﻮﺕ ﺍﻭ ﻛﻴﻀﺤﻚ ...... ﻣﻦ ﺩﺍﻙ ﺍﻟﻮﻗﺖ ﻣﺎﺑﻘﻰ ﺗﺎ ﺷﻲ ﺣﺪ ﻛﻴﺘﺠﺮﺃ ﻳﻤﺸﻲ ﻟﺬﺍﻙ ﺍﻟﺤﻤﺎﻡ ﺃﻭ ﺩﻳﻚ ﺍﻟﺪﺍﺭ ﺑﺼﻔﺔ ﻧﻴﻬﺎﺋﻴﺔ .... ﻣﻦ ﺑﻌﺪ ﻣﺮﻭﺭ 20 ﻋﺎﻡ ... ﺃﻭ ﺑﺼﺪﻓﺔ ﻛﻨﺎ ﺩﻳﺰﻳﻦ ﻣﻦ ﺣﺪﺍ ﺍﻟﺪﺍﺭ ﺃﻧﺎ ﺃﻭ ﺷﻲ ﺩﺭﺍﺭﻱ ﺃﻭ ﺑﻨﺎﺕ ﻓﺎﺵ ﺷﻔﻨﺎ ﺍﻟﺪﺍﺭ ﻗﺮﺭﻧﺎ ﻧﻤﺸﻴﻮ ﻧﺸﻮﻓﻮﻫﺎ . ﻭﻧﺸﻮﻓﻮ ﻭﺍﺵ ﺑﺼﺢ ﻣﺴﻜﻮﻧﺔ ﻛﻲ ﻛﻴﺘﻘﺎﻝ ﻓﺎﻟﻤﺪﻳﻨﺔ ﻛﺎﻣﻠﺔ .... ﺩﻳﻚ ﺍﻟﺴﺎﻋﺔ ﻛﺎﻧﺖ 4 ﺩﻳﺎﻝ ﺍﻟﻌﺸﻴﺔ .... ﺍﻟﺤﺼﻮﻝ ﺩﺧﻠﻨﺎ ﻟﺪﺍﺭ ﺑﺪﻳﻨﺎ ﻛﻨﺪﻭﺭﻭ ﻓﻴﻬﺎ ..... ﻛﺎﻧﺖ ﻗﺪﻳﻤﺔ ﺃﻭ ﺃﻏﻠﺐ ﺍﻷﻣﺎﻛﻦ ﻓﻴﻬﺎ ﻭﻻﻭ ﻣﻬﺮﺳﻴﻦ ﺃﻭ ﺍﻷﺭﺽ ﻫﺸﻴﺸﺔ ﺃﻭ ﻓﺎﺵ ﻛﻨﻌﻔﻄﻮ ﻛﺘﺴﻤﻊ ﺍﻷﺭﺽ ﻛﺘﻄﺮﻃﻖ ﺗﺤﺖ ﺭﺟﻠﻴﻨﺎ ... ﺃﻧﺎ ﻛﻨﺖ ﺧﺎﻳﻔﺔ ﺑﺰﺍﻑ ﺣﻴﺖ ﺳﻤﻌﺖ ﺟﻤﻴﻊ ﺃﻧﻮﺍﻉ ﺍﻟﻘﺼﺺ ﻟﻲ ﺗﻘﺎﻟﺖ ﻋﻠﻰ ﺩﻳﻚ ﺍﻟﺒﻼﺻﺔ ... ﻟﺪﺭﺟﺔ ﺃﻥ ﺍﻟﻨﺎﺱ ﻛﺎﻧﻮ ﻛﻴﺘﻔﺎﺩﺍﻭ ﻳﺒﻨﻴﻮ ﺣﺪﺍﻫﺎ ﺩﺍﻛﺸﻲ ﻋﻼﺵ ﺑﻘﺎﺕ ﻣﻌﺰﻭﻟﺔ ﻋﻠﻰ ﺍﻟﻤﺪﻳﻨﺔ ﺃﻭ ﺗﺎ ﺍﻟﺪﻳﻮﺭ ﻟﻲ ﻛﺎﻧﻮ ﺣﺪﺍﻫﺎ ﻣﺎﻟﻴﻬﻮﻡ ﻣﺸﺎﻭ .... ﺣﻴﺖ ﻓﻲ ﻛﻞ ﻟﻴﻠﺔ ﻛﻞ ﺷﻬﺮ ﻛﻴﺴﻤﻌﻮ ﺃﺻﻮﺍﺕ ﺧﺎﺭﺟﺔ ﻣﻦ ﺩﺍﻙ ﺍﻟﺤﻤﺎﻡ ... ﺃﻧﺎ ﻗﻠﺖ ﻟﻴﻬﻢ ﺧﻠﻴﻮﻧﺎ ﻧﻤﺸﻴﻮ ﻣﻦ ﻫﻨﺎ ﻭﻻﻛﻦ ﻣﺴﻤﻌﻮﺵ ﻟﻴﺎ .... ﺃﻭ ﺗﺎ ﺃﻧﺎ ﻛﺎﻥ ﻗﺎﺗﻠﻨﻲ ﺍﻟﻔﻀﻮﻝ ﻧﻌﺮﻑ ﺍﻟﻠﻐﺰ ﺩﻳﺎﻝ ﺩﺍﻙ ﺍﻟﺤﻤﺎﻡ ﺃﻭ ﺩﻳﻚ ﺍﻟﺪﺍﺭ .... ﺑﻘﻴﻨﺎ ﻛﻨﻘﻠﺒﻮ ﻓﺪﺍﺭ ﻛﻠﻬﺎ ﻭﻻﻛﻴﻦ ﻣﻠﻘﻴﻨﺎ ﻭﺍﻟﻮ ﺃﻭ ﻃﻠﻌﻨﺎ ﻣﻊ ﻭﺍﺣﺪ ﺍﻟﺪﺭﻭﺝ ..... ﺧﺮﺟﻨﺔ ﻓﻲ ﻛﻮﻟﻮﺍﺭ ﻓﻴﻪ ﺑﻴﺖ ﺑﺎﻳﻦ ﺑﻠﻲ ﻛﺎﻥ ﺩﻳﺎﻝ ﺷﻲ ﺑﻨﺖ ﺃﻭ ﺩﺍﻙ ﺍﻟﻜﻠﻮﺍﺭ ﻛﻴﺪﻱ ﻣﺒﺎﺷﺮﺓ ﻟﻮﺍﺣﺪ ﺍﻟﺒﺎﻟﻜﻮﻥ ﻛﻴﻄﻞ ﻋﻠﻰ ﺍﻟﺤﻤﺎﻡ ...... ﻓﺎﺵ ﻭﻗﻔﻨﺔ ﻓﻲ ﺍﻟﺒﺎﻟﻜﻮﻥ ﻛﺎﻧﺖ ﺍﻟﺼﺪﻣﺔ ﺍﻟﻜﺒﻴﺮﺓ ﺑﺪﺍﻛﺸﻲ ﻟﻲ ﺷﻔﻨﺎﻩ ﻛﺎﻧﺖ ﻫﺪﻳﻚ ﻫﻲ ﺃﺳﻮﺃ ﻟﻴﻠﺔ ﻓﻲ ﺣﻴﺎﺗﻨﺎ ...ﻳﺘﺒﻊ . ملي قربنا لبالكون لقينا بلي ضلام الحال ستغربنا حيت دغية داز الوقت بحال الى كنا في شي تنويم مغناطيسي...؟ أم الصدمة التانية أن الحمام كان خارج منو الدخان بحال الى كان شي حد شاعلو كيعوم فيه..... قررنا نمشيو نشوفو الحمام أو قصة الدخان لي تالع منو... فاش كنا غادين في الكولوار لي كان مديق ديزين واحد ورا واحد كانت انا أخر واحدة في الصف... سمعت شي حاجة وراي درت نشوف ملقيت والو أو كملت تريقي تا وصلت حدا البيت ديال البنت أو سمعت تاني شي صوت هاذ المرة سمعت سميتي وانا نتسمر فبلاستي... قلت ليهم واش سمعتو سميتي قالو ليا مسمعنا والو الخوافة... ولاكين أنا كنت متأكدة بلي سمعتها فاش هبطنا مع الدروج سمعت صوت الباب ديال البيت تحل قلتها ليهم متيقونيش.... الا واحد الصديق هو لي قرر يرجع معايا باش نتأكد بلي مكين والو.... أو فعلا رجعنا انا وياه أو لاخرين سبقونا لحمام تنلحقو عليهم ... مني وصلنا لباب ديال البيت لقيناه مسدود او هو يقول ليا شتي را مسدود مي أنا كنت متأكدة بلي سمعتو تحل أو حاول يحل الباب لكن متحلش ليه حيت مصدي أو قلنا نمشيو لحقو على لاخرين... في اللحظة لي عتينا الباب بدهرنا سمعناه تحل هاذ المرة سمعناه بجوج دارنا لقيناه محلول ستغربنا.... أنا تخلعت أو قال ليا الدري لي معايا واقيلة تحل حيت جربنا نحلوه مع هو قديم . قلت ليه أنا غادة نمشي فحالي تمينا هبطين من الدزوج أو حنا نسمعو الغوات جاي من برا مشينا كنجريو لقينا صحبتي كتغوت تجمعنا عليها سولناها مالها ٌقالت لينا بلي شافت شي حد كيطل عليها من شرجم .. فاش هزينا راسنا جيهت الشزجم لقيناه كين في نفس البيت لي سمعتو تحل.... قررنا نمشيو من ديك الدار ولكن كان ناقص منا واحد سولهم الدري لي كان معايا عليه قالت ليه بلي دخل لحمام أو باقي مخرجش... قررنا منتفارقوش أو نعيطو عليه من برا باش يخرج لكن مجاوبناش... خفنا تكون وقعات ليه شي حاجة داكشي علاش دخلنا مجموعين باش نشوفو فينو.... فاش دخلنا لداك الحمام الأسطوري حسيت بالبرد أو الرعدة شفنا في البيت اللول ملقيناهش.. أو لي دهشنا كثر أن ذاك الحمام لقيناه باقي نقي أو جديد بحال الى ياله تبنا الرخام باقي كيشعل بنقا أو الحيوط تاهما كيبريو.. دخلنا اليقين ديك ساع بلي البلاصة فعلا مسكونة... أو في ديك اللحظة سمعنا صوت الدري لي كنقلبو عليه غوت مشينا كنجريو جيهت الصوت لي كان جاي من البيت الدخلاني ديال الحمام ملي وصلنا تصدمنا من داكشي لي شفنا شي بدا يغوت شي بدا كيبكي أو انا تسمرت في بلاصتي أوو طلعات ليا البرودة مع رجلي من داكشي لي شفت...يتبع

لقينا الدري في الأرض ناعس على ضهرو أو حوايجو عامرين بدم أو الحيط بدا كينزل منو الشعر لونو بيض ,, مشا الدري لي كان معايا كيجري باش يجيب لاخور لي طيح في الأرض لاكن محدو كيحاول يهزو محد الشعر كيزيد يطلع ليه مع ذاتو.... تشجعت أنا او مشيت نعاونو بقينا كنجروه تا قدرنا نفكوه من داكشي أو هو ينوض مخلوع أو زاد تخلع فاش شاف الدم في الأرض أو الشعر البيض مشينا كنجريو جيهت الباب لكن الباب تسد أو مبقاش باغي يتحل لينا بقينا مضربين معاه أو البنات كيغوتو.. شوية بدينا كنسمعو بحال شي بنت كتعدب أو كتغوت أو حنا جاتنا حالة هيستيرية من داكشي... لي شافنا أو سمعنا... أو فديك الأتناء لي كنا مضاربين مع الباب) لي كان مصوب من الأليمينيوم او كان كيعكس الصورة بحال المرايا( باش يتحل شفنا فيه بنت كان شعرها كحل أوفيه بلاصة بيضة كانت البشرة ديالها شاحبة بحال الموتا أو كتمشي بحال الى كان ضهرها مهرس كانت جايا جيهتنا فاش درنا نشوفو لقيناها غبرات... زاد الخوف سكن فينا كثر أو كثر... أو مع المحاولات تحل لينا الباب أو خرجنا... لكن الحديقة مبقاتش كي خلينها المرة الأولى شي حاجة تبدلات فيها... فالأول معرفناش أشنو أو مكناش بغين نعرفو لكن فاش وصلنا لباب لي كيخرج ملقيناش لقينا فبلاستو سور أو بزاف ديال الشجر... بدا شي كيشوف في شي ولينا بحال الى دخلنا لشي دواما مبقيناش عرفين كيف نخرجو منها أنا جلست كنبكي فبلاستي او هما مخلوعين معرفناش اشنو نديرو.... بدينا كنسمعو أصوات ديال الضحك أو هاد الأصوات غادا أوكتقرب بدينا نشوفو فحميع الجويه مدهوشين أو هو يبان لينا الضو شعل في بيت البنت أو الخيال ديال كرسي كتحرك من الشرجم... بدينا كنجريو في ديك الحديقة كنقلبو على منين نخرجو... أو هي تبان لينا نفس البنت تاني وسط الشجر كتشوف فينا من تحت شعرها.. شويا بدات كتغوت  عتقوني....عتقوني  أو محدها كتغوت أو الملامح ديالها كتبدل أو كتعواج كاملة... أو حنا معرفينش فين نهربو أولا منين نخرجو شوية اختفات تاني .... من ديك البلاصة أو رجع كلشي كي كان حتى الباب... شفناه أو مشينا خرجنا من تم بلا عقل... فاش خرجنا ضنينا بلي تخلصنا من داكشي لي فديك الدار أو فداك الحمام لكن الحقيقة كانت خلاف دكشي حيت ديك البنت لي شفنا ولات تابعانا فيما مشينا... وليت كنشوفها في أحلامي.. أو تا في المرايا كنشوفها كنت كنحلم بيها كتألم.... كنسمع صوت الغوات أو كلقا في بلاصتي شعر بيض ... أو في واحد اليلة كنت ناعسة مع ديك 3 ديال الليل حسيت بشي حاجة فيقاتني.... فاش شعلت الضو تخلعت من امنظر لي شفت شي حاجة لي عامرني نساها أكتر حاجة خيبة بمكن يشوفها شي حد في حياتو...شفت الحيط نازل منو الشعر البيض أو من تحت الباب ديال البيت داخل الدم او البنت جالسة قبالتي في الأزض أو شعرها مدرق ليها وجها كامل كانت كتهضر مع شي حد... معرفتش أشنو ترا ليا كنغرت أو الصوت مكيخرش ليا بغيت نوض مقدوتش أو هي تم جايا ليا أنا حسيت بشلل فاشق قربات ليا سخفت.... مفقت تال الصباح لقيت ماما حدايا مخلوعة عليا قالت ليا شافوني خارجة بليل غادا جيهت الدار المهجورة.. أو بلي هوما لي حبسوني أو بديت كنغوت عليهم بهضره مفهموهاش...أو قالت ليا ماما بلي أسامة نتاحر... أسامة هو الدري لي لقيناه طيح في الحمام..... أوااه أسامة نتاحر لا ميمكنش يكون بصح.. مشيت لدارهم لقيت ماماه أو الناس بزاف قالت ليا بلي الدراري لخرين كينين في بيت أسامة مشيت عدهم لقيتهم كيهضزو أو مصدومين.. شافو فيا أو قالو واش حتى انتي كتشوفيها... آه تا أنا عرفنا ديك ساعة بلي درنا خطأ كبير مني مشينا لديك الدار بدينا كنقلبو في حوايج أسامة أو حنا لقاو ورقة مكتوبة بدم أو فيها شعرة بيضة مكتوب عليها  أسامة الأول أو مازال نوبتكم فاش قرينا هدشي تخلعنا أو دزنا باش نتلاقاو الغد ليه فصباح... فاش رجعت لدار مشيت ديريكت لبيتي ولكن مبغاش يديني نعاس شوية سمعت الشرجم كيتزعزع بحال لكان شي حد باغي يحلو نات نشوف أشنو داكشي... مني قربت لشرجم كنشوف شوي بان ليا وجه ديك البنت فجاج بحال لكنت غادا تلاح عليا غوت أو تحت في الرض أو هيا جايا ليا وانا راجعة بلورانية كنزحف على يدي أو كنغوت حتى حبسني الحيط سديت عيني أو بديت نعوت...يتبعحسيت بداكشي شد ليا فكتفي بديت كنغوت وانا نسمع صوت ماما كتقول ليا مالك قالت ليها كنت تابعاني باغا تقتلني فالت ليا مكين والو قرات عليا شوية تا نعست أو ديك ليلة باتت معايا أو مع 3 ديال الليل تاني حست بشي حاجة كتشدني من رجلي أو الغطا طالع... طليت لقيتها كتشوف فيا أو فمها عامر بدم شفت فرجلي ملقيتهاش لفراش عامر بدم..... كلات ليا رجلي كولشي ترا بزربة بديت كنغوت او نبكي فاقت ماما مخلوعة مالك مالك أبنتي كنغوت ونقول شوفيها كتاكول ليا في رجلي,... ماما كتشوف مكيبان ليها والو بدات كتهدأ فيا أو جابو ليا الما ديال القرآن شربوه ليا أو قرا عليا بابا القرآن حتى رتاحيت... فديك اليلة بقاو جالسين حدايا حتى الصباح مفاهمينش مالي... فصباح فاش فقت حسيت بلحمي كيدرني فاش شفت لقيتني كاملة معضوضة أو حتى ماما شافتهم أو بدا كتبكي... أنا تفكرت بلي دايرين باش نتلافو أنا أو الكليكة ديالي.... مشيت لقيتهم جالسين كيعاودو لبعضهم داكشي لي عاشوه ديك الليلة حتى هما تسنينا نوال لكن مجاتش... نوال هي لي غوتات فاش كنا في الدار كانت شافت البنت من الشرجم... مشين عندها لدارهم لقين عدهم البوليس او الروينة أو الناس مجموعين.... مفهمنا والو بانت لينا ماماها مشينة عندها قالت لينا بلي نوال ماتت مقجوجة بي سلك في عنقها أو صبعانها مقطعين من يديها أو الحيط ديال بيتها مكتوب بالدم فيه  نوبتك جايا سيزو فين مشيتو النهار الأول ألى بغيتو نبعد منكم شدنا الدهول فديك اللحظة ما حيلتنا نبكيو على صحابنا لي ماتو أولى نبكيو على ريوسنا أو فين ولينا..يتبعقررنا نمشيو نواجه مصيرنا تافقنا نمشيو فنفس الوقت لي مشينا فيه المرة ألأولى.. وصلات 4 ديال العشية أو مشينا دخلنا لديك الدار الملعونة... سنمنا الباب البراني ترضخ قفزنا من بلاصتنا لكن لي عشناه كان كثر ... مشينا أو هيا تبان لينا بحال الى بغاتنا نتبعوها تشجعنا أو تبعناها شفناها دخلات لحمام... خفنا مقضرناش ندخلو بقينا برا شي 10 ديال الدقيق عاد قررنا ندخلو ملي دخلنا لقينا داك الحمام مريب من الداخل مبقاش كي كان المرة الأولى بقينا مدهولين بالمنضر شوية بدا تكتبان الكتبة في الحي طبي الدم " أنا مقتولة أنا معدبة أنا هنا مدفونة حرروني ولا نديكم معايا" تخلعنا أو بدينا كنبكيو.... حنا مالنا أشنو درنا أشنو دنبنا..... سمعنا ثاني صوت الضحك مخلط مع البكة أو شفناها جايا على يديها أو رجليها لجيهتنا بحال شي حية باغا تصيد الفريسة أو كدير أصوات بحال ألأنين.... عينيها خارجين من تحت الشعر عرفنا بلي شيحاجة غادا توقع... هربنا منها لكن البنت لي كانت معانا زلقات أو تاحت على حديدة تخشات ليها في راسها منضر مروع بزاف شفناها وقفات ليها عند راسها أو بدات تشوف فيها مرا تضحك مرا تبكي.... دابا بقيت غير أنا أو الدري لي كان رجع معايا فالأول وقفنا قدامها منهارين كنطلبو فيها تبعد منا تعطينا التيساع... بدات كضحك أو جات جيهتنا مي حولنا منهربوش.. هدي كانت هي نقطة الضعف ديالها مني مهرابناش منها تحولات من ديك البنت المخيفة لهيئة بنت آية في الجمال عدها خصلات من الشعر ديالها بيض كانت زوهرية أو قالت لينا بلي روحها دبا تحررات أو بلي مدفونا في الحمام من بعد ما عدبوها أو قتلوها جابوها دفنوها في الحمام فاش كان كيتبنا أو المرا لي داتها كانت ساحرة كتقلب على الكنوز.... بانت لينا البنت تالعة فسماء أو كتغبر تا مبقاتش بانت... معرفتش اشنوترا من بعد تا لقيت راسي فس الصبيطار قالت ليا ماما بلي 7 أيام وانا ناعسة مكنتحركش أو بلي لقاوني أنا أو الدري لي معايا في الدار المهجورة سخفانين أو البنت الأخرة ميتة أو ريبو الحمام أو لقاو الجتة ديال البنت مدفونة أو تا الدري لي كان معايا ولا لباس عليه أو بقا سر البنت الزوهرية معنا ديما..... أو من ديك الحديثة مبقيتش رجعت لديك المدينة..... النهاية