انا نوفل عمري 39 عندي مشروع صغير ديال مواد البناء جيت نحكي لكم قصتي لي مبحالها قصة القصة لي خرجتني الطريق وبلاتني ونساتني فالغالي والنفيس فعشقي ليها لي ما صانتوش ل معطاتوش قيمة فقلبي لب عطيتو ليها وجرحاتني فيه ودارتو تحت رجليها عطيتها حياتي قتليها غير خوديها عطيتها روحي دارت فيا ما بغات وانا ما بغيت والو من غيرها هي حمقاتني تلفاتني وجاني عدابها عسل انا ولد الدار الكبيرة ولد دارنا الناس الملاح الصلا والدين يضربو بعيلتي المتل ولد الحاج احمد لي هو انا وولد الحاجة خديجة مالين الصواب والادب الوحيد عند والديا انا فهاد الدار تزاديت وبينهم كبرت وتعلمت الصلا والاداب ساعا دازو الايام بحالا ماتعلمت وماحفضوني والو ....
كنت فالعشرينات فديك الفترة ملي جاو جيرانا الجداد يسكنو حدانا كانو ناس الله يعمرها دار متكونةمن الام مليكة وختها يعني خالتهم و ولد صغير علي وبنت كبر منو بشوية هي رانيا كان الاب ديالهم متوفي بفترة قصيرة وهكدا ولينا كتر من الجيران ففترة قصيرة.حيت كنا ندخلو عندهم ويجيو عندنا وباش نهار تخصهم شي حاجة كيقولوها للحاج بنتهم رانيا كانت صغيرة بزاف كنت نهزها ونكلس نلعب معاها ونخرجها معايا للجردة ونشريليها لي بغات كانو يقولولي انت لي غتفششها كانت عزيزة ومازال عزيزة عليا كانت فيها الحركة بزاف وكنتابه لتحركاتها كانت كتكون كتلعب فالزنقة وانا كنبقا نتفرج فيها كنت واصل مرحلة النضوج وهي مزال مابلغاتش كنت متفوق فالدراسة ديالي وانا كنزيد خطوة فحياتي ورانيا كتحل عينيها على الدنيا كنت نقريها ونخرج ليها دروسها وكانت تشوفني تجي تجري لعندي واخا كانت صغيرة كانت كتجدبلي عقلي وانا مكنتش فاهم علاش ولا كيفاش دازو اعوام وعشت حياتي عادي تصاحبت وخرجت وشفت ،ورانيا يالله غتبدا تعلم الحياة مشاكلي هنا تبدا بديت مشروعي بمساعدة من الاب ديالي وخدم ليا مزيان وطورتو و كنشوفها كل يوم فالحي وفكل وقت والمشاعر ديالي كتكون وتزيد تكبر وتبان نهار على نهار
رانيا كبرات وبلغات وبدات طوال وانوتة ديالها بدات تبان وعقلها بدا يكبر شوية بشوية كنت شاهد على مراحل الطفولة ديالها عاشتهم قدامي كتجي عندي نخدم معاها تمارينها كنبقا نشوفيها ونسا علاش جات وهي مازال مافاهما والو كانو ضارهم بداو يحبسوها تخرج ولا تجي عندي حيت بدات تكبر رانيا ولات عندها 17.5 سنة . وانا عندي تقريبا39 سنة
مكنتش فاهم مالي ولاكيفاش وحتى علاش بديت نغير عليها من الزنقة من المدرسة وحتى من ضارهم وليت نشريليها ونجيب ليها وهوما مافاهمينش بلي وليت نبغي بنت كون ولدت قدها مافاهمينش وحتى الى فهمو ماغايعضرونيش شحال من واحد غيقول لا صغيرة بزاف ولكن القلب ماشاورنيش واقيلا بغيتها حيت كانت قدام عينيا كاع الوقت وتربات على يدي. بدات رانيا تقرا فالتانوي من بعد الدخول المدرسي ومن بعد مادازت 5 اشهر الاولى كانت رانيا ندامجات كنت نتساها بلعاني وندير السبة بالخدمة ونقوليها نوصلك وكانت بطبيعة الحال توافق كنديها ونردها مرة مرة باش متحسش بيا عيقت عليها كانت تركب حدايا وتسمع موسيقى وتزيد الصوت وتبدا تعاودلي على جو المدرسة وانا كنستمتع بالهضرة ديالها وكانزيد نلصق فيها (رانيا عندها عوينات كحلين وشعر كحل طويل زينها عربي قصيرة. ورقيقة زوييييينة) كنت نبقا نشوفيها ونحقق فيها ونحاول نطول الطريق باش تزيد تبقا كالسا معايا دازو هاد خمس شهور على هاد الحال والنهار لي منديهاش فيه كانكون حاضيها من بعيد
تغيرات رانيا وعرفات تلبس حوايج مزيرين وعرفات الماكياج وبداو عينيها يتحلو عرفات البنات وحلو لها العينين
واحد النهار كيف العادة داير السبة كنفطر فالزنقة باش نوصلها فاتت التمنية دالصباح مادازتش كنت خديت توقيت المدرسي ديالها من المؤسسة التعليمية لي كتقرا فيها
نسا خدمتي ونوصي الخدامين عندي يردو البال على مانجي
تسنيت رانيا وانا كالس فوق الجمر مابانتش تسنيتها حتى ل 9 ومشيت لخدمتي خدمة لي خصو يتخدم وانا عقلي ف رانيا علاش مامشاتش تقرا واش غتبدا تغيب من اول السنة وكيفاش دارهم يسمحوليها تغيب وماتمشيش تقرا بديت نعاتب ونفكر ليها ولمستقبلها بالنيابة عليها ساليت شغالي ومشيت للدار رديت البال مابانتليش فالحومة ولا فالحانوت وحتى حدا دارهم مكيناش
اوووووه فين هي هادي غابرا اليوم؟
دازت اربع ايام وانا حاضي دارهم امتى تخرج منها وملي نجي من الخدمة نسول عليها كيف العادة كنفيق الصباح كنتسناها الى برات وبغات تمشي المدرسة نديها
بقيت واقف كنفطر زعما وانا حاضي لا تبان ليا مابانتش لي لا كيفاش بلاتي نشوف شهاد الحالة دايرا فراسها جاية لابسة سروال غايطرطق ومعكرة وانا وحلات ليا الماكلة الاعصاب ركبوني زيرت راسي وابتاسمت ليها
اهلااااااا بالزويونة كيف بقيتي
رانيا:غير سكت ضربني البرد كنت غانموت تخوا عليك الحومة قالت هاد الجملة بحال الى عارفة راه بلا بيها ماشي غير الحومة راه الدنيا تخوا وتضلام عليا جاوبتها بجواب فيه المعاني لكن بلا منفكر فيه خرج بوحدو علاش انا نقدر نعيش بلا بيك بعدا حبست مشاعر الغضب ما بغيتش نغوت عليها تحكمت فمشاعر ديالي وشنو نقوليها وباشمن حق هي كتهدر معايا وانا كنشوفيها كنشوف ف فمها ونقول استغفر الله العظيم فين مشا بالي كنشوف عينيها سبحان من صورك الماكياج زادت بانت بيه وكنفكر فالعينين لي غايتحطو عليها نعميهم وصلتها للمدرسة نزلات وانا دمي كيفور والااعصاب طالعين لي دازت من حداه يشوفيها جا واحد داز من حداها ضسر عليها محملتوش ومحملت راسي بقيت حاضيها تادخلات خفت ندابز وندير ليها مشكل فالمدرسة حتى دخلات وتبعتو واش ما عندك واليدة ماعندك خوت كالس تضسر على البنت غير حشمت كون كرفصتك قدام عباد الله سمحليا والله ماعرفت واش خوها انت ولا معاها ماديرهاش مني قلت الصواب
طلقتو بلا منطق بحتى كلمة بطبيعة الحال غايسحابلو خوها وانا قدي قداش ميمكنش نكون صاحبها ولا خطيبها
هدرتو ضراتني وهرساتني من داخل رجعت طوموبيلتي وخاطري مهزوز وبديت نقوي راسي براسي انا ما فيا مايتعاب بخدمتي وفلوسي وزوين اي وحدة تمناني العمر اكيد ماشي مهم الى كان الحب، الى عرفات شحال تنبغيها مغتفكرش فحوايج خرين انا متؤكد.....
ديماريت ومشيت وانا كنردد هاد الهدرة فراسي حتى وصلت لخدمتي ودوزت النهار كاااااااااامل بصورة رانيا فبالي بالمكياج والعينين لي غايكونو شافو الزين لي راه ديالي بوحدي وحالف مايديه غيري!!!!!!!
بديت نحس بمسؤولية اتجاه رانيا وغادا وكتزيد ولات طرف مني حاضيها وحاط عليها العين عارفها مزاال صغيرة وماعارفاش خايف يديها لي شي حد منسمحلوش نقتلو قبل مايديها.تلفت وماعرفت اش هاد البير لي طحت فيه ماباقيش نخرج منو وانا لي فقالبي ماعالم بيه غير الله وليت نعيش المراهقة من الاول كلشي على قبلها هي درتو. رانيا دارت الصحابات والصحاب وتعلمات القوالب وانا كي الهبيل نديها ونحضيها من بعيد لا طير من يدي فهاد الفترة نوفل ولا يكمي ااااايااااااه وليت نكمي بسبابها هي وليت نتعصب نكمي ونبرد فيه دمي. كنشوف راسي معدب بغيت بنت صغيرة بزاف ومنقدرش نبعد عليها بغيتها وولفتها منقدرش نفرقها دازو الايام وانا على هاد الحال. كان يوم الاحد كلست انا والحاجة نشربو اتاي وكنهضرو ف شلا حوايج حتى فاجآتني ب سؤالها اوا اولدي ماناويش نفرحو بيك ونهزو ولادك؟؟!! طرحات سؤالها ورانيا كنشوفها هي مراتي ولكن واش نقوليها بغيت بنية صغيرة مغتقبلش الفكرة والحاج غايتصدم بقيت ساكت وباش نهرب راسي من هاد الموقف قلت ليها يكون خير.دخلت بيتي باش نعس ولا بلا كدوب دخلت باش نفكر فيها على راحتي اشنو غندير وانا واصل 40 سنة واش ندير الخاطر لدارنا ونعدب قلبي ونعيش فالجحيم وروحي عند رانيا كيف ندير واش نبقا بلا مندير وليادات وجاوبت راسي براسي.. اه نبقا بلا حتى حاجة مابغيت زواج الى ماكانتش رانيا غتكون مراتى كيف ندير نتزوج وانا قلبي مملوك بيد وحدة اخرى كيف ندير نعيش فدار وحدة مع مرا مكنبغيهاش ونولد معاها .. بغيتها هي ما بغيت وحدة اخرى فحياتي نعيش بيها ونموت وهي فقلبي.
داز اسبوع من ورا هدشي و الام ديالي بدات تقلبلي على بنت نتزوجها وانا مفراسيش وتاصلات بيا فالخدمة باش نجي شوية بكري وفعلا خرجت بكري من الخدمة ومشيت للدار حطيت الطوموبيل ولقيت رانيا واقفة فالباب وواحد الولد واقف فراس الدرب حاضيها وقفت عليها كانت حادرا راسها ومرة مرة تهز راسها تشوفيه شافتني وقادات الوقفة خويا نوفل لاباس؟ وانا مازال كنتمعن فديك كلمة خويا معجبتنيش وطلعات لقلبي بحال السم .رانيا شواقفة فهاد الوقت كاديري قدام الباب معندك دروس ؟ دارت عينيها فعينيا وقالت لي بكل تقة فالنفس :والو يالله خرجت بغيت نشم شوية دالهوا.وبديت نشوف فداك الولد لي واقف فراس الدرب وحس بيا عقت بيه وزاد تحرك ضرت نشوف ف رانيا لقيتها كتشوف فيا وابتاسمات قلت ليها يالله دخلي وسدي الباب ضحكات وقالتلي واخة شحال عجباتني مين سمعات كلامي فرحت وبديت نبتاسم وحسيت عندي كلمة عليها دخلت للدار لقيت الواليدة والحاج لبسو قلت ليهم فين غادين بتاسمو وقالولي بدل حوايجك راحنا معروضين عند عمك قلت ليهم واخا غير نبدل حوايجي دخلت وبدلت وركبنا ومشينا لقينا ولاد عمي وبناتو كلشي كاين كلست مع الرجال والعيالات مجمعين فبيت اخرى حتى تعشينا وتجمعنا وقالت لي مرات عمي اوا راه قالت لي حاجة راك نويتي تكمل دينك والضفر ما كيخرج من اللحم والدم تيحن فالدم وانا مافاهم والو وكنقول علاياش كتهضر هادي انا كنقول ليها غير ااه داكشي لي كاين هي تقولي اوا الله يكمل بالخير جات بنت عمي المتوسطة وكلسات لابسة قفطان ما فهمت اشنو طاري كلس كلشي وحطوني قدام الامر الواقع عمي بدا يهدر وانا مصدوم ولدي نوفل الحاجة والحاج قالولنا بلي بغيتي تكمل دينك وخليتي الحاجة تختارلك وحنا مغنلقاوش حسن منك لبنتي سيهام وانت مغتلقاش حسن من سيهام حنا خوت وغانوليو نساب ولكن خصني نسمع هدرا منك شفت سهام وشفت رانيا فيها بدا راسي يضور شفت فالحاجة لقيتها كتشوف فيا هي والحاج ووجوهم مكتفسرش شفت فخوتها لقيتهم كيتسناوني نهدر مالقيت وما عرفت اش خصني نكول قلت ليهم لي دارتوها هي لي كاينة.قررو نقراو الفاتحة بلا منضيعو وقت ومن بعد 15 يوم خطبة رسمة والخواتم بداو يقراو وهزيت يديا معاهم نقرا فاتحتي وانا كنفكر فالكتكوتة ديالي حب حياتي كاملة نزلنا باش نمشيو بحالنا وتسالمت انا وسهام وانا كنتصنع الابتسامة قدام كلشي وبلي انا فرحان وانا ربي بوحدو لي عالم بيا فديك اللحظة كنخسر اغلى ما عندي.وصلت للدار وانا مقرر منفتحش موضوع مع دارنا على التصرف لي دارو والزربة لي زربو بلا ميتشاورو معايا سكت ودخلت لبيتي بقيت كالس فيها حتى نعسو وخرجت بقيت واقف قدام باب رانيا وكنقول:تكون حبيبتي نعسات منعرف واش تعشات ولا تفششات عليهم كي كاتفشش عليا كون غي تعرفي بلي راه على قبلك كي صرا فيا هاكدا كون غير تحل الباب دابا ونشوفها هزيت طوموبيل ومشيت حدا البحر وبديت نتكلم انا وقلبي ونكمي فالكارو واحد ورا واحد ويديا يرجفو الله ياربي شهاد العداب وشنو هاد الموقف نتحط انا فيه نبغي بنت جيرانا لي عندها 17 عام علاش ياربي مابغيت وحدة قريبة ليا وكان ساهل نتزوجها علاش هي بالذات نطيح فشبكة درية صغيرة مراهقة
الله ياربي شهاد العداب وشنو هاد الموقف نتحط انا فيه نبغي بنت جيرانا لي عندها 17 عام علاش ياربي مابغيت وحدة قريبة ليا وكان ساهل نتزوجها علاش هي بالذات نطيح فشبكة درية صغيرة مراهقة عييت بالاسئلة وسلمت امري لله ومشيت رجعت للدار ونعست كاو تال الصباح. وقفت فالباب كنتسنا رانيا حتى خرجات رانيا:صباح الخير نوفل:صباح الخير قاريا؟ رانيا:واه مالك نوفل:لا والو غير يالله فايق تسنايني فراس الدرب نجيب سوارت دخلت للدار وهزيت سوارت وركبت نوصلها ماشي كيفما ولفاتني نهدر معاها كي نشوفها هاد المرة خاطري كان مغير بزاف ركبات حدايا وريحتها كتفوح بان لي العكر ففمها هاد المرة مافكرت ما اختاريت: رانيا مسحي داكشي من فمك الله يرحم ليك الواليدين بدات تمسح بالزربة بحالا خافت مني مابغيتهاش تخاف مني بحال خوها تخاف مني ك راجل كيغير عليها كاع الطريق ساكت وهي كل شوية كتبدا تشوف فيا وصلتها حدا المدرسة ماقلت ليها والو غير نزلات زدت بالطوموبيل بقات واقفة متبعاني وانا كنشوف فيها فالمراية دالطوموبيل حتى مبقاتش تبان مشيت للخدمة بقيت غير كالس عيطات لي سهام بقيتي غير نتي دابا لي ناقصاني ماجاوبتهاش حيت ماعندي مانقول ليها ولا فاش نهدر معاها وصلات العشية خرجات رانيا ولقاتني بالطوموبيل قدام الباب قالت سلام ورديت السلام وبقينا ساكتين مهدرناش حتى وصلنا للحومة وكل واحد دخل لدارهم وهي مستغربة مافاهماش مالي دخلت للدار لقيت الواليدة كالسة مارداتش عليا السلام مي مالك من امتى ا نوفل وليتي تكمي من امتى ريحتك ولات غير كارو حتى بغينا نزوجوك ودير دارك عاد تبليتي ا لحاجة راه غير.....سكت متكدبش جيت نصبن الجاكيت لقيت باكية خاوية وكلها ريحتها كارو وباكية حدا حوايجك اشهادشي تعصبت بزاف وقلت ليها بغيت نكمي وكميت خرجت مع الباب حيت ماملفش نرد على دارنا الهدرة مشيت بديت نضور من شارع لشارع من قهوة لقهوة حتى عيط لي صاحبي منير وعرض عليا نمشيو نشربو ووافقت بغيت نساها بغيت نحيدها من بالي بغيت نسا حتى سميتها بغيت نحس بلي معمرني عرفتها مشينا وكاس من مور كاس وهي كاتزيد تبان ليا غير هي ماحسيتش براسي تالقيت راسي ناعس فناموسيتي ف دارنا امتى وكيفاش وصلت معقلتش الصباح فقت معطل تال 2 لبست وخرجت كنتسنا رانيا لي غتخرج مع الربعة شفتها جاية لابسة سروال دجين وقاميجة كحلة بديت نهدر مع راسي. وهي غادا وكتقرب لعندي...
كتكوتة ديالي شحال زوينة بديت نبتاسم رانيا:اوا لااااااباااااس اليوم راك ضاحك نوفل: بغيت نهدر معاك راني غانطرطق رانيا: اه نهدرو خوي قلبك عليا ديماريت وبديت غادي كنفكر كيغاندير نبدا الهضرة خرجة من المدينة ووقفت فواحد البلاصة باش نهضر على راحتي قلت ليها نزلي اجي نوقفو هنا. وقفت وبديت كنشوفيها وعينيها مقدرتش نبقا نشوفيهم دوخاتني نوفل:رانيا واش مستعدة تسمعيني وتحسي بيا ؟ رانيا: اه غير هدر بقيت ساكت شوية سديت عينيا وحدرت راسي وبديت كنهدر بلا منفكر فشنو غنقول ليها رانيا نتي تربيتي قدامي وتربيتي على يدي كنت حاضر فكاع مرحل لي دزتي منهم حتى كبرتي ماكنتش باغي ولا مخطط لهادشي لكن نهار على نهار عشقت فيك كاع تفاصيلك زينك هضرتك غواتك فشوشك عليا كلشي عشقتو انا كنبغيك بزاف عارف عارف حشومة هاد الهدرة لي كنقول نتي صغيرة مني بزاف ويمكن كنتي تعتابريني بحال خوك وغاتصدمك هاد الهضرة اييه عارف ولكن مقدرتش نصبر نبقا ساكت حتى طيري من يديا خصك تعرفي انا مكنشوفكش غير ختي كنشوفك ختي ومرتي كلشي فيك نتي ماقادرش نعيش بلا بيك قلت الهدرة لي كان خصني نقول قلبي قالها وبقيت ساكت مقدرتش نشوف فوجه رانيا وتواني حسيت بعدهم بيديها ورا ضهري ناري واش كنحلم واش عنقاتني حليت عينيا كنتحقق وكنشوف مصدقتش ناري حضنها شحال حنييييين عنقتها وبقيت مزير عليها بحالا خايف تطلقني وتخليني وتصدمني شافت فعينيا وقالت لي السن ماشي مهم وبقات تشووووووف ف عينيا وعينيها خلعوني شوفتها زعزعاتني واخا هكداك متسوقتش المهم تكون حدايا وفين ما بغات توصل توصل ركبنا الطوموبيل وانا انسان واحد اخر فرحان كل شوية نشوفيها ونبتاسم وحتى هي نفس شي بقبنا هاكدا حتى وصلتها للدار وطلعت انا بحالي باش عاد ناكل حيت ماتغديت ما فطرت كي حليت عيني مشيت عندها.....
ساليت وخرجت للزنقة مع السبعة لقيتها قدام الباب قلت ليها وانا كنبتاسم واش كليتي ولا نمشي نجيبلك شي حاجة راني خارج بتاسمات وقالت راه كلييييت بقيت تانشوف فيها قلت ليها صافي دخلي وسدي الباب قالتلي واخا ودخلات وانا ماقاداني فرحة ركبت طوموبيل وانا كنفكر واش حتى هي كاتحس بشي حاجة من جيهتي ولا غير هدرة قالتها حيت بقيت فيها لا لا يمكن حسات بيا وبكلامي وعرفاتني نبغيها وكيفما قالت السن ماشي مهم مشيت لمحل تيبيع البورطابلات وخديت ليها واحد وخلصت الخط ديال شهر كان غدا عيد ميلادها غتكمل 18 فرحان حيت كتكوتة ديالي لي تربات قدامي بدات تكبر وغاتبدا معايا عامها الجديد مشيت كلست فقهوة وانا الفرحة باينا من عينيا ساعة مكملاتش فرحتي بدات تصوني سيهام معرفت ماندير حشمت منجاوبش... سهام:الو نوفل نوفل:اهلا سيهام كيدايرة لاباس عليك مالين الدار مزيان سهام:لاباس الحمدلله وانت مزيان كيف راك مع الخدمة وفين راك شكادير كنسمع الناس حداك اوووف هادي مالها ولات تدخل من دابا انا فين ولا معامن وشكاندير نوفل: ااه انا فالقهوة علاش هب مكتوجد ما والو خالتب على كتافها كلشي كتدوي بحشمة وانا مافاهمش علاياش تاتهدر هادي اش غانوجدو نوفل:مفهمتششششش سهام:اوا بعد غدا الخطبة نسيتي راه دازت 15 يوم واش داركم ما فكروكش ارتابكت بزاف وقلت ليها وانا كنتصنع الضحكة نوفل:ههههه لا رانب غير كنتمازح معاك واش كاين شي حد كينسا خطبتو ساليت الهدرة معاها بحجة صاحبي جا عندي للقهوة الله ياربي اش ندير كون قلت ليها الصراحة كون عمي تقلق عليا والحاج والحاجة تاهوما ناري الفرحة نساتني فالكارتة لب انا فيها بقيت كالس كنخمم وغابت الفرحة ديالي ومشيت للدار لقيت مالين دار كالسين كيوجدو فشي طباسل ديال التمر تصدمت بغيت نقول للحاجة تبعني للبيت باش نفتح معاها الموضوع انا مكنبغيش ومغنبغيش سهام قالت لي واخة واخة حتى نسالي هادشي لي فيديا كانو شي بنات خالتي جاو باش يعاونوها دخلت بيتي وبقيت كالس كنتسنا فالحاجة تجي عندي ساعة مطلعانش عندب خرجت كنطل فين هي باش ندوي معاها لقيت الضو مطفي وسالاو ونعسو تعصبت بزاااااااف ودخلت بيتي كنهدر مع راسي قلت غادي نصارحهم ماغانسكتش على هاد الفضيحة نتزوج بوحدة ماعمرني فكرت فيها ورانيا غيقبلو عليها هي صغيرة مني اش غيقول الحاج والجيران ودارهم هي ماسوقيش انا واخا مايقبل حتى واحد رانيا غانديها بقيت كنردد هاد الهضرة فبالي حتى للصباح فقت لقيت طباسل الحلوة والتمر والحنا وشلا حوايج فوق الطبلة حسيت بالعرق نازل مع ضهري وماما وخالتي وبنات خالتي بداو يزغرتو خلعوني بقيت كنشوفيهم ماعرفت شنو نقول ساعة مادويتش الحاجة لي دوات يالله فطر باش نمشيو نوفل:فين غانمشيو الحاجة تابعاني الخدمة الحاجة:لا ماكاينة خدمة اليوم راه عيط باك وقال للخدامين اليوم ماكاينة خدمة نوفل فقد اعصابو:مي واااا مي كيفاش تصرفي هاكا اوا كون خصني نعطي الكوموند لشي كليان ليوم ضروري شنو كنت غاندير عفاك متبقاوش تصرفو بحالا انا ماكاينش
بقاو كيشوفوفو فيا وبنات خالتي قلبوها ضحك وبداو يقولو راه وتراتو الخطبة خنزرت فيهم ودخلت لبيتي كنلبس وخرجت تباركلله على مولاي سلطان راك منور وانا معارفش حتى اشنو لبست قلت ليهم لبسو ربع ساعة ونجي نزلت كنجري فالدروج لقيت رانيا جايبا الخبز من الفران وقفتها وبديت نبتاسم ونسيت اش طرا هاد ااصباح نوفل:الغزالة ديالي حادكة رانيا: هههه هاك شوية خديت من يديها الخبز وكليتو وقلت ليها شنو اليوم رانيا:اليوم السبت نوفل:ااه اليوم السبت وشحال فالشهر رانيا: اليوم....اااه اليوم عيد ميلادي بدات رانيا كضحك وفرحات حيت مازال مفكرو نوفل:هاكي نتمنى يعجبك رانيا:جبتيلي تلفون اووووه شكرا بزاف علاش عدبتي راسك نوفل:إنا عداب عدابك الالة راحة حشمات وحناكها تزنكو بقيت كنشوفيها وخرجات مها بدات كتشوف فينا وتضحك مالكم ا العفارت بدات رانيا ضحك شوفي نوفل جابلي تلفون حيت اليوم عيد ميلادي قالت لي الحاجة ومالك ا ولدي مكلف راسك هاكدا حشومة كل مرة تجيب ليها حاجة عتقت الموقف وقلت نوفل: الله اودي الحاجة مدوزناش القليل.وفلوسي هوما فلوسكم ماكينش فرق شفت فرانيا وابتاسمات ليا وانا كدلك وطلعت للدار كنحاول نعطلهم باش مينزلوش وهوما برا حتى مشاو عاد نزلنا الطريق كاملة وانا ساكت وقاطع الحس وكنفكر بشي طريقة نخرج منو هاد المشكل لي انا فيه دزنا عند الحاج وهو كيوصيني راك راجل منخافش عليك حمر ليا وجهي الله ياربي غير سكت الحاج راه لي فقلبي ما عالم بيه غير الله وصلنا لدار عمي ولقيت ناس بزاف جاو وبداو ينزلو داكشي لي جابو وشفت الحاجة هازا الخواتم لي كنت نااااااسيهم قلت ليها الحاجة امتى شريتي الخواتم بدات الحاجة كضحك وقالت ليا كون عولنا عليك ا ولدي نجيو بيدينا خاويين راني خرجت انا وسهام ومها وشرينالها الخاتم بقيت كنشوف فيها وبداو الزغاريت وكلشي كيسلم عليا ويباركولي دازو الاحدات بالزربة وليت مرفوع عقلي ماحاضرش ما وعيت حتى ركبت ليها الخاتم وبديت نحس بالخاتم كيدخل صبعي عاد بديت نستوعب بلي انا خطبت وحدة اخرى من غير رانيا لي ساكناني..... سالات الخطبة وناس مشاو وانا كنشوف فالساعة امتى نمشيو بغيت نعيط نسمع صوت رانيا لي مها فهاد اللحظة كانت وصاتها متبقاش تاخد مني شي حاجة غالية على قبل الحاجة ماتنويش شي حاجة خايبة وعلى قبل الجيران..... بداو يخططو امتى غيكون العرس كانو باغين يديروه من ورا شهرين هاد المرة ماحشمتش وتدخلت وهدرت قلت ليهم يصبرو شوية على. مانكمل جميع الفلوس وختالقت اعدار ووافقو على هدرتي وتا انا حطيتهم قدام الامر الواقع واخا شوفات دالحاج معجبونيش حيت قاللي علاش اولدي حنا مخصوصين الى بغيتي غدا نديرو العرس ولكن انا حيت كنقلب على السبة قلت ليه بغيت عرسي ومراتي نصرف عليهم بفلوسي وفرحو حيت قلت مراتي وانا قلتها غير باش مايقولوش كنتهرب وبديت نعاتب راسي انا حمار ومتنساوش وماشي راجل كيفاش نقول لوحدة من غير رانيا مراتي قطعولي هاد اللحظة د العتاب لي كنت فيها باش نمشيو وزغاريت فالباب وانا العروسة ماعاقلش عليها حتى انا لون لبسات ركبنا الطوموبيل وانا كنعاتب فراسي علاش وافقت كان مخصنيش نلبسها الخاتم هاداك ديال رانيا ماشي ديالها او شنو ندير نخاصم الحاج هو وعمي ونحشمهم قدام الناس والواليد تاهو كيعاتب علاش قلتي ديك هدرة خير البر عاجله ونص الهدرة مسمعتهاش حتى وصلنا للدار واخييييرا طلعت لبيتي كالس كنفكر كانت 1 تقريبا صونيت على رانيا قالت الو نوفل فيقتها من نعاس سمعت صوتها فرحت بزاف
نوفل:الو الكتكوتة ياكما فيقتك رانيا:واه كنت ناعسة لكن دابا فقت صافي ابتاسمت وقلت ليها نوفل: شحال كيدوز الوقت طوييييل ملي متنشوفكش شحال ولفتك وولفت ضحكتك فحياتي مانقدرش نبعد عليك ولا نفرط فيك ولو نفكر منعرفش ومنقدرش رانيا:انا كنت حاسة بيك كتهتم بيا وكنت كنفرح بزاااف وكنحس بلي شي حاجة باغي تقولها ليا ومكتقدرش وحتى انا كتعجبني بزاف وكنفرح ملي كنشوفك دخلات هدرتها على قلبي بحال التلج حسيت برااااحة وترخيت مابقيتش معصب نوفل: ماعندكش مشكل حيت كبير عليك ؟؟؟ رانيا: لا المهم كتبغيني بزاف فرحت بزاف وبقينا كنهضرو وكنتعتودو حتى بدا يطلع النهار ودانا النعاس بزوج. لاحد وصل وحنا دخلنا لحياة بعضياتنا اما تنعيط انا ولا كتعيطلي هي نهار كامل وحنا هاكدا والليل كنهضرو حتى للصباح فقت فطرت بالزربة باش نوصل رانيا نوفل: الحاجة صباح الخير الحاجة : صباح الخير اولدي وجهك ضاحك ومنور اليوم اوا هاكدا نبغيك مابقيت شميت فيك ريحت الكارو الحمدلله راك بديتي تحس بالمسؤولية ماتسوقتش لهاد الجملة ومسمحتش لهاد الهدرة تبدلني وانا غادي نشوف حبيبتي نزلت قبل رانيا وبقيت كنتسناها الجيران كانو بداو يهضرو ويلاحظو اهتامي بوحدة صغيرة عليا وتصرفاتي معاها ولكن غيرتي عليها مكتحيدش وكتبان رانيا من عينيا شفتها جاية وكي ديما معكرة ولابسة قاميجة بيضة رانيا :صبااح الخيييييير ابتاسمت ورديت عليها ركبنا ودرت ليها السمطة وهي كتبتاسم فعينيها شفت احساس عندها جيهتي المهم احساس زوين واخا متكونش دابا كتبغيني الايام جاية قلت ليها رانيا كيف العادة مسحي فمك قالت لي علااااااااش قلت ليها واش بغيتي الرجال يبقاو يشوفولك ففومك منقبلهاش غنصدق مهرس شي واحد وزايدون نتي زوينة وغزالة وفنا بلا ماديري حتى حاجة ضحكات ومسحاتو انا كنعرفك ملي كنتي تلبسي صندالة دالميكة وكسوة بايلة فيها هههههه رانيا: صافى نزلني متوصلنيش نوفل : هههه راني غير نضحك معاك أ الهبيلة بقينا الطريق مناكرين وضاحكين شحال تسنيت هاد اللحظة تجي وصلتها للمدرسة وقلت ليها دخلي تقراي ومتهضري مع حد والى ضسر عليك شي حد ولا حتاجيتي شي حاجة سيفطي غي ميساج رانيا:صافي واااخا بسلامة مشيت وانا كلي امل وفرحان وناشط ومابحالي حد وصلات التلاتة دالعشية كانت عندي خدمة حدا مدرسة ديال رانيا وملي ساليت دزت من حداها بديت كنشد الفران شكادير هادي برا وقفت وبديت نكلاكصوني ضارت لقاتني شيرت ليها بيدي(آجي) جات عندي وطلات عليا من الشرجم رانيا: سلاااام نوفل معصب: لا سلام لا جوج شكاديري ف باب المدرسة ناس تيقراو ونتي واقفة مع الدراري والبنات كتضحكي ضحكتك كتسمع من الشارع بقات رانيا سااااااكتة نوفل: ياك مغتخرجي تال 4 واهضري !!! عرفتي شنو ركبي ركبي رانيا:لا ماغنركبش عطاتني بالضهر وبغات تزيد نوفل:شوفي يا غتركبي يا غنزل نركبك بزز ماشي وقت فشوشك هادا حلات الباب وكلسات وماتسناتنيش نديير ليها السمطة بقيت كنشوفيها بغيت ناكلها نوفل: اوا هضري ا لالة شكنتي كاديري هدشي غير كانديك ونجيبك كون مدزتش مغانعرفش كون جا شي كلوشار وقف عليكم ولا طحتي فشي مشكل فين غادي نوليو ضرت لقيت عينيها تغرغرو بالدموع نوفل: مالكي دابا راني كنهضر على مصلاحتك حيت خايف عليك مازالا ف عينيا البنيتة الصغيرة وافهميني رانيا ودميعاتها يطيحو: راني مقريتش نوفل: ياك ا لالة وعلاش ماسيفطتيش مساج نجي عندك عجباتك وقفتك هكاك بقاو ساكتين شوية رانيا: منعاودش بديت نبتاسم ليها وصلنا وسط المدينة وحطيت الطوموبيل ونزلنا شدات لي فيدي وهي حادرا راس سحابلها مازال مقلق عليها وانا واخا نبغي نتقلق منها ولا عليها منقدرش ومنعرفش وقت وبقيت كنشوفيها وهي عينيها فالارض زيرت على يديها هزات راسها بالزربة كتشوف فيا وضحكنا بجوج حيت فهمتها وهي فهمات ردت فعلي شنو كتعني
بقينا غادين فالشاريع مشادين وكنتمشاو شادها باش يديها متفلتش من يدي ودخلنا القهوة كنتفرجو ف اغاني وكنتعاودو حتة وصل وقت وديتها للدار لجزء الرابع بالليل مشيت للدار زلقيت خوااي وخوالاتي وعمامي كاينين والعشا كيطيب مشكل ومنوع قالتلي مي راه عمك وسيهام اليوم عرضناهم للعشا تخلعت رانيا توصلها الخبار كحالت عليا جريت مي للبيت أ مي واش انا ماعندي رأي واش انا لي غنتزوك ولا نتي كاديرو لي كالكم راسكم بحالا انا ماكينش اوا مين يجيو كلسي معاهم نتي انا مامعشيش بغيت تخرج من البيت وهي تقوليا بغيتي تحشمني قدام الناس يقولو ماعرفاتش تحكم ولدها واش انا ا مي دري صغير تزوجوني وتخطبولي حتى لاخر لحظة عاد كانعرف شوفي من الاخر انا ماباغيهاش وماباغيش نتناسب مع عمي قالت لي هاسخط هارضا غير تعشا يدوز هاد النهتر بسلام ونهضرو كلست فبيتي وعيطت ل رانيا كنسمح صوتها كنفرح وكنرتاح ما بغيت والو بغيت غير نسمع صوتها لكن ماجاوباتش واش تكون حسات بشي حاجة اوووف قلبي غايخرج من بلاصتو واش نمشي ندق عليهم دابا ولا شنو ندير دخلات الحاجة وقالت لي ناس راهم فالباب لبس خلاص وصلني مساج نسيت الحاجة وهزيت نقراه عمري كنت كندوش اووووف حمدلله ماحسات بوالو لبست ونزلت طلعات سهام وبداو زغاريت نااااري سكتو كلشي غيعرف خطبت منهم رانيا بغيت نهرب ولا منعرف اش ندير كلسات حدايا سهام وخلاونا بوحدنا باش نهدرو لكن ماهدرت ما تحركت وحسيتها تعصبات ماشي بيدي عقلي فرانيا بوحدها تعشينا وشدو فيا بنات عائلتي وانا كنقول غانزرك لشي وحدة لعين الضحك الباسل الوقت مابغاش يدوز دغيا كنحسب الوقت بالتواني ولا بغا يدوز جا الوقت باش يمشيو ودخلت لبيتي مابغيت نكلس لا نهضر مع حد بغيت غير نسد عليا لاغدليه نزلات الحاجة ولقات رانيا ومها فالباب تسالمو بيناتهم وقالت ليهم اوا ماباركتوش ليا ماين رانيا قالت للحاجة نباركولك ولكن تانعرفو علاياش سمعت الهدرة فالحومة نقزت طرت من بلاصتي ناري مي واقفة معاهم وانا كنشوفيهم من الفوق رانيا واقفا كتضحك ما فراسها والو الحاجة:علاه ما فخباركمش راني خطبت لولدي نوفل بنت عمو سهام رانيا حسات بيا عينيا عليها مها كتبارك لمي وهي هزات راسها باش تشوفيا شفت فعينيها نضرة ديال انتقام هضرت غير بالاشارة زعما انا غنعيط ليك وهي مازال كتشوف فيا داخت ورجعات باللور وطاحت ماحسيتش وماعقلتش كيفاش تا غوت ونزلت نجري فالدروج لقيت مي وماين رانيا واحد المرة من الجيران بسم الله عليك ا بنتي رانيا أ رانيا رجوع الله ابنتي فيقي جيت بسروال ديال اادار حفيان قلت ليهم حيدو خليوها تنفس غوت عليهم وبداو يشوفو فيا هزيتها ودخلتها لدارهم وحطيتها وقالت مي ل ماين رانيا متخافيش دابا تفيق انا توقف راسي فديك اللحظة كنحاول نفيقها حتي فاقت شافتني شفت شوفة دالغدر فعينيها قلت كلمة وحدة بلا منفكر ولا نشعر قلت (عافاك) بدات الحاجة وماين رانيا تيقولوها باش كتحسي وهي عينيها عليا مبغاتش تحيدهم خرجت من الدار كنضرب فالحيوط انا سباب هادشي انا لي علقت بيا بنت صغيرة واول صدمة ف حياتها تجيها مني انا لي اقرب شخص ليها كان عليا نبغيها ونعشقها فالسكات لكن مقدرتش خفت تضيع من يدي
لا يوجد تعليقات
أضف تعليق